Tlehhema'aá ya/Abuuse 19:38 - Biblía Axweesantá Hhohho' ar Mungú 2004

³⁸ Ala bar Demetrio nee mukwí nee inós algadiyuusá' gaa ka kón ar hee kuwa sakwasleemuuti, maraá kwasleema i dayá', nee mukdá' urén oo kwasleema i deer. Ti amorqá' wa sakwasleemuutiye'.

Ya/abtór hho' 1977

³⁸ Ala bar Demetrio nee mukwí nee inós algadiyuusá' gaa ka kón ar hee kuwa sakwasleemuuti, maraá kwasleema i dayá', nee mukdá' urén oo kwasleema i deer. Ti amorqá' wa sakwasleemuutiye'.

Tlehhema'aá ya/Abuuse 19:38 Iomraidhean Croise

Tlehhema'aá ya/Abuuse 13:12

Ga/aawusmoodá' kangwdá' aa tleehharut nguwa ár, iri haratlintií'. Intsaahhatisár daanduú Aako gari sa waa/oo/amín.

Tlehhema'aá ya/Abuuse 13:7

Heewí i dinkwa nee ga/aawusmooko ta bay Sergio Paulo. Ga/aawusmoowí a heé fuqurángw koóm. Ga/aawusmoowí Barnaba nee Saulo giri ateét amoorós i aleeró, Ya/abtór Mungú ngiwa axaasár wa slai.

Tlehhema'aá ya/Abuuse 13:8

Ala Elima, qwaslaarmoodá' (gídaabár umuuwós an qwaslaarmo), inós tina tlaampa'aamisiyé' nee inooín. Asma inós gár i slai a ga/aawusmoodá' masók haratlintaaoodá' gan máy.

Tlehhema'aá ya/Abuuse 18:14

ala Paulo qoomár iwa adoorí wa ilawatstá slai, Galio múk Yahudi guri báy, «Kuungaá múk Yahudi, heewí geera barnaxes gár tlaakw gana tleéhh, geera alók án kuungá' nu iiárií qaás.

Tlehhema'aá ya/Abuuse 19:24

Asma heeko wák i deer, umuuwós ku bay Demetrio. Heewí a kareermo. Inós slaqsa'aá maraá Artemi gin tlehhahhiit. Artemi a munguú /ameeni oo múk Efeso. Gadiyeérós tí múk gadiyuús slaasláwár yaariir gan slaasláy.

Tlehhema'aá ya/Abuuse 19:39

Ala bar gár hatlá' ta koondá' ar dimbé i deer, gaasíng ka amohhe'ees didár dinkwadá' kawa hariím ar muu sleémeero.

1 Korinto 6:1

Baraá tla/angwhunge heé wák barnaxes i kwasleemár kón nee heé hatlá', adór ir qiitli kwasleemadá' ngiwa huwi dír geeraá múk hota gana'aaká. Gár geeraawo hariim a gan huuw dír geeraá múk hhohhó' oo Mungú.

DABE 17:8

«Siwarkaaro i ya/aán qaa/oó gawít niwa ti'iiti baraá gixsarhunge, oo har'ohuuse i aleesleeraaká tsatto, kwasleemár daanduú hee kuwa gaás laqaá daanduú hariimár hee kawa hara/uuntsín, laqaá hee kuna slahh'eés, daqaní ta tleerá' didá' AAKOÓ MUNGÚ Munguúhúng i tsawaari, as umuuwós kuwa ateetin.