Tlehhema'aá ya/Abuuse 21:4 - Biblía Axweesantá Hhohho' ar Mungú 2004

⁴ Eeharuuse kari slawaán amoodae, tari dir'ín wa hootaán deelo faanqw. Inooín Paulo ar /uuruú Qeeruú hhoohhoó' oo Munguhe kuri ádbabáy as Yerusalemu mingiwa káy.

Ya/abtór hho' 1977

⁴ Eeharuuse kari slawaán amoodae, tari dir'ín wa hootaán deelo faanqw. Inooín Paulo kuri babáy ar /uuruú Qeeruú hhoohhoó' gidaabá, “Ma tsa/amaar Yerusalemúr i alé.”

Tlehhema'aá ya/Abuuse 21:4 Iomraidhean Croise

Matayo 10:11

«Umuúqo gixsaro laqaá yaamuwo awa ta i hardata'a, heé inkihhím leelehhaak, ta dír do'ós wa hotá' ay dír ti tleera'.

Tlehhema'aá ya/Abuuse 11:26

Qoomár nguwa sláy nguri huúw ay Antiokia. Inooín kurkú wák kuri al faák nee eeharuuse, tidá' baraá Antiokiár i dirii', múk yaariír kuri intsaahhatimís. Yaamaá Antiokia an dír geera ar haratlintaauuse kawa báy kríshaanáy.

Tlehhema'aá ya/Abuuse 19:1

Qoomár Apolo iwa baraá Korintórií dirii'i, Paulo iri waaraáhh ar baraá yaamaá kaahaar, iri hardáh ay Efeso, amoodae tiri doogiyé' nee eeharuuserka,

Tlehhema'aá ya/Abuuse 21:16

Eeharuusér baraá Kaisarea bahh'alé tari alkoomaán nee atén, tiri hardahás ay doó Mnasoni, heé yaamaá Kipro. Inós a eeharusmo iimír aange. Asma atén dír ti hotaá awaan an dír do'ós.

Tlehhema'aá ya/Abuuse 28:14

Hhae kay amoodá' i awaán. Atén tiri ló'wa firiné' tawa al iwiwiitaan nee inooín deelo faanqwe. Nee aluudae tari hardahaán baraá yaamaá Roma.

Tlehhema'aá ya/Abuuse 9:16

Aníng adór slahha'amaayér yaariir ir inós wa hariín sleemuuwo as aníng a dirósí laqaám.»

2 Timoteo 1:17

Qoomár inós iwa Romair i hardáh, ina leelehhahhiít, iri sláy.

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.