Tlehhema'aá ya/Abuuse 21:9 - Biblía Axweesantá Hhohho' ar Mungú 2004

⁹ Heewí dasuú tsiyáhh oo /amaatliite gu kón, inooín qeemuú aaru'uuma ngu koná'.

Ya/abtór hho' 1977

⁹ Heewí dasú tsiyáhh oo /amatlite gu kón, inooín ya/abtór amór Mungú daahh kan axweemamiis amór múk i alé.

Tlehhema'aá ya/Abuuse 21:9 Iomraidhean Croise

2 WAAWITÁ 22:14

Gawaá adoorihe, kaahamusmoó Mungú Hilkia, nee Ahikamu nee Akbori nee Shafani nee Asaya sleémeero tana daqáy amór aaruso'o Hulda, harér Shalumu, garmoó Tikfa, garmoó Harhasi. Shalumu an kudá' tlabaá doó Mungú amohhee'emaamiís. Qoomaadae Hulka dír i hot a bartá tsár ar Yerusalemu. Inooín nee aaruso'o Hulda tari axweés.

NEHEMIA 6:14

Mungú nguri firiím, iri oó', «Aá Munguúeé', muruudá' Tobia nee Sanbalati naa tlehhahhitiyé' inslaweek, tam aaruso'oodá' ta bay Noadia, nee aaruuseedár hatlae, kudá' aníng iga dae tlaaqiye'.»

TI'INAANGW 15:20

Naagáy aaruso'o Miriamu, hho'ór Aroni, oowi gari taatáhh. /Ameena sleémeero iri aluuwós wa eehariín, i ooway'ín koná', ta hara ni/ín.

ESEKIELI 13:17

Gimáy daxta, heewí, warqáw amór /ameenadá' aariiriim ar mukók, tidá' aariiriim daanduú inslaway'ine. Aariím daanduuine,

Yoeli 2:28

«Daqaní alaá tihe aníng muu sleémeero u hatsiís ar Qeeruueé'. Daaqayhúng nee dasuuwo tari aarirín. Bariiserhúng iri tlatiitiín, nee masoombarhúng iigu'utu guri aán.

Luka 2:36

Aaruso'orkar ar /ameeni i deer, umuuwós a Anár Fanueli, ar tlahhoó Asheri. Inós a /ameenír aa ló'wa diin. Tana al hoót nee hhawaatuuwós kureeri faanqw alaá duuxoro.

Tlehhema'aá ya/Abuuse 13:1

Baraá múk kríshaanáy kudá' baraá Antiokiár i diriia aaruuse i deer nee intsaahhatuuse. Inooín a Barnaba nee Simon kudá' ta bay Nigeri, nee Lukio, heé yaamaá Kirene, nee Manaeni, heé aa uray dír doó baabuú waawutmo Heróde wa ale, nee Saulo.

Tlehhema'aá ya/Abuuse 2:17

‹Mungú ina oó', Adoorí an adoodá' ni tleehh bál deelór alhhe'eesaywo, aníng muu sleémeero un Qeeruueé' i haniís, daaqayhúng nee dasuuhúng tari aariirín, masoombarhúng iigu'utu guri aán, nee bariiserhúng iri tlatitiín.

1 Korinto 7:38

Gawaá adoorihe heé dasiirós ga haniís, adór hhoo' gaa tleéhh. Nee kuda' dasiirós ga haniisaaká, inós adór hhoo' gaa ak tleéhh.

Geehhoeemaá 2:20

Ala aníng axweesantaka a koóm daanduuwoge, /ameenidá' ta babay Yesebeli a aleeya/a/aán. Inós ti babeer a aaruso'o, nee sagadiyuuser'eé' gari intsaahhatimís nee gari qwaarés as tawa fuquusi, nee fu'unaydá' kiwa /ayi awa taa ilahhooár wa haniís dír munguaá murslaaqat.

HAR'OHUUSE 4:4

Debora aaruso'ór /ameeni, harér Lapidoti, inós an har'ohuso'ór xoorór Israeli qoomaadae.