Tlehhema'aá ya/Abuuse 2:4 - Biblía Axweesantá Hhohho' ar Mungú 2004

⁴ Sleémeero kiri hatsiís Qeeruú hhoohhoó' oo Munguhe. Tari axweés ar tsifrír dimbadimbé, adoodá' Qeeru ngira aleesleemuú i haniís ilawatsto.

Ya/abtór hho' 1977

⁴ Sleémeero kiri hatsiís Qeeruú hhoohhooe. Tari axweés ar tsifrír dimbadimbé, adoodá' Qeeru ngira aleesleemuú i haniís ilawatsto.

Tlehhema'aá ya/Abuuse 2:4 Iomraidhean Croise

2 SAMUELI 23:2

«Qeeruú AAKOÓ MUNGÚ i axwees ar loohír aníng, axweesantós ngina qaás baraá afkueé'.

ISAYA 28:11

Gimsé' daxta, AAKOÓ MUNGÚ i axwees dír mukwí, ar axweesantá tsifir hatlo, in axwees ar tsifrír múk dahaaye.

ISAYA 59:21

AAKOÓ MUNGÚ i kaahi, «Aníng alqado a tlehhiít nee kuungá'. Qeeruueé' kuduú gawaahúng nee axweesante'eé' tidá' naa qaás gawaá aferhúng, miwa qútl baraá aferhunge, laqaá baraá afér na/iihunge, laqaá baraá afér na/aá na/iihunge, iimír hamí tam ay alhhe'eesay wasle.»

YEREMIA 6:11

Gawaá adoorihe buhhtaá AAKOÓ MUNGÚ baraeene naa hatsiyé' as inooín. Aníng ilaa/aro taa harslaaqaát.» AAKOÓ MUNGÚ iri báy, «Buhhta ku'uuseek gawaá na/iidaá baraá loohi, nee sleeme dír daqtá masoomba sleémeero, hhawaate nee /ameenaaro ki ar tláy, tam bariise nee bariisér aa diimadiindi.

ESEKIELI 3:11

Daqaní ta tleér amór mukók kudá' taa loohatís nee ki beer, ‹Aakoó MUNGÚ gár i kaahi a tí.› Tam ngi axaasiyá' laqaá tam ngi axaasiaakahe, kuúng kángw baweek.»

MIKA 3:8

Ala aníng a haáts /uuru nee aleesleemuwo, a haáts Qeeruú AAKOÓ MUNGUHE, a haáts sakwasleemár ganaa'a nee pihhaywo, as múk Yakobo nguwa dakuúsarínií oo', nee múk Israeli nguwa tlakweemaínií oo'.

Matayo 10:19

Ala qoomár barnaxes kuungá' tundu huwahuuw, gár ta oa' ma leelehhitara', asma qoomaadae gár ta oa' kingi haniis.

Marko 16:17

Nee layuuká' ti koná' nee mukdá' gaa haratlintii': Neetlaame ka duxún ar umuueé', ta axwees ar tsifrír /aben,

Luka 1:15

Asma uraay gu sláy dír Aakoowo. Difaái ga baloó wahiiká laqaá umuúqo gár ooniitimisa. Inós ku hatsiis Qeeruú hhoohhoó' oo Munguhe iimír iwa baraá guruú aayoórí kahhi.

Luka 1:41

Elisabeti laawoó Maria nguwa axás, na/oó niiná iri neét baraá guruuwós wa ale, Elisabeti kari hatsiís Qeeruú hhoohhoó' oo Munguhe.

Luka 1:67

Sakaria, baabuú Yohane kuri hatsiís Qeeruú hhoohhoó' oo Munguhe, iri aarín i kaahi,

Luka 12:12

Asma siiwadae Qeeruú hhoohhoó' oo Mungú kuungá' nu intsaahhatis tidá' hariim ooaro.»

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Luka 4:1

Yesu Qeeruú hhoohhoó' oo Munguhe i haats nay Yordanír wa kií/. Kuri huúw nee Qeeruú hhoohhoó' oo Mungú baraá darma deelo mibeeri tsiyáhh,

Yohana 14:26

Ala alee/isusmoodá', ta bay Qeeruú hhoohhoó' oo Mungú, kudá' Baabá ni ya/aawi ar umuueé', kuungá' nun intsaahhatimis baraá umuúqo gaaro, slám tidá' sleémeero án naa kuungá' bawi nuri inslawtimis.

