Tlehhema'aá ya/Abuuse 23:15 - Biblía Axweesantá Hhohho' ar Mungú 2004

¹⁵ Gimsé', kuungá' nee bariisér kwasleema geeraharusmoó úr oo askaári ádbawaak Paulo nguwa amoorí ar /eeti matlo. Baré kwaáo' kangós un alqaytsitár wa sla'á'. Daqaní atén u loohír wa giiraán, nguri gaasaán.»

Ya/abtór hho' 1977

¹⁵ Gimsé', kuungá' nee bariisér kwasleema geeraharusmoó úr oo askaári ádbawaak gídaabá, Paulo amoorí ar /eetang matlo. Baré kwaáo' iidíguuwós un alqaytsitár wa sla'á'. Daqaní atén u loohír wa giiraán, nguri gaasaán.”

Tlehhema'aá ya/Abuuse 23:15 Iomraidhean Croise

2 SAMUELI 13:5

Yonadabu iri oó', «Kuúng qaát gawaá qatani, ti tiqtusmoó ilaaqas. Bar baabuúwók bar kuúng ugwa neetleesi áy, kuúng harhheehhe'eeseek, ku beer. ‹Hho'or'eé' Tamari ni hardat mikaátér /aymar'eé' ngi hup, nee muruú /ayma ngu dír ilaeé' wa huuriin, as nguwa ar. Inósár kilá' án i /aymis ar dabaawós.› »

WARA'AMI 21:11

Inooín bar muruú tlákw ngun dirógí tleehhamór wa slaiyá', laqaá bir loohír leelehhiitiyá' ar kuúng tuwa qwaareesi, adoodá' ka baloó aleeslayká.

AXWEESANOÓ SAGALOOA 1:16

Asma ya'aaín i gaansliná' baraá tlakweema, inooín i kararasliyá' as tseere kawa ku'uusi.

AXWEESANOÓ SAGALOOA 4:16

Asma múk tlákw gu'ute gu oohahiindaaká bar tlakweema nga tleehhi'iiká, gu'uter'ín in /akút bar hee ngwa dahhi'iiká.

ISAYA 59:7

Umuú daqto an baraá tlakweemií ti'ii'indá' an gaansliindá' tseerér heé dakuús wásl kawa ku'usa'. Inslawayhúng umuú daqto ku tlákw. Umuú dír taraqo waarahhi'i aqo hhituru'uuma nee deewa'ame an tlehhtá'.

Yohana 18:12

Askaáridá' nee geeraharusmooín nee sagadiyuuseedár múk Yahudi Yesu kuri óh, kuri tseék,

Tlehhema'aá ya/Abuuse 22:30

Geeraharusmoodá' úr gár Paulo kusa sakwasleemuút nee múk Yahudi gari xu'utír wa slaá'. Gawaá adoorihe looaytleérós Paulo guri gweér. Kaahamuusér uren ar Mungú nee bariisér doó kwasleema sleémeero gari ateét. Paulo guri leéhh, guri dír geeraaíní huúw.

Tlehhema'aá ya/Abuuse 23:1

Paulo múk kwasleema guri ilií duxún iri oó', «Hhaee'eé', aníng muunuú hhoohhoó' una ar hoót geeraá Munguhe ay laarí.»

Tlehhema'aá ya/Abuuse 23:6

Paulo ngiwa tsaáhh adór baraadae bahh'alé tar múk Sadukayo nee bahh'alé a múk Farisayo, iri baraá doó kwasleemár wa tseé' ar afór ur, iri oó', «Hhaee'eé', aníng a heé Farisayo, garmoó heé Farisayo. Aníng tin sakwasleemuut asma harahhifór ni koom ar múk aa qaatl kuwa waaslee/atisi.»

Tlehhema'aá ya/Abuuse 25:3

inooín ngiwa aleeya/án Paulo kunguwa huwi Yerusalemu. Asma inooín Paulo ngun giirór wa slaiyá' kuwa gaasi.