Tlehhema'aá ya/Abuuse 21:11 - Biblía Axweesantá Hhohho' ar Mungú 2004

¹¹ Niwa hardáh, himuú Paulo guri taataáhh, inós tiri kilós ya'a' tseék nee dabaawo, iri oó', «Qeeruú hhoohhoó' oo Mungú i kaahi, ‹Adoorí an adór heé himuuwí kur tseegi nee múk Yahudi oo Yerusalemu nee kuri qaas baraá dabaá múk xoordu.› »

Ya/abtór hho' 1977

¹¹ Niwa hardáh, himuú Paulo guri taataáhh, inós tiri kilós ya'a' tseék nee dabaawo, iri oó', “Qeeruú hhoohhoó' i kaahi, ‘Adoorí an adór heé himuuwí kur tseegi nee múk Yahudi oo Yerusalemu nee kuri haniis dír dabaá múk xoordu.’”

Tlehhema'aá ya/Abuuse 21:11 Iomraidhean Croise

1 WAAWITÁ 22:11

Baraá tla/angw'ine aarusmoó wák, Sedekia garmoó Kena'ana, xareemaá muqsla gina tleéhh, iri oó', «AAKOÓ MUNGÚ i kaahi, ‹Xareemikae kuúng múk Aramu un alií ki/ís nee kuri hhaamís.› »

ISAYA 20:2

qoomaadae AAKOÓ MUNGÚ Isaya, garmoó Amos gwaa báy, «Tlabaasingaá guniyadu duuxeek gawaá slaqwtoge nee ya/ataawo sleeme.» Isaya axweesantí gari iialooeés, gari tleéhh iri hi'iimiít ar /aankwets nee ya'aá tawo.

YEREMIA 19:1

AAKOÓ MUNGÚ aníng ina báy, «Tláw, sirwír hhekw tlaxweek dír heé tleeusmowo, daqaní bariise báhh'alé nee kaahamuusér uren ar Mungú ka léhh.

HOSEA 12:10

Aníng ana axweés dír aaruuse, nee ngay iigu'utuú yaariírí haniís, niri axweés ar slaqsi'i ar loohír aaruuse.

Yohana 18:1

Yesu axweesanaywós nguwa hhe'eés, iri ti'iít nee eeharuuseerós ay gayuú yaaér Kedroni. Didaádae asalmo i deer. Yesu nee eeharuuseerós tari baraadií dáh.

Tlehhema'aá ya/Abuuse 13:2

Looarka wake múk kríshaanáy qoomár iwa Munguú sluufmiis nee tawa gwaawiwin, Qeeruú hhoohhoó' oo Mungú giri báy, «Barnaba nee Saulo amor'eé' paraatlare' as gadiyeédá' ngiwa ateét.»

Tlehhema'aá ya/Abuuse 16:6

Tari waaraáhh ar baraá yaamaá Frigia nee Galatia. Qeeruú hhoohhoó' oo Mungú gaa aleeya/aniká axweesantá Mungú kawa alki/iiti baraá yaamaá Asiaro.

Tlehhema'aá ya/Abuuse 20:23

Ala Qeeruú hhoohhoó' oo Mungú aníng i ádbabáy umuúqo gixsaro adór tseegamo nee slahh'amaaye aníng ir daamaraná'.

Tlehhema'aá ya/Abuuse 21:33

Geeraharusmoodá' iwa hardáh Paulo guri óh, hara'aya gari oó' kuwa tseegi ar pínguú tsár, giri yaahaás, «Heewí a heemá? Nee gár aa tleéhh a milá?»

Tlehhema'aá ya/Abuuse 21:4

Eeharuuse kari slawaán amoodae, tari dir'ín wa hootaán deelo faanqw. Inooín Paulo ar /uuruú Qeeruú hhoohhoó' oo Munguhe kuri ádbabáy as Yerusalemu mingiwa káy.

Tlehhema'aá ya/Abuuse 22:25

Ala qoomár kuwa him'eérár tseék as kuwa muxi, Paulo geeraharusmoó askaári kudá' aa bihhaawósí sihhiit guri báy, «Ahaá, adoorí a dáko ar yaamuloousmoó Roma kuwa muxi, bur kwa sakwasleemuutiiká?»

Tlehhema'aá ya/Abuuse 24:27

Kureeraá tsár niwa waarahhiyé', Porkio Festo waawuti'iima gana kitángw Felísí wa óh. Felíki Paulo guri geexáy baraá tseegamo, as múk Yahudi nguwa ilaá hhó' i tleehhi.

