Tlehhema'aá ya/Abuuse 19:13 - Biblía Axweesantá Hhohho' ar Mungú 2004

¹³ Mukko Yahudi i deer oo harweerariím. Inooín a múk neetlaamér gusaasiím. Neetlaame kari iiár guusaro, ar umuú Aako Yesu kuwa kaahi daanduú mukdá' neetlaame aa eeri. Ta kaahi, «Aníng kuúng u guús ar umuú Yesu, kudá' Paulo i alki/iiti.»

Ya/abtór hho' 1977

¹³ Mukko Yahudi i deer oo harweerariím. Inooín a múk neetlaamér gusaasiím. Neetlaame kari iiár guusaro, ar umuú Aako Yesu kuwa kaahi daanduú mukdá' neetlaame aa eér. Ta kaahi, “Aníng kuúng u guús ar umuú Yesu, kudá' Paulo i alki/iiti.”

Tlehhema'aá ya/Abuuse 19:13 Iomraidhean Croise

IIMU/UUNGW 4:12

Tam yaamu bir dósl, bu'úngw hhó' ngu duuxiaaká, slám kuúng tay heé tawó hi'imaamiít, oo doó hootaaká.»

IIMU/UUNGW 4:14

Ga/aaweek, laarí iga gús baraá yaamukae, slám iga gús amór saáwí alé dír geeraawoge. Aníng a heé tawó hi'imaamiít, oo doó koomaaká baraakaá yaamuwo, slám umuúqo heé i ara aqo in gaas.»

1 WAAWITÁ 22:16

Ala waawutmo Mikaya guri báy, «Án kuúng u lo'ór /aymiis ar umuú AAKOÓ MUNGÚ sagaá waa magá' as looeema ngiwa o'?»

WARA'AMI 109:10

Na/iiwós i haleleeitiye' nee i pasltár hi'iimitiye', ki gusiisin baraá taangwaá maray'ín wa ale!

Matayo 12:27

Nee aníng barnaxes a neetlaamér duxuúm ar /uuruú Be'elsebuli, xáy, mukhúng /uuruú ngir duxun oo heemá? Gawaá adoorihe mukhúnguú kilá' kuungá' nun sakwasleemuut.

Matayo 26:63

Ala Yesu aa ilawatsiiká. Kaahamusmoó úr oo Mungú Yesu guri báy, «Án kuúng u baw, lo'o huweek ar Munguúdá' slaáf. Atén ti ádbeer kuúng barnaxes aqo Kristo, Garmoó Mungú.»

Marko 5:7

iri tseé' ar afór ur i kaahi, «Yésu, Garmoó Munguú Gawa, án nee kuúng a milá? Un firiím ar umuú Mungú, mi slahh'eemisaar.»

Marko 9:38

Yohane Yesu guri báy, «Intsaahhatusámo, heé neetlaamér duxuúm ar /uuruú umuuwók una araán. Kuri iigahhataán asma inós nee atén ti alkoomanaaká.»

Luka 11:19

Ala barnaxes aníng neetlaame a duxuúm ar /uuruú Be'elsebuli, mukhúng gár ngir duxun a milá? Ala gawaá adoorihe mukhúnguú kilá' kuungá' nu sakwasleemuut.

Luka 9:49

Yohane iri ilawaáts, iri oó', «Aáko, heé neetlaamér duxuúm ar umuuwók una araán. Kuri iigahhaataán asma inós nee atén ti alkoomanaaká.»

Tlehhema'aá ya/Abuuse 19:14

Daaqayko faanqw oo Skewa adoorí gan laqaqán. Skewa a kaahamusmoó úr oo Mungú.

2 korinto 11:4

Asma kuungá' umuúqo heewo oo naa hardah amorhúng un sa qiqtliindá', kudá' kángw Yesú hatlá' gu alki/iít. Yésuudá' inooín ta alki/iiti a kudá' atén taa alki/itaniiká. Slám kuungá' qeeruú hatlá' u ya/a/aandá'. Inós a Qeeruudá' hhoohhooeeká oo kuungá' taa ilaoté'. Nee slám kuungá' Ya/abtór hho' ar hatlá' an ilaoohiindá'. Ya/abtoorí a tidá' atén naa dirhúngií alki/itaniiká.

YOSHUA 6:26

Yoshua lo'oorí gari dír geeraá múk wa huúw, iri oó', «Hee bar gixsár Yeriko gaa malé tleéhh, inós ku lu'usi nee AAKOÓ MUNGÚ. Heé iihhafiiri gaa iiar qaasaro aqo na/aywós oo baris kun gaas, nee umuúqo heé afér gixsa gaa tleehh aqo garmaawós oo alutmo kun gaas.»

1 SAMUELI 14:24

Múk Israeli tana dawimiít kángw kilá' wa ale, Saulo baalaadae muu guna lo'ór /aymiís, iri oó', «Umuúqo heewo laarí muruú /ayma munguwa gwaá afkwár káy ay tsiindo, ay dír wakuuser'eé' tí ngay li/áy buu'. Heé gwaa qo áfkwár kayi i tsarere'eeti.» Gawaá adoorihe heé muruú /ayma gwa tsaaq i kaahh baraá tla/ángw muko.