Tlehhema'aá ya/Abuuse 21:13 - Biblía Axweesantá Hhohho' ar Mungú 2004

¹³ Paulo atén tiri báy, «Gár ta tlehhita' a umós? /Aa/e nee diqay'eé' qwaareemisúwo? Mas tseegamo kilós an katá'? Án aga ya/aám tam tiwa gaasi baraá Yerusalemúr i alé as umuú Aako Yesu.»

Ya/abtór hho' 1977

¹³ Paulo atén tiri báy, “Gár ta tlehhita' a umós? /Aa/ee nee diqay'eé' qwaaremisúwo? Mas tseegamo kilós an katá'? Án aga ya/aám tam tiwa gaasi baraá Yerusalemúr i alé as Aako Yesu.”

Tlehhema'aá ya/Abuuse 21:13 Iomraidhean Croise

1 QOM'I 11:18

Aluuwo miguuseedá' tám tari tláy tay waaraáhh ar baraá tla/ángw xafoó múk Filisti, ma'aay ngay iihheekiyé' baraá hhaalangwduú Betilehemúr wa ale, ngay huwiyé' amór Daudi. Ala inós ma'aydá' gaa wahiiká. Ma'aydá' gina ku'uús as tawa ilahhooa dír AAKOÓ MUNGÚ,

ISAYA 3:15

Gár muk'eé' kus baramaanusa' a milá? Nee gár narkuute kas slahh'eemisa'? Anuú Aakoó MUNGÚ Aleesleemusmo, nu yaahamiís.»

YEREMIA 40:1

Axweesantá AAKOÓ MUNGÚ Yeremia gana axaás qoomár Nebusaradani geeraharuusmoó xuumuusér waawutmo, Yeremia nguwa ya/aamár i haniís iwa tlay baraá Ramaro. Geeraharusmoowí Yeremia guri ar tláy, qoomaarihe Yeremia dabaawós kaa tseék ar piíngu dinkwa nee múk hatlá' oo Yerusalemu sleémeero nee oo Yuda kudá' taa huúw baraá loohaay.

ESEKIELI 18:2

«Ahaá waáy, gár axweesantá bo/ kas inkaaki/a' baraá yaamaá Israeliwo? Tí kah ‹Xwayliité mamaá /eetlá' awa xa'anoó sabiíbu gina /ák, ala sihhnaá na/ii niri ta/anterumitiyé'.›

YONA 1:6

Ala geeraharusmoó miringamoodá' Yona guri i daqáy, guri báy, «Kuúng mas gú'? Daarkiitáng, Munguúwók firiimeek, doóqa Munguúwók atén ti gurtláy as mawa qwaaraán.»

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 20:37

Sleémeero tari ló'wa /aa/amín, Paulo kuri slaqooín i ohín kuri ma'amiís.

Tlehhema'aá ya/Abuuse 5:41

Ya/abuuseedá' iri ti'ít baraá do'duú kwasleemaro, ta qwalalaa/ asma kiwa harafaár tawa múk hariím mureekeemisuwo as daanduú Yesu.

Tlehhema'aá ya/Abuuse 9:16

Aníng adór slahha'amaayér yaariir ir inós wa hariín sleemuuwo as aníng a dirósí laqaám.»

1 Korinto 15:31

Hhaee'eé', kuungá' a xuá' adór aníng tir aleesláw tiwa xirfayeemiis as kuungá' ar baraá Kristo Yesu Aakoorén. Ala kaangwí oo ló'. Adoorí bar ar ló', kaangwí sleeme oo ló' oo aníng umuúqo deelooro niwa baraá tsaxwaá gwa'arár i dirii'.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

Filipi 2:26

Inós kuungá' sleémeero nuna ló'wa inslasláy, iri ló'wa daawiimiít as kuungá', asma kuungá' adór inós ira tiíq aga axasé'.

Kolosai 1:24

Hám daxta a qwalalaá/ asma tiwa slahh'eemisi as kuungá'. Án baraá slaqwte'eene birti slahh'eemiis, a slahh'eemisuú Kristo un boo/eemiís, kudá' aa meet baraá slahh'eemisuuwós as slaqwtós. Slaqwtós an múk kríshaanáy.

2 Timoteo 1:4

Hhirhheeriwók bira insláw, aníng gár ni ló'wa slaa' a kuúng un ár, as kahhó' muunaáeé' iwa hatsi qwal/uwo.

2 Timoteo 4:6

Asma aníng daxta ti ilahhooár wa haniis, nee qoomár gwa'arar'eé' naa hardát.

2 Petro 1:14

Asma aníng a xuú' adór qooma ira naká/ ar aníng niwa gwaá'. Asma Aakoorén Yesu Kristo aníng iga ádbáy.

Geehhoeemaá 12:11

Inooín sakwasleemusmoodá' kuna arbaá/ ar /uuruú tseerér Deelmoó bee/i nee ar axweesantá lamabu'ungw'ín. Asma inooín slafingw'ín ngwa slai'iiká, tam gwa'ara sleeme ngaa ilaguwi'iiká.

Geehhoeemaá 3:10

Kuúng axweesante'eé' tidá' daanduú qiqtliingw aga ót. Gawaá adoorihe aníng kuúng u xuúm qoomaadár iiara'aduuwo, tidá' hardah baraá yaamu sleémeerowo, as muu sleémeero oo baraaká' yaamu kuwa iiari.

1 SAMUELI 1:8

Hhawaatuuwós Elkana gari báy, «Hána, gár ta /aa/amiin a milá? Muruú /ayma mus /akká? Asma milá mas gurhaamút, muunaáwók mis gurhaamuut? Ahaá aníng ti ak afhhamitekáhe diroge, ta na/aá mibaango?»

1 SAMUELI 15:14

Samueli iri oó', «Kár /aa/eekaá bee/aangw nee aahhoorír hikwa iaaeene ni axamiis ar milá?»