Tlehhema'aá ya/Abuuse 22:3 - Biblía Axweesantá Hhohho' ar Mungú 2004

³ «Aníng a heé Yahudi. Tina laqwaál Tarsór wa ale, gixsár yaamaá Kilikia. Ala ana baraá gixsarír Yerusalemúr wa uráw, baraá dabaá Gamalieli, án ina intsaahhatimís daanduú hara'ayár baabi'iirene. Tari heé ilakaahaár daanduú Munguhe adoorí kuungá' sleémeero ti diria' laarí.

Ya/abtór hho' 1977

³ “Aníng a heé Yahudi. Tina laqwaál Tarsór wa ale, gixsár yaamaá Kilikia. Ala ana uráw baraá gixsarír Yerusalemúr wa ale. Tina intsaahhatimís nee Gamalieli ar gan'amu daanduú hara'ayár baabi'iirene. Tari heé ilakaahaár bartá Munguhe adoorír kuungá' sleémeeró wa ale laarí.

Tlehhema'aá ya/Abuuse 22:3 Iomraidhean Croise

2 SAMUELI 21:2

Gawaá adoorihe waawutmo Daudi múk Gibeoni guna ateét. Múk Gibeoni inooín awa tlahhoó Israeliwooká. Inooín a múk naa meet baraá múk Amoriwo. Geera múk Israeli lo'o gana /aáy as kiwa tsu/iiká, ala Saulo sleémeero gina iiár tsu/taaro. Ina ilakaahareés, as múk Israeli nee múk Yuda ngiwa gurií baá/.

2 WAAWITÁ 4:38

Elisha iri kií/ Gilgali qoomár giyeé niwa tleér baraá yaamuwo. Looarka wake Elisha nee eeharuusér aaruuse tawa iwiiwiti sagadiyusmoowós guri báy, «Hutloó úr qaaseek baraá asla, muruú /aymár aaruuse qaaseek.»

Luka 10:39

Inós i hho'ór koón, umuuwós a Maria. Maria ina iwít dír Aako, as axweesantós ngiwa axamis.

Luka 2:46

Alaá deelo tame kuri baraá Doó Mungú wa sláy, aa tla/ángw intsaahhatuusér i iwiít, gi iiárií qamín nee gin yaahamiis.

Luka 8:35

Aluuwo muu iri tláy as kangwdá' aa tleehharuut kuwa artá ay. Tawa hardáh dír Yesu, heedaáduú neetlaame kawa hingeés kuri didií áy, i dír geeraá Yésú wa iwiiwiit, i tlabaawós kón nee fuquraangose. Tari da'ayuút.

Tlehhema'aá ya/Abuuse 11:25

Barnaba Saulo guri leelehhtuú áy Tarsór i alé.

Tlehhema'aá ya/Abuuse 15:23

Barwá kari gooín kari ya/aáw ar mukdá'. Barwaádá' gár i kat a tí, «Intsihhiisarí amór i dahh a amór ya/abuuse nee bariise. Kana gooín amór hhaeerén kudá' awa xoordaá hatlá', awa baraá Antiokiár i diriiá', nee Siria nee Kilikia.

Tlehhema'aá ya/Abuuse 15:41

Iri waaraáhh ar baraá yaamaá Siria nee Kilikia, múk kríshaanáy guri alee/imiís /uuru nguwa slaya' baraá haratlintaaooro.

Tlehhema'aá ya/Abuuse 21:20

Inooín kaangwí kuwa axaás, Mungú kuri xirfayeés, Paulo kuri báy, «Hhiyaarén, a ga/eéraáke múk Yahudi oo aa haratlintii' adór tar kumér yaariir. Inooín hara'ayár Mose ngi ló'wa ohiná'.

Tlehhema'aá ya/Abuuse 21:39

Paulo iri oó', «Aníng a heé Yahudi. Gixsár Tarso tina wa laqwaál, baraá yaamaá Kilikia, a yaamuloousmoó gixsár liitlakweeká. U fiririím, pa/aangw hanisang, oo nir ilawaats nee yaamuloouuseerí.»

