Tlehhema'aá ya/Abuuse 20:26 - Biblía Axweesantá Hhohho' ar Mungú 2004

²⁶ Gawaá adoorihe laarí án kuungá' nu baw ar geehhooeema, hee dirhunge bira qwaár, a daanduueeneeká.

Ya/abtór hho' 1977

²⁶ Gawaá adoorihe laarí án kuungá' nu baw ar geehhooeema, gidaabá hee dirhunge bira qwaár, a daanduueeneeká.

Tlehhema'aá ya/Abuuse 20:26 Iomraidhean Croise

2 SAMUELI 3:28

Aluuwo Daudi kaangwí nguwa axaás, iri oó', «Aníng nee waawuti'imar'eene a tlakweésár koomanaká dír geeraá AAKOÓ MUNGUHE daanduú tseerér Abneriwo, garmoó Neri.

YOBU 16:19

Aníng a ló'wa xuú', lamabu'usmooeé' i gawaá doori. Oo aníng i aleekal/aám i gawaá doorí dirii'.

YEREMIA 42:21

Laarí tidá' aníng taa báy, ngaa oó', ala kuungá' afór AAKOÓ MUNGÚ, Munguúhúng baraá umuúqo gár naa aníngí ooi, aníng ngiri dirhúngí oó', kuungá' aga iialooeesi'iiká.

Yohana 12:17

Mukdaádá' dáw bál Yesu Lasaro nguwa ateét baraá /aantár wa ale, nguri waasle/atís, kaangwí kuna alki/iít dír muu.

Yohana 19:35

Kudá' tí gaa ar, gana lamabu'ún, as kuungá' sleeme kawa haratlintia'. Lamabu'uungós oo ló'. Inós ga xuu' adór kaangwí i kaahi tar ló'.

Tlehhema'aá ya/Abuuse 18:6

Múk Yahudi axweesanayduú Paulo guri sií', kuri /ooslislín. Paulo giri teerír baraá tlabaawósí kuukuú', iri oó', «Kuungá' bar aga qwadé', a daandeemoohúng. Gár án i huuw i káhh. Iimír hamí aníng aga tláw amór múk xoordaá hatlá'.»

Rumi 10:2

Asma aníng a lamabu'uúm adór inooín ilakaaharu ngur ló'wa koná' as Mungú, ala xu'uti ngi kona'aaká.

2 korinto 1:23

Mungú an lamabu'usmooeé' aníng gár nisa malé Korintór i ki/iiká, inós ga xuu' asma aga slaiiká kuungá' nuwa slahh'ees.

2 korinto 7:2

Kuungá' munerhúng amooréní haniisare'. Atén tam heé wák ugwa gár tlaákw i tleehhaniiká. Atén heé taa qwaareesaán i kaahh, laqaá heé atén taa al/ayaán i kaahh as atén slaasláw kawa slawaan.

2 korinto 8:3

Adoodá' inooín ohmeedá' kara hanmiís a lamabu'uúm, asma kaa hanmiisiiká ar adoodá' aleesleemuuínií dirii'i, ala kana ló'wa hanmiís ar adoodá' aleesleemuuín ba/a. Slám kana hanmiís ar muunuú /awaák.

1 Timoteo 5:22

Hee dákw i qaasaro ma gaanslimaar. Slám tlakweemaá múk hatlá' mi eeharaar. Kuúng kumiít baraá hhoohhooariro.