Tlehhema'aá ya/Abuuse 23:3 - Biblía Axweesantá Hhohho' ar Mungú 2004

³ Paulo iri oó', «Mungú kuúng u slaahh, asma kuúng a adór koo/ír taa hhoohhoeés ar busla. Kuúng ana iwít as aníng iwa sakwasleemut ar adoodá' hara'aya i kat. Ala kuúng a kat, ‹Muxaak.› Gawaá adoorihe kuúng hara'aya aga sí'.»

Ya/abtór hho' 1977

³ Paulo iri oó', “Mungú kuúng u slaahh, asma kuúng a adór koo/ír taa hhoohhoeés ar chokaá'a. Kuúng ana iwít as aníng iwa sakwasleemut ar adoodá' hara'aya i kat. Ala kuúng a kat, ‘Muxaak.’ Gawaá adoorihe kuúng har'aya aga sí'.”

Tlehhema'aá ya/Abuuse 23:3 Iomraidhean Croise

1 WAAWITÁ 22:24

Aluuwo Sedekia garmoó Kena'ana iri tseewúy bihhaa Mikaya, guri tlaqarmo slaáhh, guri yaahaás, «Alók a xaylá qeeruú AAKOÓ MUNGÚ aníng iwa geexáy nee kuúng tari axwesé'?»

WARA'AMI 94:20

Xáy, geeraharusmoó /aytusmo nee kuúng an dinku'usá'a? Kudá' hara'ayár gan'amuú koomaaká ngi qamiimá'?

DAHARUSMO 3:16

Dinkwa nee tihe aníng gár naa tsaáhh baraaká daanduú yaamuwo a tí, didá' sakwasleemár ganaa' iwa deér tlakweema i dayá' nee didá' hotaá ganaa'á' iwa dayá', tlakweema iqo dayá' sleeme.

TLAHHOÓ LAÁWI 19:15

«Bar kwasleemár tlaqá', tlaaqaak ar gan'amu, narkutmo mu barqantuusara', tam heé ilaiwa/amér koóm mu da'ayumiitara'. Ala a gár hariim inslaawmo kuwa sakwasleemár ganaá' i tlehh.

TLAHHOÓ LAÁWI 19:35

«Muruú gana'aaká mu tlehhiitara' baraá kwasleemaro, muu mu al/agiimaara' ar qoomoó qoomaaká oo tlenaangw, nee oo iilooeema, nee oo hatsimisuuwo.

AMOS 5:7

Tsaxwaahúng kuungásingá' sakwasleemár ganaa' ngi tangekufiimá' tawa gár tlii/, nee hotaá ganaa'á' kiri waaqaé'.

Yohana 18:24

Aluuwo Yesu kuri huúw ar píngu nee Anasi amór Kayafa, kaahamusmoó úr oo Mungú.

Yohana 7:51

«Ahaá, hara'ayarén hee gu sakwasleemúta, barnaxes axweesantós kaa axaasiiká geerií alé, nee barnaxes kaa xuiiká tidá' aa tleéhh?»

Tlehhema'aá ya/Abuuse 23:4

Mukdaádá' didá' wa sihhimiít iri oó', «Kaahamusmoó úr oo Mungú kuúng ugwa qítli /ooslimto?»