Tlehhema'aá ya/Abuuse 20:38 - Biblía Axweesantá Hhohho' ar Mungú 2004

³⁸ Tari ló'wa gurhaamuút as /aymuudá' Paulo iwa oó', «Án kuungá' i malé aanda'aaká daxta.» Kuri haydohiís ay dír miringamo.

Ya/abtór hho' 1977

³⁸ Tari gurhaamuút ló'wa wa ale as /aymuudá' Paulo aa oó' gídaabá, “Án kuungá' i baloó aanda'aaká daxta.” Kuri haydohiís ay baraá miringamo.

Tlehhema'aá ya/Abuuse 20:38 Iomraidhean Croise

Tlehhema'aá ya/Abuuse 15:3

Mukwí kuri haydohiís nee múk kríshaanáy. Tari waaraáhh ar tla/ángw yaamaá Foinike nee Samaria, kángw múk xoordaá hatlá' adór ira hhu'u'ún kuri alki/iít, hhae sleémeero niri ló'wa qwalaa/iyé'.

Tlehhema'aá ya/Abuuse 20:25

«Aníng ana hi'iimiít baraá tla/angwhúng wa ale, waawuti'iimár Mungú ngiri alki/iít. Nee ala aníng hamí a xuú' baraá tla/angwhunge heé aníng i malé ar i kaahh.

Tlehhema'aá ya/Abuuse 21:16

Eeharuusér baraá Kaisarea bahh'alé tari alkoomaán nee atén, tiri hardahás ay doó Mnasoni, heé yaamaá Kipro. Inós a eeharusmo iimír aange. Asma atén dír ti hotaá awaan an dír do'ós.

Tlehhema'aá ya/Abuuse 21:5

Qoomár deelór tawa amoodií diriaan iwa fák, tay tlawaán. Inooín sleémeero nee tlaaway'ine nee na/iiwo tay haydohisiyé' ay afaá gixsa. Tay tumbarara'ataán afaá tlawi, tari firimaán.

Tlehhema'aá ya/Abuuse 25:26

Nee aníng /aymuú kilá' daanduuwose ni amór waawutmoó i gooiim i kaahh. Gawaá adoorihe nguna geeraahúngí huúw, ak alé dír geeraawók, waawutmo Agrípa, as kahhó' bur kwa yaahamiís, án /aymuú daanduúuwose ni gooiim nguwa slaw.

1 Korinto 16:11

Gawaá adoorihe hee tumu wák inós munguwa waaqaá'. Alee/iisaak iwa kumiiti baraá aaiiwose ar wayda, as niwa hardihi amor'eé' ale. Asma aníng nee hhae inós un daamaaramaán.

Galatia 6:10

Gawaá adoorihe atén qoomaarí tawa baraaká' yaamuú i diriiaan, hhooeema ki tlehhiitaán dír muu sleémeerowo, ak alé dír kudá' haratlintaauuse.