Tlehhema'aá ya/Abuuse 20:7 - Biblía Axweesantá Hhohho' ar Mungú 2004

⁷ Deelór Jumapiíliro ana burumburiitaán as muruú /aymár Aako kuwa /ayaan. Paulo axweesantá Mungú gari alki/iít, iri kumiít axweesanto ay qoomár dakiing. Asma looár tlawa i tleemuú slaa'.

Ya/abtór hho' 1977

⁷ Deelór Jumapiliro ana burumburiitaán as muruú /aymár Aako kuwa /ayaan. Paulo axweesantá Mungú gari alki/iít, iri kumiít axweesanto ay qoomár dakiingo. Asma looár tlaawa i tleemuú slaa'.

Tlehhema'aá ya/Abuuse 20:7 Iomraidhean Croise

NEHEMIA 8:3

Inós kitaábuuduú dabe guri soomuús dír afeenír Afkuduú Ma'áy wa ale iimír matlaatlér boo/ ay /ametleemu, dír geeraá hhawaateedá' nee /ameenaaro, kudá' tsaahha ngi koomá'. Muu sleémeero kángw baraá kitaábuú dabe kway iiárií qaás.

NEHEMIA 9:3

Inooín tari sihhiít umuú heewo dirós nee dabér AAKOÓ MUNGÚ, Munguúín ar har afiqoomár hhaawakahe kari dir'ín i soomuús. Ar afiqoomár hhaawaakár aluudae nina hhu'u'uné' nee AAKOÓ MUNGÚ, Munguúín kuri sluufmiís.

Marko 16:9

Bál Jumapíli matlaatleero Yesu iwa waasleé/, heé aa geerií harati'iít a Maria Magdalene, tidár aáng neetlaamér faanqw ngiwa duxún.

Luka 22:19

Aluuwo mukatmo guri óh, iri sluufiís, guri parhhamiís, guri dir'ín i haniís iri oó', «Gaarí a slaqwte'eé' [ar tinda haniís as kuungá'. Adoorí tlehhiitaak as inslaslangw'eé'.»

Luka 24:35

Kudá' tsár sleeme kangwdá' aa tleehharuut loohiro nguri kaahiyé', nee adór Aako kura tsaáhh, qoomár mukatmo nguwa parhhamiís.

Yohana 20:1

Bál Jumapiíliro Maria Magdalene ina amór /aantár keér matlaatlér boo/e, qoomár iimi iwa boo/ár i kahh. Tlaa/adá' gari aán naxés kaa hingeés afkú /aantaro.

Yohana 20:19

Bál deelór Jumapiíliro, looa iwa dát, eeharuuse i dinkwár i dirí'. Afkú do' kwaa tseék, asma múk Yahudi kuwa da'ayumiti. Yesu iri dir'íní hardáh, iri tla/angw'ín i sihhiít, giri báy, «Wayda masók i dirhúng.»

Yohana 20:26

Alaá deelo dakaát iwa waaráhh, eeharuuse i malé dinkwár i dirí' baraá do', nee Tomas i dinkwa nee inooín. Tam afkú do' kwa tseegi. Ala Yesu nay dir'íní hardáh, iri tla/angw'ín i sihhiít, giri báy, «Wayda masók i dirhúng.»

Tlehhema'aá ya/Abuuse 16:10

Paulo iigu'utudá' arto nguwa hhe'eés, hamtidár kilae tleemuú Makedonia kuri sla'aán, asma aga tsaahhaán ar ló' Mungú atén taa ateét, as Ya/abtór hho' kawa dir'íní alki/ituú awaan.

Tlehhema'aá ya/Abuuse 2:42

Tari kumiít baraá intsaahhasár ya/abuusér wa ale, nee baraá dinkwár kríshaanáy, nee tam baraá muruú /aymár Aakoowo sleeme, nee baraá firooro.

Tlehhema'aá ya/Abuuse 2:46

Umuúqo deelooro tari baraá Doó Mungú i dogiitiyé' ar muunuú wák. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

Tlehhema'aá ya/Abuuse 20:11

Aluuwo Paulo iri gáwtí kií/. Mikaáte gari parhhamiís. Iri /ayín. Iri malé kumiít dir'íní axweesanto ay matlaatle. Matlaatleero iri tláy.

Tlehhema'aá ya/Abuuse 20:31

Gawaá adoorihe, kuungá' dalaaé'. Ma gunqaruutara' adór aníng kuungá' sleémeero nura hara'ayiyiím ar hhirhheeri, xweera nee tlaatla/aango, baraá kureeraá tame, slám naa baloó mawiiká.

Tlehhema'aá ya/Abuuse 20:5

Mukwí ina geerií hi'iít, tiri dané' yaamaá Troa kiwa áy.

Tlehhema'aá ya/Abuuse 20:9

Nee masoomooko wák, umuuwós ta bay Eutiko, ina iwiít gawaá dirishár i alé. Paulo axweesanto iwa kumiít, masoomoodá' iri gufmiís, gu'ute guri ar bá/, iri gawaá qoroófár tám wa /eét ay yaamu. Kuwa tleés naxés aa qaroó gwaá'.

Tlehhema'aá ya/Abuuse 28:23

Deelo kari al'axweés ar kuwa iiárií qaasár ay. Múk ló'wa yaariír guri i daqáy dír do'dá' inós i hooti. Iimír matlaatle ay tsiindo Paulo kángw waawuti'iimár Mungú guri dir'íní alki/iít ar axweesanoó aleesleemuú koóm, gari laqaqán ar gooír Mose nee aaruuse adór Yesu tar Kristo.

1 Korinto 10:16

Xooslmooduú tsuuqa, kudá' atén ta tsuuqumaan bur ar wahaamaán, gár i huwahuwi a dinku'uumár tseerér Kristowookáhe? Mukatmoodá' ta qasmiisaan bur /ayaán, gár i huwahuwi a dinku'uumár slaqwtá Kristowookáhe?

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

1 Korinto 16:2

Umuúqo deelór Jumapiíliro umuúqo heewo dirhunge gár kuwa hariím a ohmeedá' i haniisár wa slai gan baats, ar adoodá' inós ngir slaslay. Adoorí na tlehhahhitaak, as qoomár aníng binda hardáh, masók ohmeedá' an sangw iimu/uunda'aaká.

2 Timoteo 4:2

Ya/abtoorí alki/iiteek, masók tu amohhoó' qoomár hariima nee qoomár hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.