Tlehhema'aá ya/Abuuse 19:21 - Biblía Axweesantá Hhohho' ar Mungú 2004

²¹ Alaá kaangwí sleémeero iwa tleehharuút, Paulo isa gari tsaát iwa waaraahhi ar Makedonia nee Akaya, nee iwa kumiiti ay Yerusalemu.» Iri oó', «Aníng bara amorqí hardáh, gár iwa hariím an Romár káw sleeme.»

Ya/abtór hho' 1977

²¹ Alaá kaangwí sleémeero iwa tleehharuút, Paulo axweesani gari tsaát gídaabá, “Án a waaraáhh ar Makedonia nee Akaya, nari kumiít ay Yerusalemu.” Iri oó', “Aníng amoorí bara hhe'eés, án gár iwa hariím an Rumír káw sleeme.”

Tlehhema'aá ya/Abuuse 19:21 Iomraidhean Croise

WA/AA/I 3:37

Heé gaa ga oó' iri tleehharút a heemá bar Aako gaa ooiiká?

Tlehhema'aá ya/Abuuse 16:12

Nee niwa didá' wa tlawaán, tari hardahaán ay gixsár Makedonia ar ta bay Filipi, an gixsár ur baraá ayaadae, slám an dír boómár múk Roma i diri'. Tari hootaán baraá gixsadá' wa ale deelór hhaawaakahe.

Tlehhema'aá ya/Abuuse 18:12

Ala qoomár Galio tawa ga/aawusmoó yaamaá Akaya, múk Yahudi sleémeero Paulo guri i haratláy ar muunuú wák, guri huúw ay geeraá doó kwasleema.

Tlehhema'aá ya/Abuuse 18:21

Paulo deelo gari dir'íní oó', giri báy, «Mungú bar ngaa slaá', aníng niqo malé kií/.» Iri Efesór wa tláy ar tla/ángw tlawi.

Tlehhema'aá ya/Abuuse 19:22

Múk tsár baraá mukdá' inós gu alee/iimamisa guri ya/aáw ay Makedonia. Mukwí a Timoteo nee Erasto. Ala inósuú kilá' iri Asiár wa hoót deelór hhaawaakahe.

Tlehhema'aá ya/Abuuse 19:29

Tlaahhidá' iri kumít baraá gixsa sleémeero. Boo/oó muu Gayo nee Aristarko kiri ohín. Inooín a múk Makedoniár daáhh, tina al koné' nee Paulo. Mukwí kurir tláy ay dír neeto.

Tlehhema'aá ya/Abuuse 20:16

Paulo gaa slaiiká iwa waaraahhi ar Efeso. Asma deelór yaariir mingiwa qwaareés yaamaá Asiárí wa aleeró. Asma inós i gaanslín. Gár aa slaá' masók in hardah Yerusalemu dír deeloodár Pentekoste ira xeeriiká.

Tlehhema'aá ya/Abuuse 20:22

Nee aníng hamí aga tláw ay Yerusalemu, taa tseék nee Qeeruú hhoohhoó' oo Mungú. Gár aníng ni amorqií aw a xuaaká.

Tlehhema'aá ya/Abuuse 21:17

Qoomár tawa hardahaán Yerusalemu, hhae tiri ilaoohiyé' ar qwala/.

Tlehhema'aá ya/Abuuse 21:4

Eeharuuse kari slawaán amoodae, tari dir'ín wa hootaán deelo faanqw. Inooín Paulo ar /uuruú Qeeruú hhoohhoó' oo Munguhe kuri ádbabáy as Yerusalemu mingiwa káy.

Tlehhema'aá ya/Abuuse 23:11

Xweeraadae Aako ina bihhaá Pauló i sihhiít guri báy, «Muuna hhe'eés, asma adoodá' kangw'eé' kura lamabu'uún baraá Yerusalemuro, un adoodár lamabu'uún sleeme baraá Romaro.»

Tlehhema'aá ya/Abuuse 27:1

Qoomár hara'aya kawa oó' tawa aa'aá kawaan ar baraá tlawi ay Italia. Paulo kunguri duúx, nee mukduú hatlá' taa tsegiít, kiri qaás dabaá heeko ta bay Yulio. Inós a geeraharusmoó daqtá askaárír múk Roma, daqtadá' ta bay «Daqtá Agusto.»

Tlehhema'aá ya/Abuuse 27:24

iri báy, ‹Paulo, ma da'ayumitaar. Kuúng gár tuwa hariím an sihhít geeraá waawutmoó múk Roma. Nee qaytsiít, slafíngw mukwí sleémeero baraá miringamií dirií' oo aa'aá kaw dinkwa nee kuúng, Mungú gu ba/amis as kuúng.›

Tlehhema'aá ya/Abuuse 28:16

Tawa dahaán baraá yaamaá Roma, Paulo pa/aangw guri sláy oo iwa hooti dír doó inós tawa kilós, inós nee askaarmoodá' gu xuúm.

Rumi 1:11

Asma án kuungá' nu ló'wa artá wa slaá', as tsuuqaá Qeeru ngiwa haniis as kuungá' /uuru kuwa sleera' baraá haratlintaaooro.

Rumi 1:13

Hhaee'eé', gár án dirhunge ni xu'utisár wa slaa' a tí, aníng aga slaá' daqtá yaariire niwa amorhúng i hardah. Ala taa il/án tam ay hamí. Gár nisa daqeemuú slaá' amorhúng as kahhó' múk ni amór Yesu i huuw nguwa slaw dirhunge, adoodá' muu ngura sláw dír múk xoordaá hatlá' sleémeerowo.

Rumi 1:15

Gawaá adoorihe aníng a ló'wa slaá' Ya/abtór hho' ngiwa alki/iit dirhunge sleeme, kuungaásingá' baraá gixsár Romár hootá'.

1 Korinto 16:5

Aníng bara waaraáhh ar baraá yaamaá Makedonia, aníng niqo amorhúngií hardáh. Asma aníng a slaá' niwa waaraahh ar tla/ángw yaamaá Makedonia.

1 Korinto 4:19

Ala aníng ni amorhúngií hardáh ar gaanslaay, bar Aako ngaa slaá'. Aníng binda hardáh, gár ni tsaahh, a axweesanoó mukdá' aa daar/uut kiloseeká, ala tam /uuruuín sleeme.

2 korinto 10:16

Daqaní atén Ya/abtór hho' alki/ituuwo a aleeslawaán baraá yaamaá ak saawe ta koohunge. Ala a dahaanaaká baraá yaamaá heé hatlá' gadiyeé ngiwa iimu/ún, as atén mitiwa xirfayeemisaán as gadiyér heé hatlá' aa tleéhh.

Galatia 2:1

Kureeraá mibaá nee tsiyáhh niwa waarahhiyé', aníng niri malé tsa/aám ay Yerusalemu dinkwa nee Barnaba. Nee Tito sleeme tiri alkoomaán.

1 Tesalonike 1:7

Gawaá adoorihe kuungá' tari slaqsaay tleehhité' dír muu sleémeerowo oo aa haratlintii', kuduú baraá yaamaá Makedoniár i dirií', nee oo baraá Akayaro.