Tlehhema'aá ya/Abuuse 2:39 - Biblía Axweesantá Hhohho' ar Mungú 2004

³⁹ Asma al'axweesantí a toohúng, nee ar na/iihúng, nee ar muu sleémeero oo sawén, kudá' sleémeero Aakoó Munguúrén i ateeti as nguwa i hardihiya'.»

Ya/abtór hho' 1977

³⁹ Asma al'axweesantí a toohúng, nee ar na/'iihúng, nee ar muu sleémeero oo sawén, nee tam mukdá' oo taa ateeti nee Aakoó Mungú as ngu i hardahi.”

Tlehhema'aá ya/Abuuse 2:39 Iomraidhean Croise

ISAYA 44:3

Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ISAYA 54:13

Na/iiwók sleémeero ki intsaahhatis nee AAKOÓ MUNGÚ. Diihhooár na/iiwók iri tláhh.

ISAYA 57:19

AAKOÓ MUNGÚ i kaahi, «Wayda, wayda dír kudá' sawen nee awa tsewene. Aníng inooín i hungu/uús.

ISAYA 59:19

AAKOÓ MUNGÚ kuri ilaiwawaa/ bihhaá /uwawo, bihhaá da/awe xirfuuwós kuri tsaahh. Asma inós ni hardah adór yaaér hi'iit ar gaanslaay. Yaaér taa dúk nee fur'ár AAKOÓ MUNGÚ.

ISAYA 59:20

Inós ni Siyonírií hardah adór gweerusmo. A gweerusmoó xwaylár Yakobo tidá' tlakweema gaa meer, AAKOÓ MUNGÚ i kaahi.

ISAYA 65:23

Inooín gadiyér tawo ngi tleehhiiaaká, laqaá na/aá qatlá' ngi laqwlina'aaká. Asma inooín an xwaylár taa tsuúq nee AAKOÓ MUNGÚ. Inooín nee xwaylar'ine kaa tsuúq.

ESEKIELI 37:25

Inooín tari hoot baraá yaamaá baabi'ii'ín kudá' naa haniís dír Yakobo. Inooín nee na/ii'ine nee na/aá nangw'ine, tari baraaká' wa hoot ay alhhe'eesay wasle, Daudi sagadiyusmooeé' giri sawaawuti'ín daqisleeme.

Yoeli 2:28

«Daqaní alaá tihe aníng muu sleémeero u hatsiís ar Qeeruueé'. Daaqayhúng nee dasuuwo tari aarirín. Bariiserhúng iri tlatiitiín, nee masoombarhúng iigu'utu guri aán.

Yoeli 2:32

Nee umuúqo heé umuú AAKOÓ MUNGÚ gwaa ateet, ku ba/amis. Asma gawaá tloomár Siyoniro nee baraá Yerusalemuwo múk ba/ám i deer. Nee baraá kuká' naa meetiye', awa AAKOÓ MUNGÚ i ateetin i dayá', adoodá' AAKOÓ MUNGÚ ngira oó'.»

Tlehhema'aá ya/Abuuse 10:45

Ala múk Yahudi kudá' aa haratlintii', kudá' nee Petro naa al daqaye', tari waa/oó/, asma Mungú múk xoordaá hatlá' sleeme gwa tawó qáy Qeeruú hhoohhoó' oo Munguhe.

Tlehhema'aá ya/Abuuse 14:27

Qoomár tawa hardáh Antiokia, múk kríshaanáy kuri dinkwárí ateét, muruudá' sleémeero Mungú aa tleéhh ar inooín, kuri dir'íní alki/iít. Kiri ádbáy adór Mungú pa/aangw ngura haniís as múk xoordaá hatlá' sleeme iwa haratlintii'i.

Tlehhema'aá ya/Abuuse 15:14

Simeon ngaa alki/iít dirén i alé adór Mungú iimír iimu/uungo múk xoordu ngura sa daawimiít, as mukko nguwa tsawaár baraá tla/angw'ine as tawa mukós.

Tlehhema'aá ya/Abuuse 15:3

Mukwí kuri haydohiís nee múk kríshaanáy. Tari waaraáhh ar tla/ángw yaamaá Foinike nee Samaria, kángw múk xoordaá hatlá' adór ira hhu'u'ún kuri alki/iít, hhae sleémeero niri ló'wa qwalaa/iyé'.

Tlehhema'aá ya/Abuuse 15:8

Mungú munér muu ga xuu'. Nee inós Qeeruú hhoohhoó' guna dir'íní haniís adoodá' ngura dirén i haniís sleeme. Gawaá adoorihe gan laqaqán adór mukdá' ngura ya/án.

