Tlehhema'aá ya/Abuuse 20:32 - Biblía Axweesantá Hhohho' ar Mungú 2004

³² «Ala aníng hám daxta kuungá' nu qaás baraá dabaá Mungú, nee dír axweesantadár gurtleemuú Mungú. Tidá' kuungá' nu kwa/as nee nuri aalírí hanís dinkwa nee mukdá' taa hhoohhooeés.

Ya/abtór hho' 1977

³² “Ala aníng hám daxta kuungá' nu qaás baraá dabaá Mungú i alé, nee dír axweesantadár gurtleemuú Mungú. Inós kuungá' kwa/asaro nu aleesláy, nee tsuuqaawós sleémeero ngiri haniis, kudá' i kon, as mukós sleémeero kudá' taa hhoohhoeés.

Tlehhema'aá ya/Abuuse 20:32 Iomraidhean Croise

IIMU/UUNGW 50:24

Yosefu hhaeewós giri báy, «Án hám gwa'arar'eé' naa hamát. Ala Mungú niqo hardah dirhúng i alé, as nuwa duuxi baraá yaamuká' Misriro ay dír yaamuudá' aa oó' dír Abrahamu nee Isaka nee Yakobo.»

YEREMIA 3:19

Aníng ngiwa xuu' geeraawo, kuúng un adór na/ay'eé' tleéhh, yaamaá sla'atimiisá' ngiri kuúngií haniís, aalír ló'wa hhoohhoo' baraá xoorduuwo, ngiwa xuu' geeraawo kuúng in baabuúwógár atét, nee kuúng in baloó meeraaká eeharto.

YEREMIA 49:11

Na/iihúng awa panaay mawaak aníng ngi /aymiís, kwaeelihúng aníng i harahhifiye'.»

Marko 10:17

Qoomár Yesu iwa baraá aaií tlatlay, heé wák guna i daqáy ar gaanslaay guri i tumbarara'aát, guri yaahaás, «Intsaahhatusmoó hhoó', adór ni laaq a adoomá ar slafíngw alhhe'eesay wásl ngur aal?»

Yohana 15:3

Kuungá' aga qaroó hhoohhoouuré' asma axweesantadá' naa kuungá' báw.

Yohana 17:17

Ala kuúng na hheehhe'eeseek ar looeemadá'. Axweesantók a looeema.

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Tlehhema'aá ya/Abuuse 14:23

Dír umuúqo kríshaanáy iwa deero bariise kari qamín. Tari firín nee tari gwaawín. Inooín kiri geexáy baraá dabaá Aako, kudá' taa haratlintií'.

Tlehhema'aá ya/Abuuse 14:26

Tawa didá' wa tláy tari waaraáhh baraá tláwtár alé ay Antiokia. Diirí an didár múk kríshaanáy inooín ngiwa aleefirín /uuruú Mungú ku slay as gadiyeérí kawa tleehhi, tí hám taa hhe'eés.

Tlehhema'aá ya/Abuuse 14:3

Inooín tari amoodá' wa hoót deelór yaariire. Kángw Aako kuri axweés ar pihh'uuma. Aako aleesleemu guri dir'íní haniís oo layu nee muruú waa/oo/amo kuwa tlehhiiti, Aako axweesantadár daanduú gurtleemuuwós gari laqán adór tar ló'.

Tlehhema'aá ya/Abuuse 15:40

Ala Paulo Sila guri tsawaár, kuri aleefirín nee hhae as tsuuqaá Aako ngiwa slay, iri tláy.

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Rumi 8:17

Nee atén barnaxes a na/ii, atén a aaluuse. Atén a aaluusér Mungú, nee a aaluuse dinkwa nee Kristo. Barnaxes a ló' adór tara slahhaahha'aán dinkwa nee inós. Daqaní atén xirif u slawaán sleeme dinkwa nee inós.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

1 Korinto 6:10

nee tam fisuuse, laqaá qahuuse, laqaá ooniituuse, laqaá múk /ooslisliím nee laqaá múk aa dee/aanuut.

1 Korinto 6:11

Baraá tla/angwhunge bahh'alé aáng a múk adór kwí. Ala kuungá' tunda hamaátl, tunda hhoohhooeés, tunda gan'amí harafaár ar umuú Aakoorén Yesu Kristo nee ar /uuruú Qeeruú Munguúrén.

