Tlehhema'aá ya/Abuuse 20:30 - Biblía Axweesantá Hhohho' ar Mungú 2004

³⁰ Nee slám baraá tla/angwhunge muu i ti'iit. Mukwí looeema giri warqees as eeharuuse kawa amor'ín i uuruuxi, inooín kiri eehar.

Ya/abtór hho' 1977

³⁰ Nee slám baraá tla/angwhunge muu i ti'iit. Mukwí looeema giri warqees as eeharuuse kawa amor'ín i uuruuxi nee tawa eeharin.

Tlehhema'aá ya/Abuuse 20:30 Iomraidhean Croise

AXWEESANOÓ SAGALOOA 19:1

Tsiní hee bar narkutmo inós bir daanqamisúr hoot ta daktantá sagagawdúr axweesa.

AXWEESANOÓ SAGALOOA 23:33

Muruú xuaawaslén ilaawoge u aán, nee afkoge kumbeera kiri dá'.

ISAYA 59:3

Asma dabaahúng iga tlakwesé' ar tseerdu, ditsaahúng tlakweema nga tleehhiyé', aferhúng lama gaa kát. Muruú tlákw ugwa axwesé' ar tsifreeriihúng

DANIELI 11:34

Qoomár barki tsuu/ inooín alee/isoó niiná ngu slayá', múk yaariír i dír inooín i haragwaa' ar hhahhafiingw.

Matayo 23:15

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' an harweeririindá' baraá tlawtá wa ale, nee baraá yaamaá kaahare as heé wák kuwa eeharusmoohúng tlehha'. Aluuwo kuri heé tlaákw tlehhá' sagaáwa tsár ta kuungae, tari heé hariím kuwa kwahhi baraá asltá baloó gwaa'aaká.

Tlehhema'aá ya/Abuuse 11:26

Qoomár nguwa sláy nguri huúw ay Antiokia. Inooín kurkú wák kuri al faák nee eeharuuse, tidá' baraá Antiokiár i dirii', múk yaariír kuri intsaahhatimís. Yaamaá Antiokia an dír geera ar haratlintaauuse kawa báy kríshaanáy.

Tlehhema'aá ya/Abuuse 21:38

Bar adoosíng kuúng baré a heedaáduú Misrirooká, kudá' gawaá deeloorí aa waarahhi múk kume tsiyáhh gwa hara'awis, kudá' aa tsu/uut, guri ar tláy baraá xaanxaay.»

2 korinto 11:13

Asma múk adoorí a ya/abuusér loeeká, ala a ya/abuusér lama. Inooín a múk gadiyér tleéhh ar al/ayma, nee slám inooín kilooín tin slaqsoó ya/abuusér Kristó tlehhiitiyá'.

1 Timoteo 5:13

Slám inooín waaweeraay ngun deliitiyá', nee gawaá adoorihe tli/a ngiri intsaahhiyá'. Ala a har tli/a kiloseká. Tam niri takaahuuse tleehhitiyá'. Nee sleeme tawa darahi baraá muruú muu, kudá' inooín wa hariimaaká.

1 Timoteo 6:5

nee tlaampa'amisuú baloó faakaaká. Muruuwí sleémeero kun tlehhiit nee múk fuqurangw'ín aa hhitiruut, slám mukwí daxta looeema tsaahharo gi aleeslayká. Inooín ka xui diíni a gár slaasláwár úr huwahuuw.

2 Petro 2:18

Asma inooín axweesanoó urén kun kah oo gaa wásl. Nee ilatleerír slaqwa kan ar gadiyuus as múk aa sangw haratlintii' kuwa al/ayi, mukdá' baraá tla/ángw tlakuuse ngaa sangw geexay.

1 Yohana 2:19

Mukwí ina dirén wa tláy, ala asma inooín awa bartareneká. Inooín geera bar awa bartarén, geeraawo nee atén aga alhootaán. Ala tana tláy as kiwa tsaahha hhe'eesaan adór tar awa bartareneká.

2 Yohana 1:7

Asma al/aymuusér yaariir naa ti'ít baraá yaamuwo, ar kah, Yesu Kristo naa hardihiiká ar baraá slaqwa. Kwí an kuduú al/aymusmo, nee Wakusmoó Kristo.

Geehhoeemaá 2:6

Ala kuúng garka hhoo' aga tléhh, asma kuúng tlehhema'aá múk Nikolai iga áhh. Aníng sleeme tlehhemi'ii'ín iga aáhh.»