Tlehhema'aá ya/Abuuse 23:34

Barwaádá' soómaro ngiwa hhe'eés, giri yaahaás, «Heewí oo yaamu gaalá?» Tari oó', «A heé yaamaá Kilikia.» Inós adoorí ngiwa axaás,

Tlehhema'aá ya/Abuuse 23:6

Paulo ngiwa tsaáhh adór baraadae bahh'alé tar múk Sadukayo nee bahh'alé a múk Farisayo, iri baraá doó kwasleemár wa tseé' ar afór ur, iri oó', «Hhaee'eé', aníng a heé Farisayo, garmoó heé Farisayo. Aníng tin sakwasleemuut asma harahhifór ni koom ar múk aa qaatl kuwa waaslee/atisi.»

Tlehhema'aá ya/Abuuse 26:5

Inooín barka lamabu'úngw wa slaa', lamabu'uungo ka aleesláy asma iimír iimu/uungo aníng ana hoót adór heé Farisayo, kudá' hara'ayár diínirén gaa ló' wa eehar.

Tlehhema'aá ya/Abuuse 26:9

«Anuú kilá' geera ana haraxuú' adór tar gár aníng wa hariim mura' sleémeero nguwa tleehh, kudaádá' Yesu Kristoó Nasareti gu baáq.

Tlehhema'aá ya/Abuuse 5:34

Ala heeko wák, oo Farisayo, umuuwós ta bay Gamalieli, slám inós a intsaahhatusmoó hara'ayár Mose, a heé ta ilaiwawa/i nee muu sleémeero. Inós ina sihhiít dír tla/ángw múk kwasleema, hara'aya gari oó' as ya/abuuse kawa tsee/áy duuxi qoomár niinawe.

Tlehhema'aá ya/Abuuse 6:9

Mukko i deer, oo ta bay múk doó saaliingw oo tinda gweér baraá lawaali'iimaro nee oo múk Kirene, nee oo múk Aleksandria nee oo mukdá' oo Kilikia nee Asia. Mukuú doó saaliingwí bahh'alé iri daqáy amór Stefano, as tiwa tlaampaa'amisiya' nee inós.

Tlehhema'aá ya/Abuuse 9:1

Qoomaadae Saulo iri kumiít eeharuusér Aako ngiwa dae tlaaqi, nee adór ngir tsu/i gari leelehhiít. Iri daqáy dír kaahamusmoó úr oo Mungú.

Tlehhema'aá ya/Abuuse 9:11

Aako guri báy, «Sihhiít, tláw ay dír loohidá' ta bay Loohír aa gana'. Heé ta bay Saulo, oo yaamaá Tarso, na yaahaaseek dír doó Yudá wa ale. Inós haandá' hamí i firiirín.

Tlehhema'aá ya/Abuuse 9:30

Qoomár hhae lama ngiwa slayé', Saulo kurir tláy, kuri haydohiís ay Kaisarea, as iwa kumiiti ay gixsár Tarso.

Rumi 11:1

Gawaá adoorihe aníng an yaahaás, «Mungú mukós gwa sí'i?» Aasla'áy. Gwa si'iiká. Asma tam anuú kilá' a heé Israeli, oo xwaylár Abrahamu, oo tlahhoó Benyamini.

2 korinto 11:22

Inooín a múk Ebraniáro? Tam aníng sleeme. Inooín a múk Israelíwo? Tam aníng sleeme. Inooín a xwaylár Abrahamúwo? Tam aníng sleeme.

Galatia 1:14

Aníng niri kumiít baraá diinír Yahudiro ta múk yaariír ba/a baraá qartadár tlahhay'eene. Aníng ilakaaharu una ló'wa tleéhh asma uunuudaá baabi'iirén.

Galatia 1:21

Aluuwo ana tláw ay yaamaá Siria nee Kilikia.

DABE 33:3

Looeemaawo mukós guna slaá', inós mukós sleémeero oo hhohhó' gun de'én. Gawaá adoorihe inooín digiruuwós gun eeharahariyá', nee hara'aya ngin dirós wa slaslayá'.»