Tlehhema'aá ya/Abuuse 23:14 - Biblía Axweesantá Hhohho' ar Mungú 2004

¹⁴ Tari daqáy dír kaahamuusér uren ar Mungú, nee bariise, tari oó', «Atén lo'o aga /ayaán ar tawa gaa tsaqaanaaká ay dír Paulo kway gaasaan.

Ya/abtór hho' 1977

¹⁴ Tari daqáy dír geeraharuusér uren ar saalíngw múk Yahudi, nee bariisee, tari oó', “Atén lo'o aga huuwaán ar tawa gaa tsaqaanaaká ay dír Paulo kway gaasaan.

Tlehhema'aá ya/Abuuse 23:14 Iomraidhean Croise

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

YEREMIA 6:15

Xáy, qoomár tawa tlehhma'aá slasla/aren tlehhiiti mure ka ara'ári? Aasla'áy, mure ka ara'ariiká tam ar niiná. Tam adór baraá gitsee/er'ine ngir laqana' ngi xuiaaká. Gawaá adoorihe inooín ta alhuu' nee kudá' huuhu'uumá' qoomár bira slaáhh ngiri hhaamiís. Anuú AAKOÓ MUNGÚ tí ngina oó'.»

YEREMIA 8:12

Kuungá' tunda mureekeési qoomár muruudá' ta waki kuwa tlehhité'. Aasla'áy, kaa mureekesiiká, tam mureekesoó niiná ngwaa slay'iiká. Gawaá adoorihe inooín i huuiyá' baraá tla/ángw mukdá' aa huuhu'un. Qoomár bira sakwasleemút ta hhán. Anuú AAKOÓ MUNGÚ tí ngina oó'.»

HOSEA 4:9

Aluuwo gár muu gu slaw kaahamusmo gu sleér. Aníng i muúx asma hotaaín awa tlakw nee in buú' ar harqoomoó tlehhmi'i'ín.

MIKA 7:3

Sleémeero kin ilakaaharen muruú tlákw tlehhtuuwo. Ga/awuuse nee múk doó sakwasleema slukma ngin slaiyá'. Tam heedá' úr ta ilaiwawa/i tós ar i slai gan oo', sleémeero tin bardarahiyá'.

Tlehhema'aá ya/Abuuse 23:12

Looa niwa tleér, múk Yahudi tari al'axweés, lo'o kana /aáy ar tawa /ayinka, slám ta wahiika ay dír Paulo kway gaasi.

Tlehhema'aá ya/Abuuse 23:13

Nee mukwí lo'o gaa /aay mibeeraá tsiyáhh gi waraahh.

Tlehhema'aá ya/Abuuse 23:20

Garmaadá' iri oó', «Múk Yahudi taa al'axweés kuúng tuwa firin as Paulo kuwa baráy ar /eeti matlo, nee kuwa qaasi dír geeraá kwasleema. Baré kwaáo' kangós ngun kángw kilá' wa alqaytsitár wa slaiyá'.

Tlehhema'aá ya/Abuuse 23:21

Ala kuúng ma ya/aamaar, asma múk mibeeraá tsiyáhh gi waaraáhh ngu loohír wa gigidiná'. Nee inooín lo'o ngaa /ayiyé' ar iwa /ayina'aaká, laqaá i wahiaaká, ay dír Paulo ngway gaasiya'. Nee hamí axweesantá amoorók daahh ngin daamaraná'.»