Tlehhema'aá ya/Abuuse 2:24 - Biblía Axweesantá Hhohho' ar Mungú 2004

²⁴ Ala Mungú guri gweér baraá slahha'amaayér gwa'araaro, guri waasle/atís, asma gwa'ara ar /uuruuwose gwa aleesleeriiká ilaa/aro.

Ya/abtór hho' 1977

²⁴ Ala Mungú guri gweér baraá slahha'amaayér gwa'aaraaro, guri waasle/atís, asma gwa'ara gwa aleesleeriiká ooharo.

Tlehhema'aá ya/Abuuse 2:24 Iomraidhean Croise

WARA'AMI 116:16

AAKOÓ MUNGÚ, aníng a lawaalmoowók, án kuúng iga gwét baraá tseegmooro.

ISAYA 10:7

Ala adoorí a adór aa kilós slaiiká, nee sleeme a adór muunaáwose i aldakutiiká, as baraá muunaáwose gár aa káh a hhita nee xooro amór saáwí diyaa/a, ala sleeme a xoorór niinaweeká.

ISAYA 25:8

Aakoó MUNGÚ gwa'ara gan hingees ay kureeraá kureér. Inós hhirhheeri gin fiits gawaá ilaá muu sleémeerowo, nee mureekeesoó mukós gun hingees baraá yaamu sleémeerowo. Asma AAKOÓ MUNGÚ adoorí gaa oó'.

ISAYA 26:19

Mukók kudá' aa qaatl i waaslee/, slaqooín i waslee/iyá', kuungásingá' baraá yaamaá hootá' tlawaaré' daaé' ar qwala/, asma Mungú hara'uuwós oo slafiingw ngu paahhaas, nee gi'i múk baraaíní diriiá' ngu duuxiyá'.

ISAYA 53:10

Tam adoorihe AAKOÓ MUNGÚ guna slaá' nguwa slahh'eemisi, guri gurhaamír ar áy. As hhiintluuwós nguwa duúx tawa ilahhooár tlakweés hingeesa, xwaylarós ga ar adór kar hota tleér. Inós an kudá' sla'aarír AAKOÓ MUNGÚ ga boo/eés.

HOSEA 13:14

Aníng i ba/amís baraá /uuruú gi'iiwo. Aníng nu wangeexwaár dír gwa'araro. Aá gwa'ára, tsu/utaarók gaálaay? Aá gí'i, hhitarhúng gaálaay? Gurtleemu u sangw koomaaká.

Matayo 27:63

tari oó', «Aáko, aga inslawaán adór heedaáduú al/aymusmo qoomár iwa slafi ira oó', ‹Deelo tám bira waaráhh án ni waasleé/.›

Yohana 10:18

Heé slafingw'eé' gu hingeés i kaahh. Ala a anuú kilá' un haniís. Aníng aleesleemu u koóm oo slafingw'eé' nguwa haniis. Nee slám aleesleemu u koóm oo nguwa malé slaw. Adoorí an adoodá' Baabuúeé' naa hara'ayín tlehhmuuwo.»

Yohana 10:35

Atén a xuaán adór Gooi ir warqeeraaká baloó alé. Gawaá adoorihe, Mungú mukdá' aa axweesantós i haniís guna báy, ‹Kuungá' a mungui.›

Yohana 12:39

Gawaá adoorihe ngwa haratlinti'iiká, asma aarusmo Isaya ina malé oó',

Yohana 20:9

Asma inooín tidá' Gooi i kat kaa tsaahhiiká, tidá' kah, inós gár kuwa hariím aqo in waaslee/.

Tlehhema'aá ya/Abuuse 1:16

«Hháe, Gooi gár kawa hariím aqo in bó/, tidá' Qeeruú hhoohhoó' oo Mungú aáng ira axweés ar afkú Daudi, daanduú Yudawo. Inós an kudá' múk Yésú oohár áw gwa geerahaar.

Tlehhema'aá ya/Abuuse 13:30

Ala Mungú guri waasle/atís baraá múk aa qaátl wa aleeró.

Tlehhema'aá ya/Abuuse 13:37

Ala kwí Mungú aa waasle/atís aa hhitiruutiiká.

Tlehhema'aá ya/Abuuse 17:31

Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoatís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.»

Tlehhema'aá ya/Abuuse 2:32

Yésuuwí kuna waasle/atís nee Mungú, nee atén sleémeero a lamabu'uusér waasle/uuwós.

Tlehhema'aá ya/Abuuse 3:15

Kudá' úr oo slafiingw kuri gasé', ala Mungú guri waasle/atís baraá múk aa qaátl wa ale, nee atén a lamabu'uusér waasle/uuwí.

Tlehhema'aá ya/Abuuse 3:26

Qoomár Mungú sagadiyusmoowós kwí nguwa hhe'eés waasle/atisaro, nguri amorhúngí geerií ya/aáw, as umuúqo heewo tlakweema ngiwa may as tsuuqaawós.»

Tlehhema'aá ya/Abuuse 4:10

Ala dír kuungá' sleémeero i xu'utit nee dír múk Israeliwo adór heewí dír geerahúng wa sihhmiít ar slaqwa hhooa gár ira hunguú/ tar umuú Yesu Kristo oo Nasareti, kudá' kuungá' taa kikié', nee Mungú guri baraá gi'ií wa waasle/atís.

