Tlehhema'aá ya/Abuuse 23:11 - Biblía Axweesantá Hhohho' ar Mungú 2004

¹¹ Xweeraadae Aako ina bihhaá Pauló i sihhiít guri báy, «Muuna hhe'eés, asma adoodá' kangw'eé' kura lamabu'uún baraá Yerusalemuro, un adoodár lamabu'uún sleeme baraá Romaro.»

Ya/abtór hho' 1977

¹¹ Xweeraadae Aako ina bihhaá Pauló i sihhiít iri oó', “Muunuúwók gawdeeseek, asma iidíguueé' adoodá' kura lamabu'uún baraá Yerusalemuro, un adoodár lamabu'uún sleeme baraá Rumiro.”

Tlehhema'aá ya/Abuuse 23:11 Iomraidhean Croise

WARA'AMI 109:31

Asma inós heé gaa wásl gun aleekal/án, as nguwa tu/i dír mukdá' gwaa sakwasleemár gwa'arár i tsati.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

ISAYA 46:10

Aníng alhhe'eesaay nguna iimír iimu/úngwa oó', nee muruudá' aluú wa hardáh nguna iimír aáng wa oó'. Aníng a kah, ‹Gar'eé' ar naa qoomeés a boo/eés nee tidá' sleémeero ni slaa' a tleéhh.›

Matayo 14:27

Yesu gina adaá i ilawaáts, giri báy, «Gur'e gawdeesaak. Hee a aníng. Ma da'ayumitaara'.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Matayo 9:2

Heé tiqtír sol'omit kuri huúw dír Yesu, aa qaát gawaá shafta. Nee Yesu haratlintaaor'ín ngiwa ár, heedaáduú tiqtír sol'omit guri báy, «Ma da'ayumiitaar, garmaaeé'. Tlakweemaawók kaa gurtláy.»

Luka 16:28

Asma hhaee'eé' awa kooán i dayá', ngi gurbu'utá ay, asma inooín mindiwa hardihiyé' diirí slahh'amuú koom.›

Yohana 14:18

«Án kuungá' nu panáy geexawaaká. Ni amorhúng i hardáh.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Tlehhema'aá ya/Abuuse 18:9

Xweeraakari wake Aako Paulo guna baraá iigu'utúr báy, «Ma da'ayumiitaar, axweesante'eé' alki/iiteek, slám ma xasliitaar.

Tlehhema'aá ya/Abuuse 19:21

Alaá kaangwí sleémeero iwa tleehharuút, Paulo isa gari tsaát iwa waaraahhi ar Makedonia nee Akaya, nee iwa kumiiti ay Yerusalemu.» Iri oó', «Aníng bara amorqí hardáh, gár iwa hariím an Romár káw sleeme.»

Tlehhema'aá ya/Abuuse 2:25

Asma Daudi kangós gwa oó', iwa kaahi, ‹Án Aako una ar'a'ár daqisleém dír geeraaeé', asma inós i bartá dakw'eé' oo doó /iyáy, as aníng mitiwa dingitís.

Tlehhema'aá ya/Abuuse 20:22

Nee aníng hamí aga tláw ay Yerusalemu, taa tseék nee Qeeruú hhoohhoó' oo Mungú. Gár aníng ni amorqií aw a xuaaká.

Tlehhema'aá ya/Abuuse 22:15

Asma kuúng a lamabu'usmoowós tleehhít dír muu sleémeerowo daanduú muruuwí sleémeero taa aán, nee taa axamisi.

Tlehhema'aá ya/Abuuse 22:18

Yesu una ár, i aníng babay, ‹Goów ar gaanslaay, baraá Yerusalemu geexaweek, asma lamabu'uungók daanduueene ku ya/anaká nee múk baraaká'.›

1 Korinto 9:1

Ahaá, aníng a heé taa gweériíke? Ahaá, aníng a ya/abusmoowookáhe? Ahaá, aníng Yesu Aakoorén ugwa áriíke? Ahaá, kuungá' a mamaá gadiyér'eéneéke, ar baraá Aako?

Filipi 1:13

Asma aníng tina tseék as Kristo, nee adoorí aa xu'utít dír askaári nee muu sleémeero oo diirí dirií'.

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.