Tlehhema'aá ya/Abuuse 21:37 - Biblía Axweesantá Hhohho' ar Mungú 2004

³⁷ Qoomár Paulo kuwa dahaasár wa slai baraá boóma, geeraharusmoó askaári guri báy, «Án pa/aangw u sláwa oo /aymuú wák nguwa dirógí oo'.» Inós iri oó', «Kuúng tsifrír múk Yunani a xúa?

Ya/abtór hho' 1977

³⁷ Paulo qoomár kuwa dahaasár wa slai baraá boóma, iri oó' dír geeraharusmoó askaári, “Án pa/aangw u sláwa oo /aymuú wák nguwa dirók i oo'.” Inós iri oó', “Kuúng tsifrír múk Yunani a xúa?

Tlehhema'aá ya/Abuuse 21:37 Iomraidhean Croise

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Tlehhema'aá ya/Abuuse 19:30

Paulo inósuú kilá' iri dahamaá slaá' amoodár geeraá muu. Ala haratlintaauuse aa ya/aandiiká.

Tlehhema'aá ya/Abuuse 21:19

Paulo laawa'eesaro ngiwa hhe'eés, kaangw sleémeero oo Mungú aa tlehhiít dír múk xoordu ar gadiyeérós guri dir'íní wakeetín alki/ituuwo.

Tlehhema'aá ya/Abuuse 21:34

Bahh'alé baraá boo/aydae tari tseeamín, kookari i tí kaahiyá', kookari tiqá'. Iwa xumiís naxés gár axaasaro i aleeslay i káhh tsimaahhiro, hara'aya gari oó' Paulo kuwa dahaasi baraá boóma.

Tlehhema'aá ya/Abuuse 22:24

geeraharusmoodá' úr askaári gari ádbáy Paulo kuwa dahaasi baraá boóma, nee kangós kuwa yaahamiisi, kuwa hara muxi ay dír gaarí kuwa i tseeamin ngay ooi.»

Tlehhema'aá ya/Abuuse 23:10

Gila niwa tlahhiyé', geeraharusmoó úr oo askaári ina da'ayuút Paulo kuwa feehhamiisi. Gawaá adoorihe askaári gari ya/aáw, kuri hingeés ar /uuru dabaaín wa ale, kuri huúw baraá boóma.

Tlehhema'aá ya/Abuuse 23:16

Garmoó hho'ór Paulo kaangwí Paulo kuwa gigidin guri axaás. Iri tláy, iri dahmaá áy baraá boóma, kaangwí guri oó' dír Paulo.