Tlehhema'aá ya/Abuuse 26:29

Paulo iri oó', «Tam ar /ayma'aá yaariir laqaá tam awa niinawe, ala gár ni fiririim dír Munguhe, kuúng masók an adór aníng tleehhít, ala mutuwa adór aníng wa tseék. Slám a kuúng kilogeeká, ala tam mukwí sleémeero oo aníng i iiárií qamiím diirihe.»

Tlehhema'aá ya/Abuuse 28:17

Alaá deelór tám iwa waaráhh, Paulo geeraharuusér múk Yahudi gari ateét as tiwa doogiya'. Tawa burumburiít, giri báy, «Hhaee'eé', aníng gár naa tleéhh i káhh, ar hariimaaká dír mukrene, nee tam uunuú baabi'iirén iga si'iiká. Ala tam adoorihe tina tseék Yerusalemú wa ale, tiri qaás baraá dabaá múk Roma.

Tlehhema'aá ya/Abuuse 28:20

Ala gawaá adoorihe án kuungá' nuna ateét, iwa artá eera' nee tawa al'axweesaan. Asma aníng taa tseék ar pínguuwí as haraxu'utír múk Israeli.»

Tlehhema'aá ya/Abuuse 28:25

Ala inooín awa kilá' ti slaslay'aaká, qoomár tawa tlatlay Paulo /aymi'iiká' ngina oó', «Qeeruú hhoohhoó' oo Mungú looeema gaa káh qoomár iwa axweés dír baabi'iihúng ar afkú aarusmo Isaya.

Tlehhema'aá ya/Abuuse 8:29

Qeeruú hhoohhoó' oo Mungú Filipo guri báy, «Tseewúw dír bihhaá gaárirí, ti alkoonde'.»

Tlehhema'aá ya/Abuuse 9:16

Aníng adór slahha'amaayér yaariir ir inós wa hariín sleemuuwo as aníng a dirósí laqaám.»

Efeso 3:1

Gawaá adoorihe anuú Paulo, án kuungá' nu aleefiriiriím, anuúwí taa tseék nee Kristo Yesu as daanduú kuungaásingaá múk xoordu.

Efeso 4:1

Aníng kuungá' nun ló'wa firiiriím, aniíwí taa tseék as Aako, hooté' ar adoodá' hariím as ateetamoodá' Aako kuungá' nura ateét.

Efeso 6:20

Aníng a ya/abusmoó Ya/abtoorí hho', ala tam taa tseegi. Gawaá adoorihe, án aleefiriirimaaré' as Ya/abtoorí hho' ngi axwees ar pihh'uuma adoodá' aníng wá hariim.

1 Timoteo 4:1

Qeeruú hhoohhoó' oo Mungú adoorí gaa ló'wa xu'utís adór qoomaadár alhhe'eesaay binda hardát, muu ir deér oo haratlintaao ga máw. Inooín qeeremaá al/agiimá' kin iiárií qamín, nee intsaahhasár neetlaame.

2 Timoteo 2:9

Aníng tin slahh'eemiis as Ya/abtoorí hho', slám taa tseék tawa adór heé tlaákw. Ala axweesantá Mungú kaa tseegiiká.

Ebrania 10:34

Kuungá' ana slahhahhaé' dinkwa nee mukdá' taa tsegiít. Slám muu muruuhúng nguwa hayohín, kuungá' adoodá' ana ya/aandé' ar qwal/amaaye. Asma kuungá' aga xué' adór daqaari'iimarhúng ar hatlá' ir deér, tidá' baloó faakaaká.

Ebrania 3:7

Gawaá adoorihe Qeeruú hhoohhoó' oo Mungú i kaahi, «Laarí bar afór Mungú aga axasé',

1 Petro 1:12

Kaangwí kuri dir'ín i gwa/atís adór inooín kaangwí gár kus kaahi tar inooineeká, ala as kuungá'. Nee hám daxta kaangwí kunga oó' dirhunge nee mukdá' Ya/abtór hho' ngaa dirhúngií alki/iit ar loohír Qeeruú hhoohhoó' oo Mungú, kudá' tinda ya/aáw gawaá doorí wa ale. Muruuwí tam malayke sleeme gun ilatleerús nguwa artá wa sla'.