Tlehhema'aá ya/Abuuse 22:24 - Biblía Axweesantá Hhohho' ar Mungú 2004

²⁴ geeraharusmoodá' úr askaári gari ádbáy Paulo kuwa dahaasi baraá boóma, nee kangós kuwa yaahamiisi, kuwa hara muxi ay dír gaarí kuwa i tseeamin ngay ooi.»

Ya/abtór hho' 1977

²⁴ geeraharusmoodá' úr iri oó' dír askaári, “Paulo dahaasaak baraá boóma, iidíguuwós yaahamiisaak, ku hara muxá' ay dír gaarí kuwa i tseeamin ngay ooi.”

Tlehhema'aá ya/Abuuse 22:24 Iomraidhean Croise

Yohana 19:1

Yesu kurir tláy nee Pilato, kuri muúx ar qaw'i.

Tlehhema'aá ya/Abuuse 16:37

Paulo giri báy, «Atén tina muúx dír geeraá múk wa aleeró, ala atén taa sakwasleemuutiiká. Nee atén a múk Roma. Slám atén tina kwahhiyé' baraá doó tseegamo. Nee hám qaytsiít, ti qawtí duuxár wa slaiyá'. Adoorí i ya/aandaaká. Inooíná kilá' ni hardihiye', atén ti duuxár aye'.»

Tlehhema'aá ya/Abuuse 21:34

Bahh'alé baraá boo/aydae tari tseeamín, kookari i tí kaahiyá', kookari tiqá'. Iwa xumiís naxés gár axaasaro i aleeslay i káhh tsimaahhiro, hara'aya gari oó' Paulo kuwa dahaasi baraá boóma.

Tlehhema'aá ya/Abuuse 21:37

Qoomár Paulo kuwa dahaasár wa slai baraá boóma, geeraharusmoó askaári guri báy, «Án pa/aangw u sláwa oo /aymuú wák nguwa dirógí oo'.» Inós iri oó', «Kuúng tsifrír múk Yunani a xúa?

Tlehhema'aá ya/Abuuse 23:10

Gila niwa tlahhiyé', geeraharusmoó úr oo askaári ina da'ayuút Paulo kuwa feehhamiisi. Gawaá adoorihe askaári gari ya/aáw, kuri hingeés ar /uuru dabaaín wa ale, kuri huúw baraá boóma.

Tlehhema'aá ya/Abuuse 23:27

Heewí kuna óh nee múk Yahudi, kuri lak gaás. Ala aníng kaangw nguwa axaás adór inós tar heé Roma, niri daqáw dinkwa nee daqtá askaári, nguri tuú/.

Tlehhema'aá ya/Abuuse 28:18

Nee inooín aníng yaahamisuuwo tiwa hhe'eés, tina slaá' tiwa gweeri, asma gár naa tleéhh i káhh ar tis gaasi.

Ebrania 11:35

/Ameena bahh'alé muk'ín kudá' aa qaatl guna sleér, tinda waasleé/ baraá múk aa qaátl wa ale. Bahh'alé kiri slahh'eemiís kángw kilá' wa ale, tam kiri tsuú/, ala kaa slaiiká kiwa ba/amisi asma gár ta slai a waasle/uudá' ak hhoó' kun sláy.