Yohana 20:22

Aluuwo tí ooaro ngiwa hhe'eés, giri i hiínsl, giri báy, «Qeeruú hhoohhoó' oo Mungú ilaoohaak.

Tlehhema'aá ya/Abuuse 1:5

Asma Yohane ina baatimiís ar ma'aay, ala kuungá' tundu baatimiis ar Qeeruú hhoohhoó' oo Mungú alaá deeloorí niina aa meti.»

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 10:46

Asma tawa axweesi ar tsifrír xuawaslen nee Mungú kuwa diidi'iimisi kina axamiís. Petro iri oó',

Tlehhema'aá ya/Abuuse 10:47

«Heé ma'aay gi /itiím a heemá ar mukwí kus baatisiiká. Asma mukwí Qeeruú hhoohhoó' oo Mungú gwa ilaaóh adór atén wa ale.»

Tlehhema'aá ya/Abuuse 11:15

Aníng axweesani ngiwa adoorí wa iimu/uúm, Qeeruú hhoohhoó' oo Mungú ina gawaaín i aweér, adoodá' iimu/uungo nira gawaarén i aweér.

Tlehhema'aá ya/Abuuse 11:24

Asma Barnaba a heé hhoó', nee i haats Qeeruú hhoohhoó' oo Munguhe nee haratlintaaooro. Múk yaariír Aako guri haratlintií'.

Tlehhema'aá ya/Abuuse 13:52

Nee eeharuuseedár baraá Antiokia iri háts qwal/uwo nee Qeeruú hhoohhoó' oo Munguhe.

Tlehhema'aá ya/Abuuse 13:9

Ala Saulo, kudá' ta bay Paulo, i haats Qeeruú hhoohhoó' oo Munguhe, ila' giri duxún amór Elima,

Tlehhema'aá ya/Abuuse 15:8

Mungú munér muu ga xuu'. Nee inós Qeeruú hhoohhoó' guna dir'íní haniís adoodá' ngura dirén i haniís sleeme. Gawaá adoorihe gan laqaqán adór mukdá' ngura ya/án.

Tlehhema'aá ya/Abuuse 19:6

Qoomár Paulo dabaawós ngiwa gawaaíní qaás Qeeruú hhoohhoó' oo Mungú giri i aweér. Tari axweés ar tsifrír xuawaslen, nee ya/abtór amór Mungú daahh kari axweés.

Tlehhema'aá ya/Abuuse 2:11

múk Yahudi, nee múk hatlá' oo diínír Yahudi gaa eehar, múk Krete nee múk yaamaá Ma/arabu. Adoorí a adoomá kiwa axamiisaan tlehhma'aá waa/oo/amo awa Mungú kiwa axweesi ar tsifrirén.»

Tlehhema'aá ya/Abuuse 2:3

Tsángw asla niri ti'iít, tiri partliít, iri dír umuúqo heéwí iwiwiít, oo dir'ín tidá' i dirií'.

Tlehhema'aá ya/Abuuse 4:31

Mungú firooro kuwa hhe'eés, didaádá' tay burumburiít iri daaraxát, sleémeero tari haáts Qeeruú hhoohhoó' oo Munguhe. Axweesantá Mungú kari alki/iít ar pihh'uuma.

Tlehhema'aá ya/Abuuse 4:8

Petro i haats Qeeruú hhoohhoó' oo Munguhe, iri oó', «Kuungaásingaá geeraharuusér muu nee bariise,

Tlehhema'aá ya/Abuuse 6:3

Hhaeerén gimsé', múk faanqw tsawaaraak tla/angwhunge, oo ta hhooár i xua', nee oo taa hatsiís Qeeruú hhoohhoó' oo Munguhe nee sagalooa, as kiwa qaasaan baraá gadiyeérí.

Tlehhema'aá ya/Abuuse 6:5

Boo/aydá' sleémeero /aymuuwí kuri ya/án. Stefano kuri tsawaár, heé haratlintaaór wa haáts nee Qeeruú hhoohhoó' oo Munguhe, nee Filipo, nee Prokoro, nee Nikanori, nee Timoni, nee Parmena, nee Nikolao, kudá' aa ba/an oo yaamaá Antiokia.

Tlehhema'aá ya/Abuuse 6:8

Stefano i haats /uuruú Munguhe nee aleesleemuuwo, muruú waa/oo/amo guna tlehhiít, nee laydaá uren baraá tla/ángw muko.

