Tlehhema'aá ya/Abuuse 19:22 - Biblía Axweesantá Hhohho' ar Mungú 2004

²² Múk tsár baraá mukdá' inós gu alee/iimamisa guri ya/aáw ay Makedonia. Mukwí a Timoteo nee Erasto. Ala inósuú kilá' iri Asiár wa hoót deelór hhaawaakahe.

Ya/abtór hho' 1977

²² Múk tsár baraá mukdá' inós gu alee/iimamisa guri ya/aáw ay Makedonia. Mukwí a Timoteo nee Erasto. Ala inósuú kilá' iri Asiár wa hoót deelór hhaawaakahe.

Tlehhema'aá ya/Abuuse 19:22 Iomraidhean Croise

Tlehhema'aá ya/Abuuse 13:5

Qoomár tawa Salamír i dirii'i, Ya/abtór Mungú kari alki/iít baraá maraá saalíngw múk Yahudiro. Yohane a dinkwa nee inooín, as ngiwa alee/iimisi.

Tlehhema'aá ya/Abuuse 16:1

Paulo iri hardáh dír gixsár Derbe nee Listra, nee didaádane eeharusmoó wák i deer, umuuwós ku bay Timoteo. Inós a garmoó /ameenirkar Yahudi ar Mungú gwa haratlinti'. Ala baabuúwós a heé Yunani.

Tlehhema'aá ya/Abuuse 16:3

Paulo Timoteo guna slaá' tiwa alkona'. Gurir tláy, guri al/uútl, as múk Yahudi oo amoodí dirií', asma sleémeero ka xuu' adór baabuúwós tar heé Yunani.

Tlehhema'aá ya/Abuuse 18:5

Sila nee Timoteo tindiwa aweér Makedoniár wa ale, Paulo pa/aangw guri sláy oo axweesantá Mungú ngiwa alki/iiti umuúqo deelooro, múk Yahudi guri lamabu'ún adór Yesu tar Kristo.

Tlehhema'aá ya/Abuuse 19:10

Tari kumiít ar adoorí ay kureeri tsár, tam múk Yahudi sleémeero nee oo Yunaniro kudá' Asiár i dirií', Ya/abtór Aako gari axaás.

Tlehhema'aá ya/Abuuse 19:21

Alaá kaangwí sleémeero iwa tleehharuút, Paulo isa gari tsaát iwa waaraahhi ar Makedonia nee Akaya, nee iwa kumiiti ay Yerusalemu.» Iri oó', «Aníng bara amorqí hardáh, gár iwa hariím an Romár káw sleeme.»

Tlehhema'aá ya/Abuuse 19:29

Tlaahhidá' iri kumít baraá gixsa sleémeero. Boo/oó muu Gayo nee Aristarko kiri ohín. Inooín a múk Makedoniár daáhh, tina al koné' nee Paulo. Mukwí kurir tláy ay dír neeto.

Tlehhema'aá ya/Abuuse 20:1

Tlaahhidá' ar muu iwa fák, Paulo eeharuuse gari ateét, gari gurkwa/amís, gari deelór i oó'. Iri tláy ay yaamaá Makedonia.

Tlehhema'aá ya/Abuuse 20:34

Kuungá' kilá' a xuá' adór dabaaeé' kuká' nira gadiyuusiyé' as muruudá' án ni slaa' nguwa slaw, dinkwa nee mukdá' nee aníng al hootá'.

Rumi 16:23

Gayo kuungá' nu intsihhiimiis sleeme. Aníng a dahaaymoowós, nee múk kríshaanáy sleémeero in dír do'ós wa saalaalín. Erasto nu intsihhiimiis. Inós a heé peésár gixsari ga amohhe'eemaamiís. Nee hhiyaarén Kwarto sleeme kuungá' nu intsihhiimiis. [

2 korinto 1:16

Ana slaá' niwa dirhúng ar waaraahh qoomár bar Makedoniár káw, nee niwa malé dirhúng ar oh binda Makedoniár wa kií/, nee as kuungá' aníng iwa alee/isa' niwa kumiit baraá aaiieene ay yaamaá Yudea.

2 korinto 11:9

Qoomár aníng niwa amorhúng i dirii', tam gaa ngiwa slaá', aníng heé naa daawitimís dirhunge i kaahh. Asma hhaeedá' Makedoniár dahhá', muruudá'sleémeero aníng naa slaá' nguna huwiyé'. Aníng ana ló'wa ilakaahareés as kuungá' munduwa diitsakwár ar áw. Nee slám aníng an adoodár kumaamiít.

2 korinto 2:13

Ala tam adoorihe aníng amohhooa aga ariiká baraá muunaáeene, asma hhiyaaeé' Tito, ugwa ariiká amoodae Gawaá adoorihe aníng deelo ngiri dir'ínií oó', niri tláw ay yaamaá Makedonia.

2 korinto 8:1

Hháe, atén a sla'aán kuungá' tsuuqaadá' Mungú aa haniís dír múk kríshaanáy oo baraá yaamaá Makedonia kiwa xua'.

2 korinto 8:19

Ala a har tí kiloseeká, ala inós kuna tsawaár nee kríshaanáy sleémeero as nee atén tawa al'aa'aá kawaan, qoomár bar alee/isaywí oo sla'aari bur huwaán, alee/isaywí atén ta sagadiyuusaan. Adoorí kana tleéhh as Aako iwa xirfuuti, nee as sla'aarirén niwa geehhoouur adór alee/iimis kur sla'aán.

1 Tesalonike 1:8

Asma axweesantá Mungú kaa dirhúng wa axaás a baraá yaamaá Makedonia nee Akaya kiloseeká, ala kángw haratlintaaorhúng dír Munguhe aa tsiyaayaaxaát umuúqo diiro. Gawaá adoorihe atén gár ta ooaan i káhh.

2 Timoteo 4:20

Erasto ina meét yaamaá Korintór i alé. Trofimo una geexáw yaamaá Mileto, asma i tiiq.