Tlehhema'aá ya/Abuuse 22:20 - Biblía Axweesantá Hhohho' ar Mungú 2004

²⁰ Qoomár tseerér Stefano, lamabu'usmoowók, kawa ku'uús, aníng a didií dirií', nee ana qwalalaá/. Tlabaá mukdá' inós gwa gaas ina xuúm.›

Ya/abtór hho' 1977

²⁰ Nee tseerér Stefano, lamabu'usmoowók, kawa ku'uús, aníng a didá' i dirií', nee ana qwalalaá/. Tlabaá mukdá' inós ngwa gaasiye' ina xuúm.’

Tlehhema'aá ya/Abuuse 22:20 Iomraidhean Croise

Luka 11:48

Gawaá adoorihe gadiyeédár baabi'iihúng an lamabu'uundá' nee ana ya/aandé'. Asma inooín aaruuse kana tsuú/, nee kuungá' an /aantuuín parootusá'.

Tlehhema'aá ya/Abuuse 26:10

Adoorí an adoodá' naa tleéhh baraá Yerusalemuro, kaahamuusér uren ar Mungú ina aleesleemií hanís, múk hhohhó' oo Mungú nguri tsegiít. Nee qoomár kwasleema kawa tsaát ar kiwa tsu/i, aníng sleeme ana ya/aám.

Tlehhema'aá ya/Abuuse 6:5

Boo/aydá' sleémeero /aymuuwí kuri ya/án. Stefano kuri tsawaár, heé haratlintaaór wa haáts nee Qeeruú hhoohhoó' oo Munguhe, nee Filipo, nee Prokoro, nee Nikanori, nee Timoni, nee Parmena, nee Nikolao, kudá' aa ba/an oo yaamaá Antiokia.

Tlehhema'aá ya/Abuuse 7:58

Kuri duúx tsee/aá i alé gixsaro, kuri tlaquút ar tlaa/e. Nee lamabu'uuse inqwaruuín guri qás dír ya'aá garmaako ta bay Saulo.

Tlehhema'aá ya/Abuuse 8:1

Nee Saulo gaasadá' gari sa qwalalaá/. Baldá' gusisíngw úr oo múk kríshaanáy iri iimu/ún baraá Yerusalemuro, sleémeero tari diyaa/aát baraá yaamaá Yudearo nee Samariaro, ala aqo har ya/abuuse kilós ina mét.

Rumi 1:32

Mukwí sakwasleemár ganaa' ar Mungú ga ló'wa xuu', adór heé muruuwí gu tlehhahhiít, gár kus hariím tar gwa'ara. Ala tam adoorihe inooín muruuwí ku tlehhiit. Nee gár ak tlaakw a tí, inooín mukdá' muruuwí gu tlehhiít ku aleeya/aa/án sleeme.

Geehhoeemaá 17:6

Aníng ngiri tsaáhh adór /ameenidá' kara oonitiís nee tseerér múk hhohhó' sleémeero oo Mungú, nee ar tseerér mukdá' taa tsuú/ as Yesu kuwa lamabu'ún. Aníng inós ngiwa ár niri ló'wa waa/oó/.

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.