Tlehhema'aá ya/Abuuse 2:9 - Biblía Axweesantá Hhohho' ar Mungú 2004

⁹ Atén a múk Parti nee oo Medi, nee oo Elami, nee múk Mesopotamiár wa hoót, múk Yudea nee Kapadokia, nee Ponto nee Asia,

Ya/abtór hho' 1977

⁹ Atén a múk Parti nee oo Medi, oo Elami, nee múk Mesopotamiár wa hoót, múk Yudea nee Kapadokia, Ponto nee Asia,

Tlehhema'aá ya/Abuuse 2:9 Iomraidhean Croise

IIMU/UUNGW 10:22

Daaqoó Shemu a Elamu, nee Ashuru, nee Arpakshadi, nee Ludi nee Aramu.

IIMU/UUNGW 14:1

Qoomár Amrafeli tawa waawutmoó yaamaá Shinari, nee Arioki tawa waawutmoó yaamaá Elasari, nee Kedorlaomeri tawa waawutmoó yaamaá Elamu, nee Tidali tawa waawutmoó yaamaá Goi'imu,

IIMU/UUNGW 24:10

Sagadiyusmooduú Abrahamu angamía mibaangw giri ar tláy. Iwa tlay muruú hhohhó' oo daa'aweemaá dimbadimbé oo amór aakoowós daáhh gu kón. Iri aa'aá káy ay gixsadá' Nahori i hooti ar baraá yaamaá Mesopotamia.

2 WAAWITÁ 17:6

Kurkú gwaleél oo waawuti'iimár Hosheawo, waawutmoó Ashuru gixsár Samaria gana hayóh, nee múk Israeli guri ar tláy ay yaamaá Ashuru. Muu guna bahh qaás baraá gixsár Hala, bahh'alé dír afaá yaaér Habori, nee yaaér Gosani nee bahh'alé baraá gixsár Media.

1 QOM'I 19:6

Waawutmo Hanuni nee múk Amoni ngiwa tsaahhiyé' adór Daudi ngura buuhhtisiyé', inooín peésár kílór kumér mibeeri tám nee tsiyáhh ngina múk ar ya/aawiyé', as gaardaá slaqwara nee faras gwa i tsa/an kuwa bui oo baraá yaamaá Mesopotamia nee yaamaá Arama'aka nee Soba.

ESRA 6:2

Kitaábuú wák kuri sláy baraá Ekbatana wa alé, gixsadá' ur ar ayaá Media, nee baraadae /ayma'aá taa gooín an kuká',

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 21:2

Iigu'utuú xaraásl kunguna aníngí laqán, daanduú heé al/aymusmo iwa al/agin nee daanduú hhituusmo iwa hhitiitin. Kuungaá múk Elamu, tlawsé', gawa i tsa/amak. Kuungaá múk Medi, tlawsé', haratlawé'. Mungú slahh'amu sleémeero gu faak, kudá' tindi haahuwi nee múk Babuloni.

DANIELI 5:28

PERESI, a waawuti'iimarók aa qasít dír múk Medi nee múk Persia.»

DANIELI 8:2

Baraá iigu'utuuwihe naxés aníng a dír Susa, gixsár ur ar ayaá Elamu. Aníng aga sihhiít dír yaaér Ulai.

DANIELI 8:20

«Gwaanduudá' xareemaá tsár koóm, kudá' kuúng taa aán, a waawituú múk Medi nee oo Persia.

Tlehhema'aá ya/Abuuse 16:6

Tari waaraáhh ar baraá yaamaá Frigia nee Galatia. Qeeruú hhoohhoó' oo Mungú gaa aleeya/aniká axweesantá Mungú kawa alki/iiti baraá yaamaá Asiaro.

