Tlehhema'aá ya/Abuuse 20:29 - Biblía Axweesantá Hhohho' ar Mungú 2004

²⁹ Aníng a xuú' adór án bar aga tláw, taweruú xaraásl ir dáh baraá tla/angwhúng nee múk kríshaanáy gu gurtlayká.

Ya/abtór hho' 1977

²⁹ Aníng a xuú' gídaabá, án bar aga tláw, tawerú xaraásl i dah baraá tla/angwhúng nee múk Kríshaanáy gu gurtlayká.

Tlehhema'aá ya/Abuuse 20:29 Iomraidhean Croise

YEREMIA 13:20

Múk Yerusalému, qaytsiité'. Ga/aawaak, wakuuserhúng hanoos i /iikú dáhh. Daqtidá' tinda kuúng i haniís i amá? Daqtidá' hhohho' i amá?

YEREMIA 23:1

Tsaxwaaín de'eemuusedá' bee/ángw hhaamimiis, nee gu baraá qawtantaeé' wa diya/aam.

ESEKIELI 22:27

Geeraharuuser'ín baraá gixsaro a adór taweruú makiito'ór /aáy, ta tsu/uut as tiwa kilooín daqaari'itimisiya' ar loohír qoomaaká.

ESEKIELI 34:8

Adoodá' anuú Aakoó MUNGÚ nir hotaatima, aníng aga ló'wa slahhaá' bee/angw'eé' nguwa ga/áw tawa muruú /aymár makaá xaraaslá', asma heé gu de'eém i kaahh, asma de'eemuuser'eé' bee/aangw gwa leeleehhitká, ala inooín gur'er'ín kilós ngina harmagaahhiyé'.

DANIELI 11:34

Qoomár barki tsuu/ inooín alee/isoó niiná ngu slayá', múk yaariír i dír inooín i haragwaa' ar hhahhafiingw.

SEFANIA 3:3

Geeraharuuseerós baraawose a adór direeraá aahhamiimá', mukdá' kwasleemadaá tlaáq a adór taweruú tsiindo, gár i meetimisiyá' i káhh tam ar niiná.

SEKARIA 11:17

A tsaxwaawók de'eemusmooeé' kudá' tlaákw, kudá' bee/aangós gwaa tawo may. Alók iltós ar doó /iyáy kan tuu/, nee dakós i solo'oti, iltós ar doó /iyáy i taamput.»

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

Luka 10:3

Tlawsé', án kuungá' nun adór deeloó bee/ángw wa ya/aáw, baraá tla/ángw tawer.

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Yohana 10:12

Heé ta bu'un, barnaxes taweermo gwa ár, naa hardáh, in goow, bee/aangw guri geexáy, asma inós a de'eemusmoowooká, slám bee/aangw a koseeká. Taweermo bee/angwdá' gway uhín nee gway diyayaa/.

Yohana 21:15

Qoomár /aymaaro tawa hhe'eés, Yesu Simon Petro guri báy, «Xáy, Símon, garmoó Yohane, án kuúng i slá'a ta kukaákae?» Petro iri oó', «Eeít, Aáko, kuúng a xú' adór án kuúng ur slaá'.» Yesu iri oó', «Deeloó bee/angw'eé' /aymiiseek.»

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

1 Petro 5:2

Gawaá adoorihe án kuungá' nu gurbuú', kuungá' bee/ángw Mungú de'emaak, kudá' taa dabaahúng i saayín, nee kuwa sageesihhimita'. Ala adoorí ma tleehhara' as tunduwa harakeemisi, ala masók an tlehhá' ar sla'aarirhúng ar kilá', asma an adoodá' Mungú i slai. Slám ma tleehhara' as peésa kawa sleera' kilós ala na tleehhaak ar muunuú /awaák.

2 Petro 2:1

Ala tam qoomaadae sleeme aaruusér lama i deer baraá tla/ángw muko. Tam baraahunge sleeme intsaahhatuusér lama i hardát. Inooín intsaahhasár hhiita ngin dahaasiyá' ar baraá naaqo, tam Aakoodá' inooín gaa tlaaxw nguri sa tlaankiyá'. Gawaá adoorihe inooín tin baraá qwanáy harakeemisiyá' ar adoorí.

Yuda 1:18

Inooín tana oó', «Qoomár alhhe'eesaywo waniquuse i ti'ít ar ilatleerir'ín tidár qwanaay ga eeharahar.»