Tlehhema'aá ya/Abuuse 20:2 - Biblía Axweesantá Hhohho' ar Mungú 2004

² Iri waaraáhh ar yaamuudá', nee umuúqo diiro eeharuuse gari alee/iís /uuru nguwa sleer baraá haratlintaaooro ar axweesanoó yaariír. Iri hardáh ay yaamaá Yunani.

Ya/abtór hho' 1977

² Iri waaraáhh ar yaamuudá', nee umuúqo diiro eeharuuse gari/uuruú i qamín baraá haratlintaaooro ar axweesanoó yaariír. Iri hardáh ay yaamaá Yunani.

Tlehhema'aá ya/Abuuse 20:2 Iomraidhean Croise

SEKARIA 9:13

Asma Yuda ugwa qwambatís tawa ga/aler'eé', Efraimu ugwa mahángw ga/ale tleéhh, múk Siyoni un ar gadiyuús tawa paángár na/aá Giriki ngir tsuu/, án kuungá' nun paángár migusmo tleéhh.»

Luka 3:18

Gawaá adoorihe ar gurbu'úngw yaariír oo hatlae Yohane Ya/abtór hho' gari alki/iít dír muu.

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Tlehhema'aá ya/Abuuse 15:41

Iri waaraáhh ar baraá yaamaá Siria nee Kilikia, múk kríshaanáy guri alee/imiís /uuru nguwa slaya' baraá haratlintaaooro.

Tlehhema'aá ya/Abuuse 16:12

Nee niwa didá' wa tlawaán, tari hardahaán ay gixsár Makedonia ar ta bay Filipi, an gixsár ur baraá ayaadae, slám an dír boómár múk Roma i diri'. Tari hootaán baraá gixsadá' wa ale deelór hhaawaakahe.

Tlehhema'aá ya/Abuuse 17:1

Paulo nee Sila tari waaraáhh ar tla/ángw Amfipoli nee Apolonia, tari hardáh ay Tesalonike. Didaádae do'ko saalíngw múk Yahudi i deer.

Tlehhema'aá ya/Abuuse 17:10

Hamtidár kilae hhae Paulo nee Sila ngiri bayé', «Tlawsé' xweeraaká' alé ay Berea.» Tawa hardáh tari dáh baraá doó saalíngw múk Yahudi.

Tlehhema'aá ya/Abuuse 2:40

Petro giri ló'wa lamabu'ún ar /ayma'aá hatlá' awa yaariir, nee giri gurbu'ún iri oó', «Tundu ba/amisi dír qartír múk tlakwe.»

Tlehhema'aá ya/Abuuse 20:1

Tlaahhidá' ar muu iwa fák, Paulo eeharuuse gari ateét, gari gurkwa/amís, gari deelór i oó'. Iri tláy ay yaamaá Makedonia.

Tlehhema'aá ya/Abuuse 20:11

Aluuwo Paulo iri gáwtí kií/. Mikaáte gari parhhamiís. Iri /ayín. Iri malé kumiít dir'íní axweesanto ay matlaatle. Matlaatleero iri tláy.

Tlehhema'aá ya/Abuuse 20:3

Iri amoodá' wa hoót slahheeri tám. Paulo iri tleemuú slaá' iwa yaamaá Shamúr kay ar baraá tlawi. Ala múk Yahudi adór kur gaasi kaa al'axweés. Gawaá adoorihe Paulo saga guri warqeés iwa ki/i ar baraá tla/ángw Makedonia.

1 Korinto 4:19

Ala aníng ni amorhúngií hardáh ar gaanslaay, bar Aako ngaa slaá'. Aníng binda hardáh, gár ni tsaahh, a axweesanoó mukdá' aa daar/uut kiloseeká, ala tam /uuruuín sleeme.

Kolosai 1:28

Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geeraá Mungú tawa heé aa kwaa/ baraá Kristoowo.

1 Tesalonike 2:11

Kuungá' a xuá' adór atén umuúqo heewo dirhunge ngura amohhe'eemaamiisaán, adoodár baabá na/iiwós ngir amohhe'eemaamisi.

1 Tesalonike 2:3

Asma atén Ya/abtór hho' a alki/iitaanaaká as tawa dakuusaán, slám a alki/iitanaaká as inslawoó tlákw, laqaá as hee kuwa al/aymár wa sla'aan.

1 Tesalonike 4:1

Hháe, gár alhhe'eesáy a tí, kuungá' aga dirén wa intsahhé', adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu, slafíngw adór kwisíng ba/a ar hootaak.