Tlehhema'aá ya/Abuuse 18:2

Amoodae heeko oo Yahudi guri ár, umuuwós ku bay Akila. Inós a heé taa yaamaá Pontór wa laqwaál. Inós nina hardáh yaamaá Italiár wa ale deeloodá' tseewe, dinkwa nee hareerós Priskila. Asma Klaudio hara'aya gana oó' múk Yahudi sleémeero iwa quutli baraá gixsár Romaro. Paulo iri hardáh dír dooín.

Tlehhema'aá ya/Abuuse 19:10

Tari kumiít ar adoorí ay kureeri tsár, tam múk Yahudi sleémeero nee oo Yunaniro kudá' Asiár i dirií', Ya/abtór Aako gari axaás.

Tlehhema'aá ya/Abuuse 19:27

Gawaá adoorihe gadiyeérén tí i baraá tsaxwá úr i dirí', muu ngiwa waaqaai. Ala a har tí kiloseeká, ala doó hhoohhoó' oo munguúrén kwí úr oo /ameeni Artemi, kuri gaárií xuiiká sleeme. Slám tsaxwa i dayá' awa munguúwí oo Artemi xirfuuwós kuwa hhitin, inósuudá' ta sluufmamiisi nee muu sleémeero oo baraá yaamaá Asia, tam múk baraá yaamu sleémeerowo.»

Tlehhema'aá ya/Abuuse 19:31

Ala mukdá' urén oo yaamuudá' bahh'alé a mulqér Paulo. Inooín muu kuri ya/aáw amór Paulo. Kuri harhheehhe'eés as miwa dáh baraá doó kwasleema.

Tlehhema'aá ya/Abuuse 2:8

Ahaá, baré umuúqo heewo bura iiárií qaasaán, in axwees ar tsifrirén ar kilá'?

Tlehhema'aá ya/Abuuse 20:16

Paulo gaa slaiiká iwa waaraahhi ar Efeso. Asma deelór yaariir mingiwa qwaareés yaamaá Asiárí wa aleeró. Asma inós i gaanslín. Gár aa slaá' masók in hardah Yerusalemu dír deeloodár Pentekoste ira xeeriiká.

Tlehhema'aá ya/Abuuse 20:18

Geeraharuuseedá' niwa hardát, Paulo giri báy, «Kuungá' kilá' a xuá' aníng adór nira hoót tla/angwhúng wa ale qoomaadá' sleémeero, iimír baalaadár geera án niwa baraakaá Asiár i hardáh.

Tlehhema'aá ya/Abuuse 20:4

Inós tina koné' nee Sopatro, garmoó Piro. Inós a heé yaamaá Berea, nee Aristarko nee Sekundo, inooín a múk gixsár Tesalonike, nee Gayo, heé gixsár Derbe, nee Timoteo nee múk tsár oo Asiár daáhh. Inooín a Tikiko nee Trofimo.

Tlehhema'aá ya/Abuuse 21:27

Deeloodá' faanqw iwa naká/ faakmawo, mukko Yahudi oo Asiár daáhh Paulo kuri baraá Doó Mungú wa ár. Mukwí tlaahhi gari qaás dír muu sleémeero, Paulo kuri óh.

Tlehhema'aá ya/Abuuse 24:18

Qoomár aníng niwa baraá kaangwí i dirii', inooín iri baraá Doó Mungú i ayé', nee aníng taa qaroó hhoohhooeés. Tam boo/oó nee aníng ti koomá' i kaahh, laqaá tlaahhír ni qamiim i káhh.

Tlehhema'aá ya/Abuuse 27:2

Ana tsa/amán baraá miringamooko ta bay Adiramito. Miringamoodá' amór i kay a baraá gixsadaá afaá tlawi awa yaamaá Asia. Tari tlawaán. Aristarko, heé gixsár Tesalonike ar baraá yaamaá Makedonia, nee atén ti koomaán.

