Tlehhema'aá ya/Abuuse 22:14 - Biblía Axweesantá Hhohho' ar Mungú 2004

¹⁴ Aluuwo iri oó', ‹Munguú baabi'iirén kuúng ugwa tsawaár as sla'aarirós kawa tsahh, nee Kudá' Ganaá' kuwa aan, nee afoorós ar kilá' kawa axas.

Ya/abtór hho' 1977

¹⁴ Iri oó', ‘Mungú baabi'iirén kuúng ugwa tsawaár as sla'aarirós kawa tsahh, nee Kuduú Ganaá' kuwa aan, nee afór baraá afkós daahh kawa axas.

Tlehhema'aá ya/Abuuse 22:14 Iomraidhean Croise

2 WAAWITÁ 21:22

Inós AAKOÓ MUNGÚ, Munguú baabi'iiwós guna geexáy, nee loohír AAKOÓ MUNGÚ gaa eehariiká.

1 QOM'I 12:17

Daudi ngiwa ár gina al'áy, giri báy, «Kuungá' bar nina hardaté' as tawa mulqer'eé' nee iwa alee/isa', do' ló'wa awaare'. Ala kuungá' barnaxes aníng in geewaqatá' dír wakuuser'eene, tam aníng kuungá' na sadakuusiikahe, Munguú baabi'iirén i xumiis nee kuungá' nu iigahhaati.»

1 QOM'I 29:18

AAKOÓ MUNGÚ, Munguú baabi'iirén, Abrahamu nee Isaka nee Yakobo, adoorí mukók aa tleéhh tsuuqeek, nee munér inkihhimuú koom i kumaamit, nee munér mukók amoorók xu'usek.

2 QOM'I 28:25

Baraá gixsadaá Yudawo wa/angwduú gawaá gongoama' kudá' ta mooyángw i da/aa/an dír munguaá hatlá' guna tleéhh. Adoorihe AAKOÓ MUNGÚ, Munguú baabi'iiwós, guri ló'wa buhhtís.

2 QOM'I 30:19

kuúng u firirimá' ar muner'ín sleémeero, kuúng AAKOÓ MUNGÚ, Munguú baabi'ii'ín, tam inooín ki hhohhoeekahe ar adoodá' dabeedár hhohhoeesa i diri'.»

ESRA 7:27

Esra iri oó', «AAKOÓ MUNGÚ, Munguú baabi'iirén i xirfuuti, kudá' inslawaywí gwaa qaas baraá muunuú waawutmo ar doó AAKOÓ MUNGÚ nguwa parootuusi kuduú baraá Yerusalemu.

TI'INAANGW 15:2

AAKOÓ MUNGÚ an /uuruueé' nee an daa'angw'eé'. Inós ina ba/amar'eé' tleehhiít. Inós an Munguúeé', aníng un diidi'iís. Inós an Munguú baabuúeé', aníng un xirfayeés.

YEREMIA 1:5

«Iimír qoomár kuúng tuwa tsihiiká baraá guruú aayooro aníng kuúng una xuú', nee qoomár tuwa laqwaaliiká aníng kuúng una hhoohhoeés, una tsawaár as tawa aarusmoó xoordu.»

DANIELI 2:23

Aá Munguú baabi'iieé', án kuúng un xirfayeemiís nee un diidi'iimiís, kuúngudá' án iga sagalooár i hanis nee aleesleemu. Nee hamí gadaádá' uwa yaahasaán ngaa dir'eénií xu'utís, asma gadaádár waawutmo ngaa aténí xu'utís.»

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Tlehhema'aá ya/Abuuse 13:17

Munguú mukuú Israeli baabi'iirén gina tsawaár, giri xoorór ur tleéhh, qoomár tawa lawaale baraá yaamaá Misriro. Inós ngiri baraadá' wa duúx ar /uuruuwós.

Tlehhema'aá ya/Abuuse 22:15

Asma kuúng a lamabu'usmoowós tleehhít dír muu sleémeerowo daanduú muruuwí sleémeero taa aán, nee taa axamisi.

Tlehhema'aá ya/Abuuse 22:18

Yesu una ár, i aníng babay, ‹Goów ar gaanslaay, baraá Yerusalemu geexaweek, asma lamabu'uungók daanduueene ku ya/anaká nee múk baraaká'.›

Tlehhema'aá ya/Abuuse 24:14

Aníng aga dír geeraawók wa ya/aám, Munguúduú baabi'iirén un haratlintatií' ar loohidá' ngiwa eeharahar, tidá' inooín tawa kaahi a loohír lama. Nee tidá' sleémeero nee hara'ayár Mose ti slaslaawá' an haratlintatií', nee tidá' taa gooín baraá kitaaba'aá aaruuse.