Rumi 11:29

Asma Mungú gurtleemuú aa haniís gu alki/iiká, nee slám hee bar ngwa tsawaár, gu si'iiká aluuwo.

Rumi 8:30

Nee kudá' iimír aange aa qaroó tsawaár, giri ateét, nee kudá' aa qaroó ateét, giri gan'amuú i harafaár. Nee kudá' aa gan'amuú i harafaár, giri xirfayeés.

Rumi 9:24

Tam atén sleeme tina ateét tawa xooslár adór tí. Ala múk taa ateét a har múk Yahudi kiloseeká, a múk xoordaá hatlá' sleeme.

Rumi 9:4

Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe.

1 Korinto 7:14

Asma hhawaatuuduú krishaanmowooká, ku hhoohhooees ar loohír hareerós. Nee hareedár krishaanto'oorooká ka hhoohhooees ar loohír hhawaatuuwós. Asma geera bar adooriheeká, na/iihúng geera ki hhohhoeká. Ala hám ki hhohho'.

Efeso 1:18

Aníng a firiiriím inós ilaahúng awa qeeru ngiwa gweeri, as harahhifór ateetmorhúng kawa tsahha', nee daqaari'iimár xirif ar aalirós adór i diri' baraá múk taa hhoohhooeesi.

Efeso 2:12

Slám inslawaak qoomaadae kuungá' tunda paraátl dír Kristowo. Asma kuungá' a múk Israeliwooká. Nee baraá alqadoodár Munguhe kuungá' a kahhá', tam baraá al'axweesantadá' taa haragaasi nee alqadoodae. Kuungá' tawa hoté', a harahhifór koonda'aaká, slám Mungú u koonda'aaká baraá slafingwhúng oo baraakaá yaamuwo.

Efeso 4:4

Slaqwa a wak, tam Qeeru a wak, adoodá' kuungá' tundura ateét nee Mungú, as harahhifór wák kawa sleera'.

DABE 29:15

ala aqo as daanduú kudá' ta sangw laqwaali sleeme.

2 Tesalonike 1:11

Gawaá adoorihe gaarí an gár atén kuungá' nus aleefiriirimaan umuúqo deelooro, as kahhó' Mungú kuungá' nuwa harafaari tawa hariinda' ateetamoorose. Atén Mungú un firiirimaán as kahhó' inós ar /uuruuwose hhooeemaadá' ta sla'a' tleehhamooro ngiwa boo/eesi baraá munerhunge. Nee slám gadiyérhúng tidá' sleémeero ar haratlintaao ngiwa boo/eesi.

2 Timoteo 1:9

Inós atén tina ba/amís, tiri ateét ar ateetamór hhohho'. Adoorí gana tleéhh, ala as tleehhemi'iireneeká, ala gana tleéhh as adoodá' inós aa slaá', nee as gurtleemuuwós. Gurtleemuuwós kwí nguna haniís ar baraá Kristo Yesu iimír qoomaadá' gár taa iimu/ún iwa kahh.

Ebrania 3:1

Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an kaahamusmoó úr oo Mungú oo haratlintaaoodá' ta lamabu'uumaan.

Ebrania 9:15

Asma aáng Mungú al'axweesani gana dír mukií haniís ar aalír alhhe'eesay wasl kawa slay. Ala muu Mungú guna sadakuús qoomár alqadoodár geeraawo. Kristo iri gwaá' as muu nguwa gweeri baraá tlehhemi'ii'ín kudae. Gawaá adoorihe Kristo an haraki/isusmoó alqadór /aben, as mukdá' taa ateét nee Mungú al'axweesantadá' Mungú aa oó' kawa slay.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

2 Petro 1:10

Gawaá adoorihe, hháe, ilakaaharu ló'wa tleehhaak as ateetamorhúng kawa gawdesa', nee tsawdorhúng. Ala kuungá' bar aga hoté' ar adoorí, kuungá' daqaní gár dirhunge dukutsmo tleehhiit i káhh.

2 Petro 1:3

Mungú atén tina ateét ar xirfuuwós nee /uuruuwós. Inós atén nguri xuaán. Aluuwo inós mura' sleémeero nguri atén i haniís ar /uuruuwós kuduú munguiima, muruudá' sleémeero atén ta sla'aan as tawa hootaan ar slafíngw Mungú kuwa ilaiwawa/aan.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 19:9

Inós aníng iri báy, «/Aymi'iiká' gooiimeek, ‹Múk amohhó' a kudá' taa dahi'ís baraá duuxór Deelmoó bee/i.› » Iri malé báy, «Axweesanaywí a axweesanoó ló' oo Mungú.»