Tlehhema'aá ya/Abuuse 20:28 - Biblía Axweesantá Hhohho' ar Mungú 2004

²⁸ Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Ya/abtór hho' 1977

²⁸ Kuungá' kilá' munerhúng harmagahhaak, nee Kríshaanáydá' sleémeero, kudá' Qeeruú hhoohhoó' kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Tlehhema'aá ya/Abuuse 20:28 Iomraidhean Croise

WARA'AMI 74:2

Inslaweek mukdá' taa iimír aáng wa tsawát, xooroodá' taa ba/amís as tawa aalirók. Inslaweek tloomár Siyoni, tidá' taa dír hotaawók tléhh.

AXWEESANOÓ SAGALOOA 10:21

Axweesanoó heé ganaa' múk yaariír gu /iis, ala daktana in qátl as tsaahha wasle.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ISAYA 63:11

Aluuwo mukós de'emaá aáng gina insláy, kudaá sagadiyusmoowós Mose. Inooín tari oó', «Kudá' de'eemuusér bee/aangós gaa waarahhaas tlawto i amá? Kudá' Qeeruuwós oo hhoohhoó' gwaa baraá tla/angw'ín i qaas gaálaay?

YEREMIA 13:17

Ala barnaxes aga axasi'iiká, aníng an baraá gurií /aá/, asma daara/angwhúng, ilaaeé' nin /aa/iyá' nee hhirhheerieé' niri baráy gororoxotiyá', asma múk AAKOÓ MUNGÚ kwa loohatís.

YEREMIA 13:20

Múk Yerusalému, qaytsiité'. Ga/aawaak, wakuuserhúng hanoos i /iikú dáhh. Daqtidá' tinda kuúng i haniís i amá? Daqtidá' hhohho' i amá?

YEREMIA 3:15

«De'eemuusér aníng i iialooeemiis ngi kuungá' i sláw, múk kuungá' nu /aymiís ar xu'uti nee tsaahha.

YEREMIA 31:10

Kuungá' xoórdu, axweesantá AAKOÓ MUNGÚ iiárií qaasaak, ilahaniisaak dír ayeemaá sawene, kudaá iisaapoó tlawi, tawa kata', ‹Aníng muk'eé' oo Israeli una diyaá/, ala daxta un burumbuúr nee un geerahaár, adór de'eemusmo bee/aangós ngur geeraharhaahari.›

ESEKIELI 34:3

Kuungá' di/i an /agá', nee tlabaá taa tleéhh ar se'éngw bee/aangw in tsititá', nee bee/ángw aa wahhdiit un tsu/á', ala kuungá' bee/aangw de'eengo ugwa meeré'.

ESEKIELI 34:31

«Kuungá' a bee/angw'eé' oo baraá qawtantaeéní dirií', aníng a Munguúhúng. Anuú Aakoó MUNGÚ tí aga oó'.»

MIKA 5:4

Inós in sihhiit nee daqtós gari de'én ar /uuruú AAKOÓ MUNGÚ nee ar aleesleemuú waawuti'iimár umuú AAKOÓ MUNGÚ, Munguúwós. Mukós iri saxareemár hoot, asma inós uraay guri sláy baraá yaamu sleémeero.

MIKA 7:14

Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

SEKARIA 11:4

AAKOÓ MUNGÚ, Munguúeé' i kaahi, «Ti de'eemusmo tlehh oo bee/ángw ta tsu/tár ay.

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Matayo 2:6

‹Kiíng gixsár Betilehemu ar baraá yaamaá Yudea, kiíng ti baloó niinaweeká baraá gixsadaá Yudeawo, asma waawutmo i ti'iit baraawoge oo muk'eé' oo Israeli gu de'eém.› »

Marko 13:9

«Kuungá' ti harmagahhe' asma tundu huwahuuw baraá maraá kwasleema, nee baraá maraá saaliingo tundu muux. Kuungá' sleeme tundu huwahuuw dír geeraá ga/aawuuse, nee dír geeraá waawitá asma aníng, as iwa dir'ínií lamabu'uunda'.

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.

Tlehhema'aá ya/Abuuse 13:2

Looarka wake múk kríshaanáy qoomár iwa Munguú sluufmiis nee tawa gwaawiwin, Qeeruú hhoohhoó' oo Mungú giri báy, «Barnaba nee Saulo amor'eé' paraatlare' as gadiyeédá' ngiwa ateét.»

Tlehhema'aá ya/Abuuse 14:23

Dír umuúqo kríshaanáy iwa deero bariise kari qamín. Tari firín nee tari gwaawín. Inooín kiri geexáy baraá dabaá Aako, kudá' taa haratlintií'.

Tlehhema'aá ya/Abuuse 20:17

Dír Miletoro Paulo muu guri ya/aáw ay Efeso as geeraharuusér kríshaanáy kawa ateeti.

Tlehhema'aá ya/Abuuse 20:29

Aníng a xuú' adór án bar aga tláw, taweruú xaraásl ir dáh baraá tla/angwhúng nee múk kríshaanáy gu gurtlayká.