Tlehhema'aá ya/Abuuse 26:16

Ala tláw, sihhiít ar ya'aawók. Gaarí an gár aníng kuúng usa harati'iít, as uwa qaas tawa sagadiyusmo, nee lamabu'usmoó muruuwí taa aán nee muruudá' ta aan aluuwo.

Tlehhema'aá ya/Abuuse 5:30

Munguú baabi'iirén Yesu guna waaslee/atís, kudá' kuungá' taa gasé' ar loohír kikiár gawaá msalaába.

Tlehhema'aá ya/Abuuse 7:52

Baabi'iihúng aaruusér taa máy gusisiingo a gaalá? Inooín aaruuse kana tsuú/, tidá' aa aaririin iwa kat, Kudá' Ganaá' ni hardah. Hám kuungá' ugwa saki/é' kuri gasé'.

Tlehhema'aá ya/Abuuse 9:15

Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Tlehhema'aá ya/Abuuse 9:17

Anania iri tláy, iri baraá do'dí dáh. Saulo guri dabií qaás, iri oó', «Hhiyaaeé' Saúlo, Aako Yesu, kudá' taa dirógí geehhooees baraá loohidá' nira hardati aníng iga ya/aáw, as ilaawók niwa male qaytsitiya', nee tuwa hatsisi Qeeruú hhoohhoó' oo Munguhe.»

Rumi 1:1

Anuú Paulo barwaárí ngina gooiím. Aníng a lawaalmoó Kristo Yesu, tina ateét tawa ya/abusmo, nee tiri tsawaár as Ya/abtór hho' ar Mungú ngiwa alki/iit.

1 Korinto 11:23

Asma aníng intsaahhastí ana dír Aakoó wa ilaóh, nee ngiri kuungá' i oó', tí kah, Aakoorén Yesu xweeraadá' kuwa sakií/, mukaatmo guna taataáhh,

1 Korinto 15:3

Kaangwí afhhamít aníng una ilaóh nguri kuungá' i oó'. Kaangwí an kwí, Kristo ina gwaá' as tlakweemaarén, ar adoodá' Gooi i kat,

1 Korinto 15:8

Alaá mukwí sleémeerowo aníng iri harati'iít, ala aníng tam a adór na/oó taa laqwaali oo qooma gaa ayká.

1 Korinto 9:1

Ahaá, aníng a heé taa gweériíke? Ahaá, aníng a ya/abusmoowookáhe? Ahaá, aníng Yesu Aakoorén ugwa áriíke? Ahaá, kuungá' a mamaá gadiyér'eéneéke, ar baraá Aako?

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Galatia 1:12

Slám aníng ngaa ilaoohiiká dír heé wa ale, nee án heé iga intsaahhatis daanduú Ya/abtoorihe i kaahh. Ala a Yesu Kristo ngina aníng i geehhooatís.

Galatia 1:15

Ala Mungú aníng ina tsawaár iimír aníng tiwa laqwaaliiká, iri ateét as gurtleemuuwós, as aníng inós nguwa sagadiyuus.

2 Timoteo 1:1

Anuú Paulo barwaárí ngina gooiím. Aníng a ya/abusmoó Kristo Yesu, ar adoodá' Mungú aa slaá', as slafingwdá' taa geerií al'axweés nguwa alki/iit, kudá' baraá Kristo Yesu i dirií'.

Tito 1:1

Anuú Paulo barwaárí ngina gooiím. Aníng a sagadiyusmoó Mungú nee ya/abusmoó Yesu Kristo. Aníng tina tsawaár nee tina ya/aáw as múk Mungú aa tsawaár nguwa alee/iis iwa haratlintii'i nee kángw looeema nguwa xuiya', kudá' hariím as Mungú kuwa ilaiwawa/i,

1 Petro 2:22

Inós tlakweemaá aa tleéhh i kahhiyá', slám lama afkose gaa baloó ooiiká.

1 Yohana 2:1

Laqwalor'eé' ar ninakw, tí ngin kuungá' i gooiím as kahhó' tlakweema mi tleehhara'. Ala hee bar tlakweema gaa tleéhh, heé ti aleefiriiriím dír Baabahe u koomaán, an Yesu Kristo, kudá' gan'amuú koóm.