Tlehhema'aá ya/Abuuse 2:43 - Biblía Axweesantá Hhohho' ar Mungú 2004

⁴³ Umuúqo heewo dae guri eér, asma muruú xuawaslén oo yaariír nee layu kiri tleehhiít nee ya/abuuse.

Ya/abtór hho' 1977

⁴³ Umuúqo heewo dae guri eér, muruú xuawaslén oo yaariír nee layu kiri tleehhiít nee ya/abuuse.

Tlehhema'aá ya/Abuuse 2:43 Iomraidhean Croise

ESTA 8:17

Nee baraá ayko, nee umuúqo gixsaro, umuúqo dír hara'ayár waawutmo i hardati nee afoorose, múk Yahudi qwala/ gway sláy, nee tay baraá/ nee muruú /aymár úr kway /aáy. Tam múk hatlá' oo yaariír tiri ilaqaamiís nee múk Yahudi, asma múk Yahudi kuna da'ayuumiít.

YEREMIA 33:9

Gixsarí dir'eene tari gixsár qwal/uú huwahuuw nee ilaiwa/ame nee xirif dír geeraá xoordu sleémeero awa yaamuwo, kudá' kaangwí ngu axaasá' oo hhooeemaadá' naa dír múk Yerusalemúr i haniís. Inooín tari da'ayuut nee tari daaraax as kaangwí.»

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

Marko 16:17

Nee layuuká' ti koná' nee mukdá' gaa haratlintii': Neetlaame ka duxún ar umuueé', ta axwees ar tsifrír /aben,

Luka 7:16

Muu sleémeero iri da'ayuút, Mungú kuri xirfayeemiís ta kaahi, «Aarusmoó úr naa ayaarén wa ti'iít,» nee «Mungú naa mukós ba/amisár áy.»

Luka 8:37

Muu sleémeero kuduú yaamaá Gerásír daáhh, Yesu kuna firín iwa quutli, asma naa ló'wa da'ayuutiyé'. Yesu iri dáh baraá miringamo, iri tláy.

Yohana 14:12

Án a kah, kudá' aníng iga haratlintii', tlehhemi'iiká' án ni tlehhiit, inós sleeme gi tleehh, nee tam tlehhema'aá ak uren gi tleehh, asma aníng a tláw amór Baabá.

Tlehhema'aá ya/Abuuse 2:22

«Kuungá' múk Israeli, axweesanaywí iiárií qaasaak, Yesu, heé yaamaá Nasareti, Mungú nguna dirhúng i laqaqán ar loohír muruú xuawaslén, nee layu nee muruú waa/oo/amór koóm. Muruuwí Mungú guna tleéhh ar dákw Yesu tla/angwhúng wa ale, adoodá' kuungá' kar xua'.

Tlehhema'aá ya/Abuuse 4:33

Ya/abuuse kángw waasle/uú Yesu guri lamabu'uún ar /uuru, nee Mungú tsuuqaá yaariir giri haniís dír muu sleémeero.

Tlehhema'aá ya/Abuuse 5:5

Anania /aymi'iiká' ngiwa axaás, iri yaamií huú', iri gwaá'. Muu sleémeero oo adoodá' gaa axaamiis, daér yaariir guri eér.

Tlehhema'aá ya/Abuuse 9:34

Petro guri báy, «Enéa, Yesu Kristo kuúng u hungu/uus. Tláw, faltók amohhe'eeseek.» Qoomaadár kilae iri tláy.

Tlehhema'aá ya/Abuuse 9:40

Petro muu sleémeero guna tsee/ií duúx. Iri tumbarara'aát, iri firín. Iri amór tuuaárí warqáy iri oó', «Tabita, tlawáng.» Iri qaytsít, nee Petro nguwa aán iri tleér, iri iwít.