Tlehhema'aá ya/Abuuse 23:10 - Biblía Axweesantá Hhohho' ar Mungú 2004

¹⁰ Gila niwa tlahhiyé', geeraharusmoó úr oo askaári ina da'ayuút Paulo kuwa feehhamiisi. Gawaá adoorihe askaári gari ya/aáw, kuri hingeés ar /uuru dabaaín wa ale, kuri huúw baraá boóma.

Ya/abtór hho' 1977

¹⁰ Gila niwa tlahhiyé', geeraharusmoó úr oo askaári ina da'ayuút gídaabá Paulo ku feehhamiis. Gawaá adoorihe askaári gari ya/aáw, kuri hingeés ar /uuru dabaaín wa ale, kuri huúw baraá boóma.

Tlehhema'aá ya/Abuuse 23:10 Iomraidhean Croise

WARA'AMI 50:22

«Tí alhooreesaak, kuungaásingá aníng i gunqaaremisá', án kuungá' munduwa karslamiís, tam heé nu tuú/ iri qwaar.

WARA'AMI 7:2

Mindiwa hardihiyé' adór dirángw wa ale, aníng iri feehhamisiyá', mitiwa uuruúx amór saáw i alé, dír heé i ba/amís iwa kahhi.

MIKA 3:3

nee fu'unaá muk'eé' in /agá', nee kaduuín in daqá', nee faduuín kiri giqeerá'. Nee in tlaqá', kiri supaapiindá' adór fadaá ta baraá hutláy qaasi, nee tay adór fu'unaá baraá qataai.

Tlehhema'aá ya/Abuuse 21:37

Qoomár Paulo kuwa dahaasár wa slai baraá boóma, geeraharusmoó askaári guri báy, «Án pa/aangw u sláwa oo /aymuú wák nguwa dirógí oo'.» Inós iri oó', «Kuúng tsifrír múk Yunani a xúa?

Tlehhema'aá ya/Abuuse 22:24

geeraharusmoodá' úr askaári gari ádbáy Paulo kuwa dahaasi baraá boóma, nee kangós kuwa yaahamiisi, kuwa hara muxi ay dír gaarí kuwa i tseeamin ngay ooi.»

Tlehhema'aá ya/Abuuse 23:16

Garmoó hho'ór Paulo kaangwí Paulo kuwa gigidin guri axaás. Iri tláy, iri dahmaá áy baraá boóma, kaangwí guri oó' dír Paulo.

Tlehhema'aá ya/Abuuse 23:27

Heewí kuna óh nee múk Yahudi, kuri lak gaás. Ala aníng kaangw nguwa axaás adór inós tar heé Roma, niri daqáw dinkwa nee daqtá askaári, nguri tuú/.

Tlehhema'aá ya/Abuuse 23:28

Aníng /aymuudá' kuwa sakwasleemuút nguwa xu'utír wa slaá', nguri huúw, nguri qaás geeraá kwasleemar'ín.

Tlehhema'aá ya/Abuuse 23:32

Looa iwa tleér Paulo kuri ar tláy nee askaaridá' faras gwa i tsa/aan, tidá' ar ya'a' iri kí/ ay amór boóma.

Tlehhema'aá ya/Abuuse 24:7

Ala Lisia, geeraharusmoó úr oo askaári niri hardáh, guri dabaarén wa hayóh ar /uuru.

2 korinto 11:26

Baraá aaiieé' awa yaariire tsaxwaá yaariir in wa /akumaamiít, tsaxwaá yau, nee tsaxwaá fisuuse, tsaxwa as múk xooror'eé', nee as múk xoordaá hatlá' sleeme, tsaxwaá baraá gixsadu nee tsaxwaá baraá darma, tsaxwaá baraá tlawi, tsaxwa as mukdá' káh inooín a hhae, ala laatí inooín a hhaeewooká.

Yakobo 1:19

Hhaee'eé' awa sla'aaruúse, tí xuaak, umuúqo heewo masók ku inslaáhh gaa axaasaro, ala miwa gaanslín ilawatsto, laqaá buhhtaawo.

Yakobo 3:14

Ala kuungá' barnaxes da/itá tlarara/aay a koondá' baraá munerhunge, nee barnaxes ti kiloohúng sla'á', ma daara/aamara' tiwa kiloohúng xirfayeemisa', lama kari tsatá' daanduú looeema.