Tlehhema'aá ya/Abuuse 2:30 - Biblía Axweesantá Hhohho' ar Mungú 2004

³⁰ Slám inós a aarusmo, nee lo'oodá' Mungú aa /aáy inós ga xuu', tidá' kah, ‹Baraá xwaylaroge heé wák u waawutmoó wa qaás.›

Ya/abtór hho' 1977

³⁰ Slám inós a aarusmo, nee al'axweesantá Mungú aa dirós i haniís ga xuu', tidá' kah: Baraá xwaylaroge waawutmoó wák u qaás.

Tlehhema'aá ya/Abuuse 2:30 Iomraidhean Croise

2 SAMUELI 23:2

«Qeeruú AAKOÓ MUNGÚ i axwees ar loohír aníng, axweesantós ngina qaás baraá afkueé'.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

YEREMIA 30:9

Aqo AAKOÓ MUNGÚ, Munguúín ngun sagadiyuusiyá', nee waawutmoó tlahhoó Daudi kudá' ni tsawaar ngun sagadiyuusiyá'.»

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

Matayo 22:43

Giri yaahaás, «Ala Daudi musungwa Aakoowós ar ateetín, ar baraá aleesleemuú Qeeru, iwa kaahi,

Matayo 27:35

Kikiiaro kuwa hhe'eés, inqwaruuwós kuri qasmiís ar loohír tsawdo.

Marko 12:36

Daudi inósuú kilá' ar aleesleemuú Qeeruú hhoohhoó' oo Munguhe ina oó', ‹Mungú Aakooeé' guna báy. Iwiít bihhaaeé' awa doó /iyáy tam ay dír wakuuseerók ngi baraá dabaawók i qaás.›

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Tlehhema'aá ya/Abuuse 1:16

«Hháe, Gooi gár kawa hariím aqo in bó/, tidá' Qeeruú hhoohhoó' oo Mungú aáng ira axweés ar afkú Daudi, daanduú Yudawo. Inós an kudá' múk Yésú oohár áw gwa geerahaar.

Rumi 1:3

Ya/abtoorí a kángw Garmaawós, Aakoorén Yesu Kristo. Inós an hee, nee tlahhaywós oo baraakaá yaamu a tlahhoó Daudi.

Rumi 15:12

Nee slám aarusmo Isaya i kaahi, «Harma/i ni baraá tlahhoó Yesé dáhh. As xoordu sleémeero ngiwa sawaawuti'ii'in. Inós an kudá' xoordu i haraxuiya'.»

2 Timoteo 2:8

Yesu Kristo na inslaweek. Inós a heé tlahhoó Daudi, nina waasleé/ baraá múk aa qaátl wa ale. Gaarí a Ya/abtór hho' ar aníng ni alki/aa/iit.

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

Ebrania 3:7

Gawaá adoorihe Qeeruú hhoohhoó' oo Mungú i kaahi, «Laarí bar afór Mungú aga axasé',

Ebrania 4:7

Gawaá adoorihe Mungú deelór hatlá' gari qaás, deeloodá' gari báy «Laarí». Kaanguú deeloorí guna alki/iít ar afkú Daudi alaá kureeraá yaariir niwa waarahhiyé'. Kaangwí kwa gooín baraá gooirí taa qaroó ooaán tí kah, «Laarí bar afór Mungú aga axasé', munerhúng ma gawdeesara'.»

Ebrania 6:17

Gawaá adoorihe Mungú sleeme lo'o gana /aáy qoomár al'axweesantós ngiwa gawdeesár wa slaá' dír mukdá' al'axweesnatadá' ga aál, adór inós ir baloó warqayká baraá tidá' aa al'axweesi.

Ebrania 7:21

Ala Yesu kuna kaahamusmoó wa qaás ar lo'o. Asma Mungú guna adoorí báy, «Aako lo'o gana /aáy, slám ga baloó amohhu'unká, ‹Kuúng a kaahamusmo ay alhhe'eesay wasle.› »

2 Petro 1:21

Asma axweesantá aaru'uuma kinga baloó huwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' oo Mungú baraá muner'ine.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 19:16

Nee inós baraá inqwaarirose nee gawaá kutl/umoowose kwaa umií gooín tawa kaahi, «Waawutmoó waawitá nee Aakoó bariise.»