Tlehhema'aá ya/Abuuse 5:30

Munguú baabi'iirén Yesu guna waaslee/atís, kudá' kuungá' taa gasé' ar loohír kikiár gawaá msalaába.

Rumi 10:9

Asma kuúng Yesu bura ya/aán ar afkók, adór inós tar Aako, nee bara haratlintí' ar muunaáwók adór inós Mungú ngura waasle/atís baraá múk aa qaátl wa ale, daqaní kuúng a ba/aán.

Rumi 14:9

Gaarí an gár Kristo isa gwaá' nee iri waasleé/, as tawa Aakoó múk aa qaatl, nee oo kudá' slaáf sleeme.

Rumi 4:24

ala kuna gooín as atén sleeme. Asma tam atén sleeme ti gan'amuú i harafaar as haratlintaao, asma atén Mungú un haratlintaatiaán, kudá' Yesu, Aakoorén, ngwa waasle/atis baraá múk aa qaátl wa ale.

Rumi 6:4

Atén tina baatimiís as tiwa haragaasi nee Kristo, nee gwa'araarós kawa dinku'uusaan. Ala ar loohír baatiísmoorene atén tina al foól nee inós, gwa'arár inós ira gwaá' an toorén, as atén tawa hootaán ar slafíngw /abén, adór Kristo kungura waaslee/atís baraá gwa'arár wa ale ar aleesleemuú Mungú nee xirfuuwós.

Rumi 8:11

Mungú Yesu guna waaslee/atís baraá múk aa qaátl wa ale ar Qeeruuwós. Nee Qeeruuwós bir baraahúng wa hoot, inós slaqoohúng sleeme, kudá' gwa'ara, gi waaslee/atis ar Qeeruudá' baraahúng wa hoót, ar adoodá' Kristo ngura waaslee/atís.

Rumi 8:34

Heé inooín gi sakwasleemuút a heemá? Yesu Kristo ina gwaá', nee slám a tí kiloseeká, inós nina waasleé/ baraá múk aa qaátl wa ale. Nee inós hamí i dákw /iyáy oo Mungú, i atén aleefiriirín.

1 Korinto 15:12

Ala bar kaangwí Kristo niwa waasleé/ baraá múk aa qaátl wa alé ku alki/iit, ahaá, baraahunge bahh'alé mas ta kaahi, waasle/uú múk aa qaatl i kaahh.

1 Korinto 15:15

Nee slám bar adoosíng, atén sleeme a adór lamabu'uusér Mungú ar lamuuse. Asma atén Mungú una lamabu'uumaán adór inós Kristo ngura waaslee/atís, ala laatí gwa waaslee/atisiiká, barnaxes kangwhúng kwisíng oo ló' oo múk aa qaatl iwa waaslee/iiká.

1 Korinto 15:20

Ala looeema a kuká', Kristo aa waasleé/ baraá múk aa qaátl wa alé. Inós a bu'ungwdá' aa giirin oo mukdá' aa qaatl.

1 Korinto 15:4

nee kuri foól, nee bál tame iri waasleé/ ar adoodá' Gooi ngir kat,

1 Korinto 6:14

Mungú Aako guna waaslee/atís baraá múk aa qaátl wa alé, nee Munguúwí atén sleeme ti waaslee/atis ar /uuruuwós looarka wake.

2 korinto 4:14

Asma atén a xuaán Mungú, kudá' Aako Yesu gwa waasle/atis baraá múk aa qaátl wa ale, Munguúwí atén sleeme ti waasle/atis dinkwa nee Yesu, nee tiri hardahaas dír geeraawós i alé dinkwa nee kuungá'.

Galatia 1:1

Anuú Paulo barwaári ngina gooiím. Aníng a ya/abusmo. Aníng múk iga ya/aaw i kaahh, laqaá heé iga ya/abusmoó wa qaas tleehh i kaahh. Ala án heé iga ya/abusmoó wa qaas a Yesu Kristo inósuú kilá'. Slám nee Mungú Baabá, kudá' Yesu Kristo ngwa waaslee/atis baraá múk aa qaátl wa ale.

Efeso 1:20

/Uuruudá' gadiyeé ga tleéhh baraarén wa ale an /uuruudá' Mungú ira gadiyuús qoomár Kristo nguwa waaslee/atís baraá múk aa qaátl wa ale, guri qaás dakós oo doó /iyáy gawaá dooriwo.

Kolosai 2:12

Asma qoomár tunduwa baatimiís, tunduna al foól dinkwa nee Kristo, tunduri waaslee/atís sleeme dinkwa nee inós, asma /uuruú Mungú kuwa haratlintié', kudá' Kristo ngwa waaslee/atis baraá múk aa qaátl wa ale.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

1 Petro 1:21

Kuungá' Mungú ugwa haratlintié' ar inós, Munguúdá' inós gwa waaslee/atis baraá múk aa qaátl wa ale, guri xirfuú i haniís. As kuungá' Mungú kuwa haratlintia' nee kuwa haraxua'.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.