Tlehhema'aá ya/Abuuse 2:20 - Biblía Axweesantá Hhohho' ar Mungú 2004

²⁰ Tsee/amá iri giiw, nee slahhaangw iri tseere tleehhiit, dír deelór Aako, tidá' ak ur nee ar xiríf nira xeeriiká.

Ya/abtór hho' 1977

²⁰ Tsee/amá iri warqáy iri giwti tleehhiit, nee slahhaangw iri tseere tleehhiit, dír qoomár deelór Aako nira xeeriiká, tidá' ak ur.

Tlehhema'aá ya/Abuuse 2:20 Iomraidhean Croise

ISAYA 13:10

Asma tsatse/uú gawaá doori nee tsatse/uudá' ninakwe gwa/aateema gi máy, tsee/amá bir tsiirariihh in didií giiw, slahhaangw gwa/aateema gi máy.

ISAYA 13:15

Umuú heewo oo taa harasliqiít aqo kun muut, nee umuúqo heé taa oohi aqo kun gaas ar paánga.

ISAYA 13:9

Ga/aawaak, deelór AAKOÓ MUNGÚ i hi'ít, a deelór hhamhhám, ar xaraasl nee buhhtaá xaraaslá', as yaamu ngiwa hhitin nee mukdá' tlakweemaá tlehhahhiít nguwa qwaareesi.

ISAYA 24:23

Aluuwo slahhaangw iri giiw, nee tsee/amá gwa/aateema giri máy, asma AAKOÓ MUNGÚ Aleesleemusmo tloomár Siyoni nee Yerusalemu gan sawaawuti'ín, nee xirfuuwós guri laqán dír bariisér mukós.

ISAYA 34:8

Asma AAKOÓ MUNGÚ baala ga qaás ar li/aay nguwa bui, kurkú li/oó Siyoni nguwa bui dír wakuuser'ín.

YEREMIA 4:23

Aníng ana qaytsiít baraá yaamu, naxés gaa a sluhhaay nee gár dáw i káhh. Doori ina i qaytsiít, gwa/aateema sleeme i kahhiyá'.

Yoeli 2:1

Tarumbeéta ufaahhaak, gawaá tloomár Siyoniro, uui ilahariisaak, gawaá tlomar'eé' tidá' hhoohhoo', as yaamuloouusér Yuda sleémeero iwa daaraxat, asma deelór AAKOÓ MUNGÚ ni hardát, slám naa naká/.

Yoeli 2:31

Tsee/amá kun warqees tay giwti, nee slahhaangw in tseere tleehhiit, dír deeloorí ur ar AAKOÓ MUNGÚ ar dae tlaaq nira hardatká.

Yoeli 3:14

Slaweemaá amaqawár yaariir i baraá xatstá kwasleema.» Asma Deelór AAKOÓ MUNGÚ naa naká/ baraá xatstá kwasleemaro.

AMOS 8:9

Aakoó MUNGÚ i kaahi, «Baala ni xeér ar aníng tsee/amá nguwa looár lahhoó' ii dahaas, yaamu giwti giri tuuntúk tlaatla/ángw ale.

MALAKI 4:5

«Ga/aawaak, baalaadá' ur ar dae tlaaq ar AAKOÓ MUNGÚ nira hardatká, aníng aarusmo Eliya ngu ya/aáw geerií alé.

Matayo 24:29

«Slahh'ámuú deeloodá' bira waaraáhh, qoomaadár kilae, Tsee/amá iri giiw, nee slahhaangw iri gwa/aatiiká, tsatse/uú gawaá doori iri paahh, nee /uuruudá' doori gi koóm kuri dingiis.

Matayo 27:45

Looár lahhoó' iwa xeér, iimi iri gíp yaamu sleémeero ay looár gwaleél.

Marko 13:24

«Ala deeloodaádae alaá slahh'amuuwo tsee/amá in giiw, nee slahhaangw i gwa/aatiiká.

Luka 21:25

«Qoomaadae laya kingi laqán ar gawaá tsee/amá, nee slahhaangw nee tsetse/. Nee baraá yaamuwo muu i baraá slahh'amuú yaariír i dirii', ta baraá daér yaariír i dirii', asma adoodá' tlawi iwa amoqwaqwadiin.

Tlehhema'aá ya/Abuuse 2:19

Aníng muruú waa/oo/amór koóm ngu gawaá doorí wa laqaám, nee baraaká' yaamuwo layu ngiri laqaám, tseere nee asla, nee ququamó.

Tlehhema'aá ya/Abuuse 2:21

Nee umuúqo heewo oo umuú Aako gwa ateeti ku ba/amis.›

1 Korinto 5:5

daqaní heesíng ku hanisá' amór Neetlángw i alé, as slaqwtós kwa hhitin, as qeeruuwós daqaní iwa ba/an Baalaadár Aakoorén Yesu binda hardát.

1 Tesalonike 5:2

Asma kuungá' kilá' a xuá' adór deelór Aako nir hardát adoodá' fisusmo nir hardihi xweeraawo.

2 Petro 3:10

Ala deelór Aako i hardát adór fisusmoó ar alé. Baldá' doori ni ilaá wa qwaariyá' ar kududuhoó úr, nee tsatse/ asla gu ót nee iri weeq. Yaamu nee muruú baraawós i dirií' sleémeero niri qwaariyá'.

2 Petro 3:7

Doori nee yaamu kuká' hamí dawá' kina amohhe'eés nee kin xún ar axweesantá Mungú sleeme, nee in kumiitiyá' ar adoorós tidá' i dirii'iya' ay bál deeloodár sakwasleema. Baldá' bira xeér, kiri daa/ ar asla, nee múk tlakuuse kuri sakwasleemuut nee kuri qwaarees.

Geehhoeemaá 16:8

Malaykamoó tsiyáhh slooqomoowós guri ku'uús gawaá daanduú tsee/ama. Tsee/amá kuri aleesleemií haniís oo muu nguwa da/a/an ar asla.

Geehhoeemaá 6:12

Nee Deelmoó bee/i dugnooduú lahhoó' nguwa gweér, kunseelír ur niri hardát, looa iri boo/eér adór guniár taa tleéhh ar se'eengw, slahhaangw sleémeero iri tseere tleehhiít.