Tlehhema'aá ya/Abuuse 20:4 - Biblía Axweesantá Hhohho' ar Mungú 2004

⁴ Inós tina koné' nee Sopatro, garmoó Piro. Inós a heé yaamaá Berea, nee Aristarko nee Sekundo, inooín a múk gixsár Tesalonike, nee Gayo, heé gixsár Derbe, nee Timoteo nee múk tsár oo Asiár daáhh. Inooín a Tikiko nee Trofimo.

Ya/abtór hho' 1977

⁴ Inós tina koné' nee Sopatro, garmoó Piro. Inós a heé yaamaá Beroya, nee Aristarko nee Sekundo, inooín a múk gixsár Tesalonike, nee Gayo, heé gixsár Derbe, nee Timoteo nee múk tsár oo Asiár daáhh. Inooín a Tikiko nee Trofimo.

Tlehhema'aá ya/Abuuse 20:4 Iomraidhean Croise

Tlehhema'aá ya/Abuuse 14:20

Ala eeharuuse Paulo nguwa harwét bihhe sleémeero, iri sihhiít, iri dáh baraá gixsa. Nee bál tsár iri tláy baraadá' wa ale dinkwa nee Barnaba ay Derbe.

Tlehhema'aá ya/Abuuse 14:6

Ya/abuuse kaangwí guri axás, tari goów ay Listra nee Derbe, gixsadaá yaamaá Likaonia, nee yaamuudaá iisaapaydá'.

Tlehhema'aá ya/Abuuse 16:1

Paulo iri hardáh dír gixsár Derbe nee Listra, nee didaádane eeharusmoó wák i deer, umuuwós ku bay Timoteo. Inós a garmoó /ameenirkar Yahudi ar Mungú gwa haratlinti'. Ala baabuúwós a heé Yunani.

Tlehhema'aá ya/Abuuse 16:6

Tari waaraáhh ar baraá yaamaá Frigia nee Galatia. Qeeruú hhoohhoó' oo Mungú gaa aleeya/aniká axweesantá Mungú kawa alki/iiti baraá yaamaá Asiaro.

Tlehhema'aá ya/Abuuse 17:1

Paulo nee Sila tari waaraáhh ar tla/ángw Amfipoli nee Apolonia, tari hardáh ay Tesalonike. Didaádae do'ko saalíngw múk Yahudi i deer.

Tlehhema'aá ya/Abuuse 17:13

Ala múk Yahudi oo yaamaá Tesalonike kangw kuri axaás adór axweesantá Mungú Paulo ngira alki/iít baraá yaamaá Berearo sleeme. Tari tláy, tari amoodí hardáh, tlaahhi kari qaás, muu kuri amoqwaareés.

Tlehhema'aá ya/Abuuse 19:29

Tlaahhidá' iri kumít baraá gixsa sleémeero. Boo/oó muu Gayo nee Aristarko kiri ohín. Inooín a múk Makedoniár daáhh, tina al koné' nee Paulo. Mukwí kurir tláy ay dír neeto.

Tlehhema'aá ya/Abuuse 2:9

Atén a múk Parti nee oo Medi, nee oo Elami, nee múk Mesopotamiár wa hoót, múk Yudea nee Kapadokia, nee Ponto nee Asia,

Tlehhema'aá ya/Abuuse 20:16

Paulo gaa slaiiká iwa waaraahhi ar Efeso. Asma deelór yaariir mingiwa qwaareés yaamaá Asiárí wa aleeró. Asma inós i gaanslín. Gár aa slaá' masók in hardah Yerusalemu dír deeloodár Pentekoste ira xeeriiká.

Tlehhema'aá ya/Abuuse 20:18

Geeraharuuseedá' niwa hardát, Paulo giri báy, «Kuungá' kilá' a xuá' aníng adór nira hoót tla/angwhúng wa ale qoomaadá' sleémeero, iimír baalaadár geera án niwa baraakaá Asiár i hardáh.

Tlehhema'aá ya/Abuuse 21:29

Inooín adoorí kana oó', asma Trofimo kuna ár, heé Efeso, nee Paulo ti koná' baraá gixsaro. Inooín geera ka xui Paulo heewí guna dahaás baraá Doó Mungú.