Tlehhema'aá ya/Abuuse 6:9

Mukko i deer, oo ta bay múk doó saaliingw oo tinda gweér baraá lawaali'iimaro nee oo múk Kirene, nee oo múk Aleksandria nee oo mukdá' oo Kilikia nee Asia. Mukuú doó saaliingwí bahh'alé iri daqáy amór Stefano, as tiwa tlaampaa'amisiya' nee inós.

Tlehhema'aá ya/Abuuse 7:2

Stefano iri oó', «Hhaee'eé' nee baabi'iieé', iia qaasaak. Munguú xirfuú koóm tina geehhooeés dír baabuúrén Abrahamu, qoomár iwa baraá yaamaá Mesopotamiár i dirii'i, geeraá iwa loohiiká baraá yaamaá Harani.

Rumi 16:5

Múk kríshaanáy kudá' baraá dooín wa saalaaliím intsihhiisaak sleeme. Epaineto, sla'aarusmooeé', intsihhiisaak. Inós baraá yaamaá Asiaro a heé Kristo gwa geerí ya/an.

1 Korinto 16:19

Múk kríshaanáy oo baraá yaamaá Asiár i dirií' kuungá' nu intsihhiimiis. Kuungá' tundu ló'wa intsihhiimiis ar baraá Aako nee Akila nee Priska dinkwa nee kríshaanáydá' ti baraá dooíní dogaagiít.

2 korinto 1:8

Hháe, atén adoorí an kaahaán, asma atén a sla'aán kuungá' slahh'amaayeedá' atén taa slawaán baraá yaamaá Asiaro kawa xua'. Asma atén slahh'amaayeedá' taa slawaán ka ló'wa ur, tam atén ana harslaaqataán gagaararo. Tam harahhifór tawa slafaan iri fák.

DABE 23:4

asma qoomaadá' kuungá' niwa baraá yaamaá Misrír wa ti'ité', inooín kuungá' naa baraá loohírí al'ayi'iiká ar muruú /ayma nee ar ma'aay. Ala inooín Bala'amu garmoó Beori kuduú Petorír daáhh, tidár baraá yaamaá Mesopotamia, nguna tlaxwiyé', as kuungá' nuwa lu'usi.

2 Timoteo 1:15

Kuúng a xú' adór mukduú baraá yaamaá Asia sleémeero aníng ira geexáy, tam Figelo nee Hermogene sleeme.

1 Petro 1:1

Anuú Petro, ya/abusmoó Yesu Kristo, barwaárí ngina gooiím amór múk taa tsawaár oo Mungú, oo aa diyaayaa/aat, oo baraá yaamaá dahaayi'iimár wa hoót, baraá yaamaá Ponto nee Galatia nee Kapadokia nee Asia nee Bitinia.

Geehhoeemaá 1:11

Afoorí ina beér, «Gár kuúng ta aan gooiimeek baraá kitaábií alé, nee daqaní kay ya/áp amór múk kríshaanoó baraá gixsadaá faanqw, awa Efeso, nee Smirna, nee Pergamo, nee Tiatira, nee Sarde, nee Filadelfia, nee Laodikea.»

Geehhoeemaá 1:4

Anuú Yohane muruuwí una gooiím amór múk kríshaanáy oo baraá gixsadaá faanqw awa baraá yaamaá Asia. Tsuuqa nee wayda kudá' amór Mungú dahhá' masók i dinkwa nee kuungá'. Inós an kudá' dáw, nee kudá' qaroó daadáw, nee kudá' hardáh. Nee slám tsuuqaaká' nee wayda amór i dahhiya' a amór qeeremoodá' faanqw, kudá' dír geeraá kitaangós oo aleesleemuú i diriiá'.

HAR'OHUUSE 3:8

Gawaá adoorihe AAKOÓ MUNGÚ iri buúhh, múk Israeli guri máy kuwa baali, nee waawutmoó Mesopotamia oo ta bay Kushan-rishataimu. Múk Israeli Kushan-rishataimu nguri sagadiyuusiyé' ar har afiqoomár kureeraá dakaate.