Tlehhema'aá ya/Abuuse 21:3 - Biblía Axweesantá Hhohho' ar Mungú 2004

³ Nee Kipro kawa araán, kari bihhaá dákw doó basáy geexawaán, tay hi'iitaán ay Siria, tari aweeraán Tiro. Asma didá' a dír miringamoorén huwaawós ngay aweerisi.

Ya/abtór hho' 1977

³ Nee Kipro kawa araán, kari bihhaá dákw doó basáy i geexawaán, tay hii'itaán ay Shamu, tari aweeraán Tirór i ale. Asma didá' aa dír miringamoorén huuwawós ngay aweerisi.

Tlehhema'aá ya/Abuuse 21:3 Iomraidhean Croise

2 SAMUELI 8:6

Naagáy Daudi xafoó múk slaqwara guri tleéhh baraá gixsár Aramu ar Damasko. Múk Aramu tari lawaaleerós, kuna koódirí huwahuúw. AAKOÓ MUNGÚ Daudi guri baalirií haniís umuú dír aqo kayi.

WARA'AMI 45:12

Múk yaamaá Tiro ilahhooar'ín ngi huuw, daqaare ila' giri dirók i hhe'eemís.

WARA'AMI 87:4

Baraá tla/ángw kudá' i xua'a, múk Misri i deer, nee oo Babuloni nee oo Filisti nee oo Tiro, nee oo Kushi, kuká' sleémeero kina baraadá' wa laqwaál.

ISAYA 7:2

Qoomár múk Yuda kuwa kaangwí báy, adór múk Aramu nee oo Efraimu tara aldinku'uumiís, muunuú waawutmo nee munér muko iri daaráx adór xaa'aá baraá gara fur'a ngir diingimaamis.

Matayo 11:21

«A tsaxwaahúng kuungaá gixsár Korasini, nee kuungaá gixsár Bet-saida. Asma muruuduú waa/oo/amo muruudá' xuawaslén aa tleehharumiit dirhunge geera bar ina tleehharuút baraá Tiro nee Sidonír wa ale, taa qaroó hhu'u'ún, nee guniyadu kay tsiit, tay iwiit gawaá da/ara as hhu'u'ungw'ín kuwa laqan.

Matayo 4:24

Kaangós iri tsiyaayaaxaát baraá yaamaá Shamu sleémeero. Múk tiqtír dimbadimbé kunguri huúw dirós i alé, nee kudá' slahh'amuú koomá', nee múk neetlaame aa eér, nee múk /araraám, nee múk tiqtír sol'omit, sleémeero giri hungu/umiís.

Luka 10:13

«Kiíng gixsár Korasini, nee kiíng gixsár Bet-saida, a tsaxwaahúng. Asma muruudá' xuawaslén aa tleehharuut dirhunge, geera dír iwa tleehharuút bar an baraá Tiro nee Sidoni, geera iimirihe naa qaroó hhu'u'uné', nee guniyadu kay tsiít, tay iwiít baraá da/ara.

Luka 2:2

Gooirí ar geera qoomár Kurenio tawa ga/aawusmoó yaamaá Shamu.

Tlehhema'aá ya/Abuuse 11:19

Mukdá' aa diyaa/aat asma slahha'amaayér ur ar naa slayé', qoomár Stefano kuwa gaás, tana tláy ay Foinike nee Kipro nee Antiokia. Heé axweesantá Mungú gaa alki/iit i kaahh dír múk hatlae, aqo har dír múk Yahudi kilós.

Tlehhema'aá ya/Abuuse 12:20

Herode iri ló' wa buúhh dír múk Tiro nee Sidoni. Inooín kuri hara daqáy ar muunuú wakleeli'iima. Blasto kuna mulqi'iimár i tleéhh, asma Blasto an heé doó gu'utér waawutmo gu amohhe'eemiís. Tari wayduú áy amór Herode, asma múk yaamuuín muruú /ayma dír nguwa slaslay a dír yaamaá waawutmo.

Tlehhema'aá ya/Abuuse 13:4

Barnaba nee Saulo kiri ya/aáw nee Qeeruú hhoohhoó' oo Mungú, tari /eét ay Seleukia. Nee tari didá' wa tláy baraá tláwtár alé ay Kipro.

Tlehhema'aá ya/Abuuse 15:23

Barwá kari gooín kari ya/aáw ar mukdá'. Barwaádá' gár i kat a tí, «Intsihhiisarí amór i dahh a amór ya/abuuse nee bariise. Kana gooín amór hhaeerén kudá' awa xoordaá hatlá', awa baraá Antiokiár i diriiá', nee Siria nee Kilikia.

Tlehhema'aá ya/Abuuse 15:39

Gawaá adoorihe Paulo nee Barnaba tari ló'wa kaa/uús, tam tiri paraatliyé'. Barnaba Marko gurir tláy, tari waaraáhh ar baraá tlawi ay Kipro.

Tlehhema'aá ya/Abuuse 15:41

Iri waaraáhh ar baraá yaamaá Siria nee Kilikia, múk kríshaanáy guri alee/imiís /uuru nguwa slaya' baraá haratlintaaooro.

Tlehhema'aá ya/Abuuse 18:18

Paulo iri amoodá' wa hoót deelór yaariire. Aluuwo deelo gari oó' dír hhae, iri tláy ar baraá tlawi ay yaamaá Siria. Priskila nee Akila tay alkoné' nee inós. Ala iwa baraá yaamaá Kenkréarí dirii'i se'eengós guri deéqw, asma al'axweesantá lo'o gaa /aáy.

Tlehhema'aá ya/Abuuse 21:16

Eeharuusér baraá Kaisarea bahh'alé tari alkoomaán nee atén, tiri hardahás ay doó Mnasoni, heé yaamaá Kipro. Inós a eeharusmo iimír aange. Asma atén dír ti hotaá awaan an dír do'ós.

Tlehhema'aá ya/Abuuse 21:2

Miringamoó waaraáhh ay Foinike kuri araán, tay tsa/amán gawaadá', tay tlawaán.

Tlehhema'aá ya/Abuuse 21:7

Tawa tlawaán Tiroro tari kumiitaán aaiirene ay Tilemai. Diirí an alhhe'eesoó aaiirén awa baraá tlawi. Hhaeerén awa ayaadá' kay laaw'eesaán, nee tay amoodií tlaatla/iitaán looár wake.

Tlehhema'aá ya/Abuuse 27:4

Tari didá' wa tlawaán, tari waarahhaán ar baraá tlawi bihhaá doó /iyáy awa Kipro, as fur'a kawa ilaguwaan, asma fur'a ka ló' wa ur baraá tlawto.

Tlehhema'aá ya/Abuuse 4:36

Nee Yosefu kudá' ya/abuuse aa beér Barnaba (gídaabárós a heé gurkwa/asa ga xuú'), inós a heé tlahhoó Laáwi, nee yaamaá i dahhi a yaamaá Kipro.

HAR'OHUUSE 10:6

Múk Israeli tlakweema gina malé tleéhh dír geeraá AAKOÓ MUNGUHE. Inooín munguiidá' ta bay Ba'ali nee Ashtaroti ngina sagadiyuusiyé', nee munguaá hatlá' awa Shamu, nee awa Sidoni, nee awa Moabu, nee awa múk Amoni, nee awa múk Filistiro sleeme. Inooín AAKOÓ MUNGÚ nguna mayé', tam sleeme naa kumiiti'iiká nguwa sagadiyuusiya'.