Tlehhema'aá ya/Abuuse 27:2

Ana tsa/amán baraá miringamooko ta bay Adiramito. Miringamoodá' amór i kay a baraá gixsadaá afaá tlawi awa yaamaá Asia. Tari tlawaán. Aristarko, heé gixsár Tesalonike ar baraá yaamaá Makedonia, nee atén ti koomaán.

Rumi 16:21

Timoteo, kudá' nee aníng algadiyuusá', inós kuungá' nu intsihhiimiis. Nee Lukio nee Yasoni nee Sosipateri sleeme nu intsihhiimisiyá'. Inooín a múk tlahhay'eé'.

Rumi 16:23

Gayo kuungá' nu intsihhiimiis sleeme. Aníng a dahaaymoowós, nee múk kríshaanáy sleémeero in dír do'ós wa saalaalín. Erasto nu intsihhiimiis. Inós a heé peésár gixsari ga amohhe'eemaamiís. Nee hhiyaarén Kwarto sleeme kuungá' nu intsihhiimiis. [

2 korinto 1:1

Anuú Paulo barwaárí ngina gooiím dinkwa nee Timoteo hhiyaarén. Aníng a ya/abusmoó Kristo Yesu ar adoodá' Mungú aa slaá'. Barwaárí ngina amorhúngií gooiimaán, kuungaásingá' kríshaanáy, kuungaásingá' Mungú ugwa haratlintie' awa baraá yaamaá Korintór i diriia'. Barwaárí ngina dirhúngií gooiimaán, nee dír múk hhohhó' oo Mungú, kudá' sleémeero oo baraá yaamaá Akayár i dirií'.

2 korinto 1:19

Asma Garmoó Mungú, Kristo Yesu, kudá' kangós atén naa dirhúngií alki/itaán, aníng nee Silwano nee Timoteo, a gídaabáheeká inós an «Eeít» nee «Aasla'áy». Ala umuú daqto gár baraawós a «Eeít».

Efeso 6:21

Kuungá' kangw'eé' bur xu'utír wa sla'á' nee adór nir kumiit, Tukiko ngu alki/iiti. Asma inós a hhiyoó sla'aarusmo, slám ku inkihhím baraá gadiyér Aakoowo.

Filipi 2:19

Án harahhifo a koóm baraá Aako Yesuwo Timoteo nguwa amorhúngií ya/aaw ar gaanslaay, as muunaáeé' iwa qwalaa/i kangwhúng bura axaás.

Kolosai 4:10

Aristarko, kudá' taa tseék dinkwa nee aníng, kuungá' nu intsihhiimiis, nee Marko sleeme, hhiyoó Barnaba. Kuungá' kángw Marko ugwa qaroó sleeré' gídaabá birna hardáh ku ilaotá'.

Kolosai 4:7

Tikiko iidíguueé' sleémeero ngu oo' dirhúng i alé. Inós a hhiyaarén oo sla'aarusmo, slám a alee/iisusmoó inkihhimuú koóm. Inós i gadiyér Aakoó tleehh dinkwa nee atén.

1 Timoteo 1:1

Anuú Paulo barwaárí ngina gooiím. Aníng a ya/abusmoó Kristo Yesu ar hara'ayár Mungú Ba/amusmoorén nee Kristo Yesu kuduú harahhifoorén.

2 Timoteo 1:2

Barwaárí ngina gooiím amoorók Timoteo, garmaaeé' oo sla'aarusmo. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

2 Timoteo 4:12

Ala Tukiko ugwa ya/aáw Efeso.

2 Timoteo 4:20

Erasto ina meét yaamaá Korintór i alé. Trofimo una geexáw yaamaá Mileto, asma i tiiq.

Tito 3:12

Qoomár Artema laqaá Tukiko burngwa ya/aáw amoorók i alé, ilakaaharu tleehheek ar niwa amor'eé' hardat baraá gixsár Nikapoli. Asma aníng gár ni slaa' an hotángw áw didií alé qoomár tsaaqwaro.

Filemoni 1:24

Tam Marko nee Aristarko nee Dema nee Luka, kudá' nee aníng algadiyuusá', kuúng u intsihhiimisiyá' sleeme.

3 Yohana 1:1

Anínguú aako, barwaárí ngina amoorók i gooiím, sla'aarusmooeé' Gáyo. Aníng kuúng un slaá' ar baraá looeema.