Tlehhema'aá ya/Abuuse 2:42 - Biblía Axweesantá Hhohho' ar Mungú 2004

⁴² Tari kumiít baraá intsaahhasár ya/abuusér wa ale, nee baraá dinkwár kríshaanáy, nee tam baraá muruú /aymár Aakoowo sleeme, nee baraá firooro.

Ya/abtór hho' 1977

⁴² Tari kumiít baraá intsaahhasár ya/abuusér wa ale, nee baraá dinkwár Kríshaanáy, nee tam baraá muruú /aymár Aakoowo sleeme, nee baraá firooro.

Tlehhema'aá ya/Abuuse 2:42 Iomraidhean Croise

Luka 24:30

Qoomár tawa dinkwár i iwiít dír muruú /ayma, mukatmo guri óh, iri sluufiís, guri parhhamiís, guri hanmiís dir'ín.

Luka 24:35

Kudá' tsár sleeme kangwdá' aa tleehharuut loohiro nguri kaahiyé', nee adór Aako kura tsaáhh, qoomár mukatmo nguwa parhhamiís.

Tlehhema'aá ya/Abuuse 1:14

Mukwí sleémeero ina hoót ar muunuú wák baraá firooro, dinkwa nee /ameena sleeme, nee Maria aayór Yesu, nee hha'aá Yesu.

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Tlehhema'aá ya/Abuuse 2:46

Umuúqo deelooro tari baraá Doó Mungú i dogiitiyé' ar muunuú wák. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák.

Tlehhema'aá ya/Abuuse 20:11

Aluuwo Paulo iri gáwtí kií/. Mikaáte gari parhhamiís. Iri /ayín. Iri malé kumiít dir'íní axweesanto ay matlaatle. Matlaatleero iri tláy.

Tlehhema'aá ya/Abuuse 20:7

Deelór Jumapiíliro ana burumburiitaán as muruú /aymár Aako kuwa /ayaan. Paulo axweesantá Mungú gari alki/iít, iri kumiít axweesanto ay qoomár dakiing. Asma looár tlawa i tleemuú slaa'.

Tlehhema'aá ya/Abuuse 4:23

Qoomár Petro nee Yohane kiwa gweér, tari tláy amór muk'ín, kángw muruudá' sleémeero kaa báy nee kaahamuusér uren ar Mungú nee bariiseero, kuri alki/iít.

Tlehhema'aá ya/Abuuse 4:31

Mungú firooro kuwa hhe'eés, didaádá' tay burumburiít iri daaraxát, sleémeero tari haáts Qeeruú hhoohhoó' oo Munguhe. Axweesantá Mungú kari alki/iít ar pihh'uuma.

Tlehhema'aá ya/Abuuse 6:4

Atén tari kumiitaán gadiyér firooro nee alki/ituú axweesantá Munguhe.»

Rumi 12:12

Kuungá' qwalaala/é' baraá haraxu'utír wa aleeró, qiitlé' baraá slahh'amaayerhunge, kumiité' baraá firooro.

1 Korinto 10:21

I ya/aandaaká kuungá' xooslmoó Aako kuwa ar wahaanda', nee xooslmoó neetlaame sleeme kuri malé ar wahaandá'. I ya/aandaaká kuungá' tawa dinku'uumisa' dír meésár Aakoowo, nee tari malé dinku'uumisá' dír meésár neetlaame sleeme.

1 Korinto 11:2

Aníng kuungá' nu xirfayeemiís as adoodá' kuungá' aníng iwa inslasleeré' baraá umuúqo gaaro, nee muruudá' sleémeero aníng naa dirhúngií intsaahhatimís ugwa eehadé'.

1 Korinto 14:6

Ala daxta, hhaee'eé', aníng barnaxes naa amorhúng i hardáh, niri axweés ar tsifrír xuawasl, gár kuungá' ta sleera' dir'eene a milá? Gár kuungá' ta sleera' i káhh, aníng barnaxes naa dirhúngií axweesiika ar geehhooeemaá, laqaá axweesantá xu'uti, laqaá aari, laqaá intsaahhatimis.

Galatia 1:6

Aníng a ló'wa waa/oo/amiím as kuungá'. Asma kuungá' Mungú ugwa geexeeré' ar gaanslaay, kudá' kuungá' naa ateet as gurtleemuú Kristo, nee kuungá' ya/abtór hho' ar hatlá' kari i warqeeré'.

Efeso 2:20

Kuungá' tunduna tleéhh gawaá iihhafiiridá' taa qaás nee ya/abuuse nee aaruuse, nee Kristo Yesu inósuú kilá' an tlaa/adá' ur ar do' ir gawduy.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

Filipi 1:5

Asma kuungá' aga dinku'uusé' nee aníng Ya/abtór hho' alki/ituuwo iimír bál geera nee tam ay laarí sleeme.

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

Kolosai 4:2

Kumiité' ló' wa ale baraá firooro, nee ta dal'a' baraá firooro nee baraá sluufaaywo.

2 Timoteo 3:14

Ala kuúng looeemaadá' tuwa intsaahhatimís na ló'wa haratlintieek, asma kuúng a xú' heé kuúng uga intsaahhatimis a heemá.

Ebrania 10:25

Slám atén dinku'uumarén mawa mamaawaán, adoodá' muu bahh'alé i tlehhahhiti, ala masók tin kilootén harakeemisaán, ak alé as deeloodá' kawa tsahha' adór nira naká/.

Ebrania 10:39

Atén a kahhaán baraá tla/ángw mukdá' alií kikii/a, tari qwaaraán. Ala atén dír tay diriiaan a baraá tla/ángw mukdá' haratlintaaór koóm, tari ba/amán.

1 Yohana 1:3

Tidá' taa araán nee taa axaasaán ngin dirhúngií alki/iitaán, asma kuungá' niwa haragwa'a' dír dinku'uumarén, tidár dinkwa nee Baabá, nee Garmaawós Yesu Kristo.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.

1 Yohana 2:19

Mukwí ina dirén wa tláy, ala asma inooín awa bartareneká. Inooín geera bar awa bartarén, geeraawo nee atén aga alhootaán. Ala tana tláy as kiwa tsaahha hhe'eesaan adór tar awa bartareneká.

Yuda 1:20

Ala kuungá' sla'aaruuser'eé', ti kwa/ase' baraá haratlintaaorhúng tidá' ló'wa hhoohhooe, nee firiirimé' ar baraá /uuruú Qeeruú hhoohhoó' oo Mungú.