Tlehhema'aá ya/Abuuse 2:23 - Biblía Axweesantá Hhohho' ar Mungú 2004

²³ Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Ya/abtór hho' 1977

²³ Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Tlehhema'aá ya/Abuuse 2:23 Iomraidhean Croise

IIMU/UUNGW 50:20

Kuungá' looeemaawo, ana slaé' aníng iwa gár tlaákw i tlehha', ala Mungú gana slaá' tawa gár hhoo', as xoorór ur ngiwa ba/amisi, adór hám i diri' laarí.

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

ISAYA 37:26

Kuúng kaangwí ugwa axaskáhe adór aníng kangw'eé' ngura qoomeés iimír aange, iimír aange ador'eé' tí ana qaroó qoomeés tí hám laarí tleehharuumiit tí kuúng gixsadaá koo/i gawden kiwa hhaamís tari ufér tsa/eewasi.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

Matayo 20:19

Aluuwo kuri qaas baraá dabaá múk xoordaá hatlá' as kuwa niqin, nee kuwa muxi nee kuri kikii'' gawaá msalaába, nee bál tám kuri waaslee/atis.»

Matayo 26:24

Garmoó Hee inqo tawo amór gwa'arár i hi'iit, adoodá' gooi i kat daanduuwose. Ala heedá' Garmoó Hee gu sakií/, hhiintluuwós ku gawít. Inós a tsiní geera bur kwa laqwaaliiká.»

Matayo 27:35

Kikiiaro kuwa hhe'eés, inqwaruuwós kuri qasmiís ar loohír tsawdo.

Marko 15:24

Kuri gawaá msalaábár i kikií'. Inqwaruuwós kuri qasmiís, tsawdo kari tleéhh as umuú heewo gaarós ngiwa slay.

Luka 22:22

Asma Garmoó Hee i gwa'arár áy, adoodá' Mungú ngira tsabín, ala heedaádá' gu sakií/, a tsaxwaawós.»

Luka 22:37

Asma án a kah, gooirí aqo in bó/ dir'eene, tidá' kah, ‹Kuna harafaár dinkwa nee tlakuuse.› Tidá' taa gooín gawaaeé' alé aa naká/ boo/eesaro.»

Luka 23:33

Nee tawa hardáh dirka ta babay «Fartá saga», Yesu nee mukduú tlakuuse kiri alkiki'ín, oo wák dákw doó /iyáy oo Yesu nee kuqá' dákw doó basáy.

Luka 24:20

Kaahamuusér uren ar Mungú, nee geeraharuuseerene inós kuri haniís kuwa sakwasleemuuti ar sakwasleemár gwa'ara, kuri kikií'.

Yohana 19:18

Didá' kawa áy, kuri kikií' gawaá msalaába. Múk tsár oo hatlá' kway kikií', kooko bihhaaqá' kuqá' bihhaaqá', nee Yesu i tla/ángw i dirii'.

Yohana 19:24

Askaári iri kilooín axwés iwa kat, «Hiyaay u feehhisaanaaká. Ala un tsawdoórí tleehhaán, áx heé gu sláw a heemá.» Adoorí ina tleehharút asma Gooi iwa bo/, tidá' kah, «Tlabaaeé' kina qasmiís baraá tla/angw'ín wa ale. Nee hiyay'eé' kuna tsawdoórí tleéhh.» An adoodár askaáridá' aa tléhh.

Tlehhema'aá ya/Abuuse 13:27

Asma múk Yerusalemu nee geeraharuuser'ín, inós kwaa tsaahhiiká adór tar Ba/amusmo. Kuri sakwasleemuút. Gawaá adoorihe axweesanaydá' aaruuse aa kát kuri boo/eés, kudá' ta soomaamuusi umuúqo deelór Sabaátoro.

Tlehhema'aá ya/Abuuse 15:18

aa xu'utiít iimír aange.› »

Tlehhema'aá ya/Abuuse 2:36

«Gawaá adoorihe kuungá' múk Israeli, kángw kilá' wa xuaak, adór Yésuuwí kuungá' taa kikié' Mungú ngura qaás tawa Aako nee Kristo.»

Tlehhema'aá ya/Abuuse 3:18

Ar tlehhmuuwihe Mungú adoodá' aa geerií axweés ar loohír aaruuseerós sleémeero, tidá' iwa káh, Kristowós gár kuwa hariím a kun slahh'eemiís.

Tlehhema'aá ya/Abuuse 4:28

As kawa tleehhi tidá' kuúng taa slá' nee taa tsabiín kawa tlehh ar /uuruuwók, iimír iimu/uungo iwa bo/.

Tlehhema'aá ya/Abuuse 5:28

«Atén kuungá' naa ló'wa hara'ayiimániíke niwa kaahaan kuungá' ma intsaahhatimisara' ar umuuwí. Ala hám qaytsité', intsaahhatimisuuhúng Yerusalemu gaa dalaá/, nee kuungá' tseerér heehúng kudá' ngi gawaarén i huwtá wa sla'á'.»

Tlehhema'aá ya/Abuuse 5:30

Munguú baabi'iirén Yesu guna waaslee/atís, kudá' kuungá' taa gasé' ar loohír kikiár gawaá msalaába.

Tlehhema'aá ya/Abuuse 7:52

Baabi'iihúng aaruusér taa máy gusisiingo a gaalá? Inooín aaruuse kana tsuú/, tidá' aa aaririin iwa kat, Kudá' Ganaá' ni hardah. Hám kuungá' ugwa saki/é' kuri gasé'.

Rumi 2:12

Mukdá' sleémeero hara'ayár Mose ga xuaaká, ala tlakweema kay tleéhh, inooín ki sakwasleemuut, tam hara'aya ka xuiikahe. Mukdá' hara'ayár Mose ga xuú', ala tlakweema kiri tleéhh, inooín ki sakwasleemuut ar hara'ayaadá'.

Rumi 4:17

adoodá' kara gooín, tawa kaahi, «Án kuúng ugwa qaás tawa baabuú xoordaá yaariir.» Gawaá adoorihe inós an baabuú xoordaá yaariir dír geeraá Munguhe, Munguúdá' inós aa haratlintií'. Munguúwí an kudá' múk aa qaatl gu slafíngw i hanimiís, slám an kudá' mura' sleémeero oo kaáhh gu ateetiím tawa adór muruú dáw.

1 Tesalonike 2:15

Múk Yahudi an kudá' Aako Yesu gwa gaas, nee aaruusero, nee atén sleeme tiri slahh'eemisiyé'. Inooín sla'aarír Mungú kaa leelehhiitiiká. Slám a wakuusér muu sleémeero.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.

1 Petro 1:20

Gaarí an gár inós kusa tsawaár nee Mungú iimír yaamu kiwa tleehhiiká, nee hamí baraá deeloorír alhhe'eesaywo kuna geehhooeés as kuungá'.

1 Petro 2:8

Nee kaa malé gooín, «tlaa/ár inooín gi dukuuts, nee tlaa/ár inooín ta i huui.» Inooín Axweesantadá' haratlintaaooro kan siaasii'. Gawaá adoorihe axweesantadá' iri dukuutsmo tleehhít dir'ine, asma gaarí an gár Mungú aa qoomeés daandeemooine iimír iimu/uungo.

Yuda 1:4

Asma mukko i deer oo naa qawti dah. Mukwí kuna sakwasleemarí i gooín iimír aáng wa ale. A múk Munguú da'ayuumitaaká, slám a múk tsuuqaá Mungú harneét ar hotaá tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.