Tlehhema'aá ya/Abuuse 20:37 - Biblía Axweesantá Hhohho' ar Mungú 2004

³⁷ Sleémeero tari ló'wa /aa/amín, Paulo kuri slaqooín i ohín kuri ma'amiís.

Ya/abtór hho' 1977

³⁷ Sleémeero tari /aa/amín ló' wa ale, Paulo kuri slaqooín i ohín kuri ma'amiís.

Tlehhema'aá ya/Abuuse 20:37 Iomraidhean Croise

IIMU/UUNGW 45:14

Naagáy Yosefu Benyamini guri gawaá de/eewií óh, iri /aá/, Benyamini sleeme iri /aá/.

IIMU/UUNGW 46:29

Yosefu gaárirós gari tlabií hhaáf, ina tsa/án iwa baabuúín al'ay Gosheni. Iwa hardáh dír baabuúwose, guri hara/akuút, guri isa almarmariít, iri /aa/amín afi qoomár hhaawaakahe.

2 SAMUELI 15:30

Ala Daudi ina kumamiít iri tsa/án tloomár Seituni, i hara /aa/amín, i ya/ataá konká, nee sagós gwaa tuuntuúk. Tam mukdaádá' sleémeero nee inós ti alkoomá', sagér'ín kaa tuuntuúk tawa tsa/aa/an gawaá tlooma, ta hara /aa/amín.

1 WAAWITÁ 19:20

Qoomaadár kilae Elisha aweerós gari geexáy, Eliya guri alta'aaín, gway báy, «Gám daa deelo ngi oó' dír baabá nee aayihe, daqaní kuúng u eehár.» Eliya iri oó', «Tláw, ala tidá' uy tleéhh ka insleér.»

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

ESRA 10:1

Naagáy qoomár Esra iwa firiirin nee iwa hhu'uu'un, iwa /a/aamin nee giti ngiwa yaamúr óh dír geeraá doó Mungú, kuri i burumburiít nee boo/oó yaariír oo múk Israeli, hhawaate, nee /ameena, nee na/ii, inooín tari ló' wa /aa/amín.

YOBU 2:12

Nguwa amooqá' saáwá ariyé' ngwa tsaahhi'iiká, nina /aa/iyé' ar afór ur, tlabaaín ngiri feehhamisiyé', nee hhape ngiri gáwtí kwakwahhiyé', nee gawaá sager'ín, as gurhaamír ur.

WARA'AMI 126:5

Múk aa dahaasíngw ay ar hhirhheeri, ngu bu'uná' ar bara/.

Luka 15:20

Aluuwo iri tláy, iri kií/ amór baabuúwós. «Ala qoomár iwa amorqá' saáw i kahhi, kuri ár nee baabuúwós, guri gurtláy. Baabá iri amoorós i ta'aaín, guri slaqwtós i óh, guri ma'aás.

Rumi 16:16

Kuungá' kiloohúng ti intsihhiimise' ar ma'amisuú hhohhó'. Múk kríshaanáy sleémeero oo umuúqo dii kuungá' nu intsihhiimiis.

1 Korinto 16:20

Hhae sleémeero kuungá' nu intsihhiimisiyá'. Kuungá' ti intsihhiimise' ar ma'amisuudá' hhohhó'.

2 korinto 13:12

Kuungá' ti intsihhiimise' ar ma'amisuudá' hhohhó'.

1 Tesalonike 5:26

Hhae sleémeero intsihhiisaak ar ma'amisuudá' hhohhó'.

2 Timoteo 1:4

Hhirhheeriwók bira insláw, aníng gár ni ló'wa slaa' a kuúng un ár, as kahhó' muunaáeé' iwa hatsi qwal/uwo.

Geehhoeemaá 21:4

Inós hhirhheeri sleémeero gi fiits gawaá ilaaine. Nee slám gwa'ara didae i káhh, tam tsuunqumis, nee tam /aa/e, nee slahh'eemis sleeme i kaahh. Asma muruuduú geera aa qaroó waaraáhh.»

Geehhoeemaá 7:17

Asma Deelmoó bee/i kwí tla/ángw kitángw aleesleemuú i dirií', inós inooín gi de'én, giri geeraharahaar didár kutloó ma'aá slafíngw koóm i dirii'i. Nee Mungú hhirhheeri'ín sleémeero gi fiits baraá ilaaine.»

1 SAMUELI 20:41

Qoomár garmaadá' iwa tláy, Daudi niri ti'iít baraá alaá tlaa/eedá' i nahhaati, iri gitsee/ár huú' yaamií ale, iri xupuú' sagaáwa tám, tiri ma'amiisiyé', tari /aa/amín, qoomár Daudi iri ak harwaaraáhh.