Rumi 16:16

Kuungá' kiloohúng ti intsihhiimise' ar ma'amisuú hhohhó'. Múk kríshaanáy sleémeero oo umuúqo dii kuungá' nu intsihhiimiis.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

1 Korinto 10:32

Kuungá' ma dukuutsmo tleehhitaara' dír múk Yahudiro, laqaá dír múk Yunaniro, laqaá tam dír múk kríshaanayhe,

1 Korinto 11:22

Ahaá, kuungá' maraay i koonda'akáhe awa tawa /ayiinda' nee tawa wahaanda'? Laqaá a múk Mungú un waaqaqa'á'a, tam múk liitlakuuse kuri mureekeemisá'. Án gár kuungá' nu baw a milá? Nun xirfayeésa? Aasla'áy, nu xirfayeesaaká daanduú kaangwihe.

1 Korinto 15:9

Asma aníng a heé niiná dír ya/abuuseero. Slám a hariimaaká tiwa babay ya/abusmo, asma aníng múk Mungú una slahh'eemiís.

1 Korinto 6:20

Asma inós kuungá' nuna tlaáxw ar tlaxór ur. Gawaá adoorihe, kuungá' Mungú xirfayeemisaak ar slaqoohúng.

Galatia 1:13

Án ngi slaá' kuungá' kangw'eé' ugwa axsé', adór nira hoót qoomaadá' án tawa heé diínír Yahudi. Aníng múk kríshaanáy una ló'wa slahha'eemiís, tam guruueé' aa tlayká. Ilakaaharu una tleéhh as ngiwa qwaareesár wa slaa'.

Efeso 1:14

Qeeruuwí an arhaánír aalirén. Inós ngin xu'utimis dirén i aleeró adór ateédaá mukós tir gweeri. Gawaá adoorihe inós kuri xirfayees.

Efeso 1:7

Atén tina gweér baraá lawali'iimár Neetlaango, hingeemisuú tlakweema kway slawaán ar loohír gwa'arár Kristo. Gawaá adoorihe gurtleemuuwós ku ló'wa úr direne.

Efeso 4:11

Inós aleesleemuú Qeeru ngwa haniís, bahh'alé tawa ya/abuuse nee bahh'alé tawa aaruuse, nee kookaariya' tawa múk Ya/abtór hhó' alki/iít. Nee slám awa hatlá' tawa de'eemuuse nee intsaahhatuuse.

Filipi 1:1

Anuú Paulo nee Timoteo, sagadiyuusér Kristo Yesu, barwaárí ngina gooiimaán amór múk hhohhó' oo Mungú sleémeero oo baraá Kristo Yesu kuduú baraá Filipír i dirií', dinkwa nee geeraharuuser'ín nee sagadiyuusér múk kríshaanáy.

Kolosai 1:14

Asma Garmaawós kunguna haniís as atén tiwa gweeri baraá /uuruú giwtír wa ale, gídaabaárós tlakweemaarén gina gurtláy.

Kolosai 4:17

Arkipo ku beera', «Gadiyeérók tidá' tinda haniís baraá Aakoowo ga/aaweek, as kawa boo/es.»

1 Timoteo 3:1

Axweesantí i looeemaá koón, tí kah, «Hee bar gadiyér muu nguwa geeraharahari ga leelehhiit, a gadiyér ló'wa hhoo' gan slaa'.»

1 Timoteo 3:2

Geeraharusmo gár kuwa hariím masók a heé ta muruú tlákw i kaahiiká, inós masók hareerós a wak. Masók a heé qoóm nee oo sagaloó', heé muruú qoomeemeés, heé dahi'iimis, oo intsaahhatisa ga baál.

1 Timoteo 3:5

Asma heé do'ós geeraharto gu aleeslaslawaaká, adór múk Mungú geeraharto ngur aleeslay a adoomá?

1 Timoteo 4:14

Kuúng aleesleemuú Qeeru u koón baraawoge, kudá' taa sleér qoomár aaruuse iwa aaririín nee bariise uwa dákw i qás. Ala aleesleemuusíng mu mawaar kuwa ar gadiyus.

1 Timoteo 4:16

Adór kuúng tar hot ga/aaweek nee muruudá' ta intsaahhatimis ga/aaweek sleeme, kumiít muruuwí sleémeero kuwa tlehhit. Asma adoorí bara tléhh, daqaní kuúng kilók ti ba/amís, nee mukdá' sleémeero kuúng u iiárií qamiím sleeme.

1 Timoteo 5:17

Bariisér gadiyér'ín ar geeraharu'uuma ga tleehh ar adoodá' qoom ki ló'wa ilaiwawa/i, ak alé tidá' ti daawiitimis ar muu kuwa axweesantá Mungú i alki/iiti nee kuwa intsaahhatimisi.

Tito 1:7

Asma geeraharusmoó múk kríshaanáy gadiyér Mungú kaa dabaawós i qaás. Gawaá adoorihe a gár hariím inós tawa heé xaslxaansli wásl. Inós masók a heé ti kilós sla'atimisaaká, nee a heé buhhtaawo inslaahheeká, masók a xufutusmoowooká nee a heé xaraslaaká. Nee slám masók a heé slaasláwár mure ga sla'aaká.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Ebrania 12:15

Ga/aawaak, hee tsuuqaá Mungú mingiwa sií'. Nee magoót miwa deerút baraá tla/angwhunge, nee nuri hhitiín. Asma magór adoorí ga aleesleér múk yaariír nguwa qárkwií qas.

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.

1 Petro 2:25

Kuungá' aáng a adór bee/ángw aa qwaar, ala hám daxta naa ki/é' amór de'eemusmo nee xuumusmoó munerhúng.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.