Tlehhema'aá ya/Abuuse 19:19 - Biblía Axweesantá Hhohho' ar Mungú 2004

¹⁹ Nee muu bahh'alé kuduú qwaslaare kitaabi'ii'ín kiri burumbuúr, kiri dír geeraá muu sleémeeró wa daá/. Nee faaro kari tleéhh, naxés tlaxór kitaabi'iidá' a shiliíngi kume mibeeri kooán.

Ya/abtór hho' 1977

¹⁹ Nee muu bahh'alé kuduú qwaslaare kitaabi'ii'ín kiri burumbuúr, kiri daá/ dír geerá muu sleémeeró wa ale. Nee faaro kari tleéhh, kari ár gídaabá tlaxór kitaabi'iidá' a shilingi kume mibeeri kooán.

Tlehhema'aá ya/Abuuse 19:19 Iomraidhean Croise

IIMU/UUNGW 35:4

Inooín munguiidá' ta haratlintaati'i ngiri Yakobo i haniisiyé'. Nee saaqaanduú baraá iaaín i diriia, Yakobo giri tiíp dír gamuú ti'ita, iisaapoó gixsár Shekemu.

1 QOM'I 10:13

Saulo ina gwaá' asma inkihhimu wasleerós, inós inkihhimu guna dakuús dír AAKOÓ MUNGUHE ar hara'ayár AAKOÓ MUNGÚ ngiwa oohiiká, nee sleeme inós gi'i gina yaahamisuú áy ale/iisaay nguwa slay,

2 QOM'I 33:6

Daaqaywós sleeme guna ilahhooár da/tá wa hanmiís baraá xatstá garmoó Hinomu wa ale. Tlaa/e gina xuú', iigu'utu guna leelehiít, muruuduú taami ohiingw guna tsegiít, sleeme tana aldinku'umiís nee mukdá' giaá duxuúm nee da/aluuse. Inós tlakweemaá yaariir gina tleéhh dír geeraá AAKOÓ MUNGUHE, Mungú guri buhhtís.

TI'INAANGW 32:20

Damaadá' taa tleéhh gari taataáhh, gari kwaáhh baraá asla, gari xoósl, iri naasút adór teeri, gari tsaafiís baraá ma'aay. Ma'aydá' giri wahaás ar múk Israeli.

TI'INAANGW 7:11

Farao múk sageloén guri ateét, nee da/aluuse nee qwaslaareero, inooín adoodár kilá' ngina tleehhiyé' ar miislay'ín.

TI'INAANGW 7:22

Ala qwaslaarér yaamaá Misri adoodár kilá' gana tléhh ar miislay'ín. Naagáy muunuú Farao iri gawdúy, tam inooín gaa iiárií qaasiiká, adoodá' AAKOÓ MUNGÚ ngira oó'.

ISAYA 30:22

Kuungá' munguiihúng kudaá murslaaqat kudá' taa qaaliindé' ar peésa, nee kudá' taa qaaliindé' ar sahaábu kuri siá', kuri amór saáwí kwahhá' adór gár ta waki, kuri beera', «Tsumumu'uút.»

ISAYA 8:19

Nee qoomár burna bayé', «Tlawé' gi'i yaahamisuú awaak, nee muruú /ayma'aá mululu'uúm adór tsir/o, asma i qoón muu munguii'ín ngiwa yaahamisiya', nee múk aa qaatl kuwa yaahamiisi as múk slaáf.»

DANIELI 2:2

Waawutmo iri ya/abín qwaslaare nee da/aluuse nee múk Kaldayo nee xu'utuusér tlata kingiwa ateeti as gadaádá' aa ár baraá tlataawose ngiwa ooiya'. Mukdá' sleémeero nari hardát, tay sihhiít geeraá waawutmo.

TLAHHOÓ LAÁWI 13:52

Kaahamusmoó Mungú tlawuudá' ngu da/i ar asla, asma gár i laqaqan a tiqtír tsatmit. Tlawuuwí aqo kun daa/, bar kuna hiriít laqaá kuna hhuútl, laqaá oo taa tleéhh ar se'éngw bee/aangw, laqaá oo kitaáni, laqaá tam oo kaahari gaalá, asma in tiqtír tsatimituú kón, tidá' tlaakw.

Luka 14:33

Gawaá adoorihe baraá tla/angwhunge heé eeharusmooeé' tleehhiít i kaahh, barnaxes muruuwós kudá' sleémeero i kon gwa geexayká.»

Luka 15:8

«Laqaá barnaxes /ameenír wák i shiliíngír mibángw koón, oo wák bira qwaár, adór i laq a adoomá? Aqo tsaa'asi gan dá/, do' gway fíts, shilingmoodá' guri leelehhít ay dír nguy sleer.

Tlehhema'aá ya/Abuuse 13:6

Qoomár yaamuudá' kaahaar awa tla/ángw tlawi kingiwa waaraáhh, tawa hardáh ay Pafo, heeko qwaslaarmo kuri ár. Inós a aarusmoó lama, inós a heé Yahudi, umuuwós a Bar-Yesu.

Tlehhema'aá ya/Abuuse 13:8

Ala Elima, qwaslaarmoodá' (gídaabár umuuwós an qwaslaarmo), inós tina tlaampa'aamisiyé' nee inooín. Asma inós gár i slai a ga/aawusmoodá' masók haratlintaaoodá' gan máy.

Tlehhema'aá ya/Abuuse 19:18

Sleeme múk yaariír oo aa haratlintii', tlehhemi'ii'ín kiri hhu'u'ún kiri geehhoatís.

Ebrania 10:34

Kuungá' ana slahhahhaé' dinkwa nee mukdá' taa tsegiít. Slám muu muruuhúng nguwa hayohín, kuungá' adoodá' ana ya/aandé' ar qwal/amaaye. Asma kuungá' aga xué' adór daqaari'iimarhúng ar hatlá' ir deér, tidá' baloó faakaaká.