1 Korinto 6:9

Ahaá kuungá' a xua'akáhe adór /aytuuse waawuti'iimár Mungú ngir baloó alká? Kuungá' miti kiloohúng al/agiimara'. Múk tsaatuuse waawuti'iimár Mungú ga aaliiká, laqaá tam múk munguaá hatlá' haratlintaatií', nee tam fuquuse, laqaá hhawaateedá' nee hhawaataá hatlá' fuquusá', laqaá /ameenadá' nee /ameenár hatlá' fuquus,

Efeso 1:14

Qeeruuwí an arhaánír aalirén. Inós ngin xu'utimis dirén i aleeró adór ateédaá mukós tir gweeri. Gawaá adoorihe inós kuri xirfayees.

Efeso 1:18

Aníng a firiiriím inós ilaahúng awa qeeru ngiwa gweeri, as harahhifór ateetmorhúng kawa tsahha', nee daqaari'iimár xirif ar aalirós adór i diri' baraá múk taa hhoohhooeesi.

Efeso 4:12

Gadiyér'ín a tí, múk hhohhó' oo Mungú kuwa amohhe'eemisi, as inooín Mungú nguwa sagadiyusiya', as slaqwtá Kristo kawa kwa/amisi.

Efeso 4:16

Inós slaqwa sleémeero gan haragaas dinkwárií alé, gari dinkwárií nigihhitis ar kanuúdá' Mungú naa haniís. Inós umuúqo diqto gan aleesleemií hanmiis, gadiyeérós tidá' taa haniís ngiwa tlehh. Gawaá adoorihe slaqwa sleémeero in uraareér, nee tiri kwa/amís ar baraá sla'aari.

Efeso 5:5

Kuungá' /aymuuwí u xu'uti hhe'esá', adór heé tsaatusmo waawuti'iimár Kristo nee Mungú ngir baloó aaliiká, laqaá tam heé slafiingós slasla/arén, laqaá tam heé ilatleerusmo sleeme, asma inós i munguaá hatlá' kón.

Kolosai 1:12

Daqaní kuungá' Baabá kuri sluufmisá' ar qwal/amaaye, kudá' naa aleesleemuú i haniis oo tawa al dinku'uumisa' nee múk hhohhó' oo Mungú baraá aalír waawuti'iimár gwa/aateemaawo.

Kolosai 2:7

Dee/áruuhúng masók ku gawít baraawose, slafingwhúng gawaawós wa tlehhiitaak, kuungá' masók an kwa/aakwa/á' baraá haratlintaaorhunge ar adoodá' tundura intsaahhatimís, nee tawa hatsa' sluufaywo.

Kolosai 3:24

Kuungá' a xuá' gídaabá slaasláwarhúng ar aali a sleerá' dír Aakoowo. Asma Aakoó ta sagadiyusa' a heewooká, ala an Kristo.

Ebrania 10:14

Asma ar ilahhooár wák kilós, tidá' aa haniís, inós mukdá' aa hhoohhooeés gwa múk ganaá' tleéhh ay alhhe'eesay wasle.

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

Ebrania 2:11

Inós tlakweemaá muu gin hheehhe'eemiis. Inós nee mukdá' ta tlakweema hheehhe'eemiisi Baabuúín a wak. Gawaá adoorihe inós i murumiitiiká inooín ngiwa hhaeewós ar ateetin.

Ebrania 9:15

Asma aáng Mungú al'axweesani gana dír mukií haniís ar aalír alhhe'eesay wasl kawa slay. Ala muu Mungú guna sadakuús qoomár alqadoodár geeraawo. Kristo iri gwaá' as muu nguwa gweeri baraá tlehhemi'ii'ín kudae. Gawaá adoorihe Kristo an haraki/isusmoó alqadór /aben, as mukdá' taa ateét nee Mungú al'axweesantadá' Mungú aa oó' kawa slay.

Yuda 1:1

Anuú Yuda a lawaalmoó Yesu Kristo nee slám a hhiyoó Yakobo. Aníng barwaárí ngina gooiím dír mukdá' taa ateét nee Mungú, kudá' taa slaá' nee Mungú Baabá, nee kiri amohhe'eemiís as Yesu Kristo.

Yuda 1:20

Ala kuungá' sla'aaruuser'eé', ti kwa/ase' baraá haratlintaaorhúng tidá' ló'wa hhoohhooe, nee firiirimé' ar baraá /uuruú Qeeruú hhoohhoó' oo Mungú.