Tlehhema'aá ya/Abuuse 7:55

Ala Stefano i haats Qeeruú hhoohhoó' oo Munguhe, ilaawós giri kiririhhín gawaá doori, xirfuú Mungú guri ár, nee Yesu aa sihhiít bihhaá dákw doó /iyáy oo Mungú.

Tlehhema'aá ya/Abuuse 8:17

Petro nee Yohane daber'ín kari qaás gawaaín i alé, nee Qeeruú hhoohhoó' oo Mungú kuri ilaaóh.

Tlehhema'aá ya/Abuuse 9:17

Anania iri tláy, iri baraá do'dí dáh. Saulo guri dabií qaás, iri oó', «Hhiyaaeé' Saúlo, Aako Yesu, kudá' taa dirógí geehhooees baraá loohidá' nira hardati aníng iga ya/aáw, as ilaawók niwa male qaytsitiya', nee tuwa hatsisi Qeeruú hhoohhoó' oo Munguhe.»

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeero nee waydawo ar loohír haratlintaao, as haraxu'utirhúng iwa ló'wa doogiin ar baraá /uuruú Qeeruú hhoohhoó' oo Mungú.

1 Korinto 12:10

Nee oo hatlá' aleesleemu gun sláy oo muruú waa/oo/amo nguwa tlehhiiti. Kooko aleesleemu gun sláy oo iwa aariirin. Oo hatlá' aleesleemu gun sláy oo qeeruú dimbadimbé nguwa tsatsahhan. Nee kooko aleesleemu gun sláy oo iwa axweesi ar tsifrír dimbadimbé ar xuawaslen, nee oo hatlá' aleesleemu gun sláy oo tsifridá' ngiwa ilaharmiisi.

1 Korinto 13:1

Aníng tam a axweesa ar tsifrír muu nee ar malayke, barnaxes sla'aari a koomaaká, aníng a adór muqslír ta muxi, ar gongheeliim, laqaá adór mitingartá tawó tsingilieeliim.

1 Korinto 13:8

Sla'aari alhhe'eesaywós i kaahh. Aleesleemuú Qeeru i deer oo hee iwa aariirin, aleesleemuuwí i waaraahh. Slám tsifrír xuawaslen i deer, ala i alhhe'eesoó koón. Nee xu'uti i deer, ala i waaráhh sleeme.

1 Korinto 14:18

Aníng Mungú u sluufmiís, asma aníng a ló'wa axweemaamiís ar tsifrír xuawaslen ta kuungá' sleémeerowo.

1 Korinto 14:5

Aníng gár ni slaa' masók kuungá' sleémeero an axwesá' ar tsifrír xuawaslen, ala a ak slaá' kuungá' tawa aaririinda'. Asma heé aaririím ku ak úr ta kudá' axweesa ar tsifrír xuawasl, aqo har heedaádá' tsifrír xuawasl ga ar axweés barnaxes tsifriidá' ngaa ilaharmiís, as kahhó' kríshaanáy kuwa kwa/amisi.

Efeso 3:19

Nee slám kawa tsahha' sla'aarirós tidá' xu'uti sleémeero ga baa/ as kawa yaariír. Gawaá adoorihe Mungú inósuú kilá' kuungá' nu ló'wa hatsiisi munguiimarose.

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

1 Petro 1:12

Kaangwí kuri dir'ín i gwa/atís adór inooín kaangwí gár kus kaahi tar inooineeká, ala as kuungá'. Nee hám daxta kaangwí kunga oó' dirhunge nee mukdá' Ya/abtór hho' ngaa dirhúngií alki/iit ar loohír Qeeruú hhoohhoó' oo Mungú, kudá' tinda ya/aáw gawaá doorí wa ale. Muruuwí tam malayke sleeme gun ilatleerús nguwa artá wa sla'.

2 Petro 1:21

Asma axweesantá aaru'uuma kinga baloó huwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' oo Mungú baraá muner'ine.

1 SAMUELI 1:14

Eli gari báy, «Kár kiíng ta xufimaamit ay xaylá? Xuftaarók tisíng maweek.»

1 SAMUELI 10:10

Naagáy tawa hardáh Gibea, qaytsiít inós nee daqtá aaruuse tina doogiyé', naxés Qeeruú Mungú guri hatsiisa hhe'eés, inós iri aariirín baraá tla/ángw aaruuseedá' wa ale.