Tlehhema'aá ya/Abuuse 2:46 - Biblía Axweesantá Hhohho' ar Mungú 2004

⁴⁶ Umuúqo deelooro tari baraá Doó Mungú i dogiitiyé' ar muunuú wák. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

Ya/abtór hho' 1977

⁴⁶ Umuúqo deelooro tari dogiitiyé' ar muunuú wák baraá Doó Mungú wa ale. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

Tlehhema'aá ya/Abuuse 2:46 Iomraidhean Croise

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

WARA'AMI 86:11

AAKOÓ MUNGÚ, án intsaahhatisáng loohiroge, as kahhó' niwa hoot baraá looeemaawók wa ale. Muunuú tsáp oo ilaiwa/ame haniisang.

DAHARUSMO 9:7

Tláw, /ayiím ar qwala/, wahaám ar muunuú qwala/, asma Mungú gadiyeérók gaa qaroó ya/án.

Matayo 6:22

«Tsaa'astá slaqwa a ila. Ala bar iltók ka hhoohhoo', slaqwtók sleémeero i gwa/át.

Luka 11:41

Ala tidá' sleémeero ar baraá isaangi nee qwaree/amo hanmiisaak dír narkuute, nee mura' sleémeero dirhunge daqaní ku hhohhó'.

Luka 24:30

Qoomár tawa dinkwár i iwiít dír muruú /ayma, mukatmo guri óh, iri sluufiís, guri parhhamiís, guri hanmiís dir'ín.

Luka 24:53

Umuúqo siiwaro inooín tana baraá Doó Mungú wa iwiwiít, tawa Munguú xirfayeemisi.

Tlehhema'aá ya/Abuuse 16:34

Xuumusmoodá' Paulo nee Sila giri ar waátl amór do'ós i alé, giri muruú /aymár i tleéhh. Inós nee múk do'ós sleémeero tari qwalalaá/, asma Mungú kwaa haratlintií'.

Tlehhema'aá ya/Abuuse 2:42

Tari kumiít baraá intsaahhasár ya/abuusér wa ale, nee baraá dinkwár kríshaanáy, nee tam baraá muruú /aymár Aakoowo sleeme, nee baraá firooro.

Tlehhema'aá ya/Abuuse 20:7

Deelór Jumapiíliro ana burumburiitaán as muruú /aymár Aako kuwa /ayaan. Paulo axweesantá Mungú gari alki/iít, iri kumiít axweesanto ay qoomár dakiing. Asma looár tlawa i tleemuú slaa'.

Tlehhema'aá ya/Abuuse 3:1

Looarka wake Petro nee Yohane tana tsa/án amór Doó Mungú qoomár looár gwaleél siiwadár saaliingw.

Tlehhema'aá ya/Abuuse 5:21

Inooín axweesanaywí axaasaro kuwa hhe'eés, tari tláy matlaatlér boo/e, tari baraá Doó Mungú wa intsaahhatimís. Kaahamusmoó úr oo Mungú niri hardáh dinkwa nee mukós. Múk doó kwasleema nee bariise sleémeero nee múk Israeliwo, kuri burumbuúr, muu kuri ya/aáw baraá doó tseegamo as mukdá' kunguwa huwi.

Tlehhema'aá ya/Abuuse 5:42

Nee umuúqo daqto baraá Doó Munguhe, nee dír maray'ine, axweesantá Mungú kaa mayká intsaahhatimisuwo, nee alki/ituú Ya/abtór hho' ar Yesu adór inós tar Kristo.

Rumi 12:8

Nee heé aleesleemuú gurbu'uungw gu koóm, muu ngu gurbu'un. Heé muruuwós hanmiís, ngu hanmiisi ar muunuú /awaák. Heé múk hatlá' sageesihhimiít, muu ngu sagesihhimiiti ar ilakaaharu. Heé gurtleemuú koóm, muu ngu gurtlatlay ar qwala/.

1 Korinto 10:16

Xooslmooduú tsuuqa, kudá' atén ta tsuuqumaan bur ar wahaamaán, gár i huwahuwi a dinku'uumár tseerér Kristowookáhe? Mukatmoodá' ta qasmiisaan bur /ayaán, gár i huwahuwi a dinku'uumár slaqwtá Kristowookáhe?

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 11:3

Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

Efeso 6:5

Kuungá' lawaále, daqaarerhúng tidá' ta sagadiyusa' iialooeemisaak, ar muunuú /awaák, ar dae nee daaraxaay, adoodá' geera Kristo kur sagadiyusa'.

DABE 12:12

Amoodae kuungá' an qwalala/á' dír geeraá AAKOÓ MUNGÚ, Munguúhúng wa aleeró. Kuungá' nee na/iihúng awa daaqaay nee awa dasuuwo, nee lawaalerhúng ar hhawaate nee ar /ameenaaro nee múk tlahhoo Laáwi, kudá' nee kuungá' alhootá'. Asma inooín dír i aaliya' ngi kon'aaká baraá tla/angwhunge.

DABE 12:7

Amoodae kuungá' an /ayiindá' dír geeraá AAKOÓ MUNGÚ, Munguúhúng wa ale, tari qwalala/á', kuungá' dinkwa nee múk marayhunge, as diihhooadá' AAKOÓ MUNGÚ, Munguúhúng, nura tsuúq.

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

Kolosai 3:22

Kuungá' lawaále, daqaarerhúng tidá' ta sagadiyusa', ilaiwawa/aak baraá mura' sleémeerowo. Kuungá' masók a adór lawaaleedár ilaá maaqumisaaká, tidá' ti tawó sla'atimis dír múk i alé. Ala masók an gadiyusá' ar muunuú /awaák, as adoodá' kuungá' Aako kuwa ilaiwawa/a'.