Tlehhema'aá ya/Abuuse 21:18 - Biblía Axweesantá Hhohho' ar Mungú 2004

¹⁸ Looaytleérós Paulo nee atene tari amór doó Yakobo kawaán, nee bariise sleémeero i didaádií dirí'.

Ya/abtór hho' 1977

¹⁸ Looaytleérós Paulo iri dáh baraá doó Yakobo nee atene, nee geeraharuusér múk Kríshaanáy sleémeero i didaádá'.

Tlehhema'aá ya/Abuuse 21:18 Iomraidhean Croise

Matayo 10:2

Umér ya/abuuseerí mibaá nee tsár a tí: Oo geera a Simon, kudá' ta babay Petro, nee hhiyaawós Andrea, nee Yakobó Sebedayo nee hhiyaawós Yohane,

Tlehhema'aá ya/Abuuse 11:30

Adoodá' taa al'axweés, kari tleéhh. Barnaba nee Saulo kiri ya/aáw, as alee/isaydá' kuwa huwi amór bariiseedár baraá yaamaá Yudéár i dirii'.

Tlehhema'aá ya/Abuuse 12:17

Giri kuútl ar daba' as iwa xasliitiya'. Adór Aako inós ngura baraá doó tseegamór wa duúx gari alki/iít. Iri oó', «Kaangwí amór Yakobo ti hardahase' nee hha'aá hatlá' sleeme.» Iri tláy amór hatlá'.

Tlehhema'aá ya/Abuuse 15:13

Barnaba nee Paulo tawa hhe'eés axweesanto. Yakobo iri iimu/ún iri oó', «Hhaee'eé', aníng iiárií qaasaré'.

Tlehhema'aá ya/Abuuse 15:2

Paulo nee Barnaba tiri ló'wa tlaampa'amisiyé' nee mukwí, tari kaangaanuús. Hhae kwasleema ngiri tsatiyé' Paulo nee Barnaba nee múk hatlá' baraá tla/angw'ine ta tsa/an ay Yerusalemu, amór ya/abuuse nee amór bariise, as daanduú yaahastí.

Tlehhema'aá ya/Abuuse 15:23

Barwá kari gooín kari ya/aáw ar mukdá'. Barwaádá' gár i kat a tí, «Intsihhiisarí amór i dahh a amór ya/abuuse nee bariise. Kana gooín amór hhaeerén kudá' awa xoordaá hatlá', awa baraá Antiokiár i diriiá', nee Siria nee Kilikia.

Tlehhema'aá ya/Abuuse 15:6

Ya/abuuse nee bariise tari burumburiít as kaangwí kuwa aldakuuti.

Tlehhema'aá ya/Abuuse 20:17

Dír Miletoro Paulo muu guri ya/aáw ay Efeso as geeraharuusér kríshaanáy kawa ateeti.

Tlehhema'aá ya/Abuuse 24:11

A gár inslaahh diroge, looeemaá kaangwí kiwa leelehh, kari xú' adór iimír niwa Yerusalémúr i tsa/ám as saaliingw deelo mibaá nee tsár gaa waarahhiká.

Galatia 1:19

Ala ya/abusmoó hatlá' naa ár i kaahh, aqo har Yakobo kilós, hhiyoó Aako.

Galatia 2:9

Yakobo nee Kefa nee Yohane inooín a uheemaá múk kríshaanáy. Inooín aleesleemuudá' taa aníng i haniís nee Mungú, kuri tsaáhh. Gawaá adoorihe aníng nee Barnaba tiri /uye leehhiyé', as tawa múk gadiyuús dinkwa nee inooín. Tari al'axweesaán aníng nee Barnaba tawa tlawaan amór múk xoordaá hatlá', nee inooín amór múk Yahudi.

Yakobo 1:1

Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahh'aá mibaá nee tsár awa naa diyaa/atiye' baraá yaamaá dimbadimbé. Laawayhúng.