Tlehhema'aá ya/Abuuse 18:7 - Biblía Axweesantá Hhohho' ar Mungú 2004

⁷ Paulo iri didá' wa tláy, iri dáh baraá doó heeko wák, umuuwós ta bay Tito Yusto. Heewí a heé Munguú ilaiwawaá/. Do'ós nee doó saaliingw ti hariyá'.

Ya/abtór hho' 1977

⁷ Paulo iri didá' wa tláy, iri dáh baraá doó heeko wák, umuuwós ta babay Tito Yusto. Heewí a heé Mungú ilaiwawaá/. Do'ós nee doó saaliingw ti hariyá'.

Tlehhema'aá ya/Abuuse 18:7 Iomraidhean Croise

Yohana 9:31

A xuaán adór Mungú múk tlakweemaá koóm ngur iiárií qaminká. Ala heé Mungú ilaiwawaá/ nee sla'aarír Mungú ga tlehhiít, heé adoorí Mungú gu iiárií qaas.

Tlehhema'aá ya/Abuuse 10:2

Inós nee múk do'ose sleémeero ta Munguú ilaiwa/a/aat. Slám muu gun qaaqáy ilahhooár yaariire, nee Mungú gun firaarín daqisleém.

Tlehhema'aá ya/Abuuse 10:22

Tari oó', «Kornelio, geeraharusmoó askaári, atén tina ya/aáw. Inós a heé ganaá', slám a heé Munguú ilaiwawaá/, nee adór tar heé hhoó' múk Yahudi sleémeero ga xuu'. Inós kuna ádbáy nee malaykamoó hhoohhoó' muu nguwa ya/aawi amoorók, as kuúng tawa amór do'ós i daqeer, as axweesantók ngiwa axaasi.»

Tlehhema'aá ya/Abuuse 13:42

Paulo nee Barnaba tawa ti'iít, muu giri firín as axweesanaywí nguwa malé axweesiya' bál deelór Sabaátór tsare.

Tlehhema'aá ya/Abuuse 13:43

Qoomár muu iwa diyaa/aát, múk Yahudi oo yaariír Paulo nee Barnaba gina eehár, dinkwa nee múk xoordaá hatlá' oo aa warqay baraá diínír múk Yahudi. Paulo nee Barnaba tari axweés nee inooín, kiri gurkwa/amís as tawa baraá gurtleemuú Mungú wa hooti.

Tlehhema'aá ya/Abuuse 13:50

Ala múk Yahudi /ameenadá' uren, tidá' Munguú ilaiwawaa/, nee múk urén oo gixsa, kina dukún, muu kuri harakeemiís, as Paulo nee Barnaba kiwa guusi. Paulo nee Barnaba kiri tsee/áy duúx baraá yaamuuín kudae.

Tlehhema'aá ya/Abuuse 16:14

/Ameenirka ta bay Lidia didae i deer. Inós inqwaruú sirda/atén gun weermaamís. Inós ar baraá yaamaá Tiatira. Inós i Munguú ilaiwaawá/. Atén tiri iiárií qás, nee Aako muunaáwós guri gweér, axweesantadá' Paulo aa axweés gari ót.

Tlehhema'aá ya/Abuuse 17:4

Bahh'alé baraá tla/angw'ine tari ya/án, tari haragwaá' nee Paulo nee Sila. Nee múk Yunani sleeme oo yaariír baraá kudá' Munguú ilaiwawa/a'a, tari ya/án, tam /ameenár hhaawaaká ar uren sleeme iri ya/aán.

Kolosai 4:11

Yesu sleeme, kudá' ta babay Yusto, kuungá' nu intsihhiimiis. Inooínaaká' in gadiyér tleehhiyá' dinkwa nee aníng as waawuti'iimár Mungú. Slám aníng in ló'wa gurkwa/amiisiyá'. Dír kríshaanáydá' oo baraá múk Yahudiro heé gadiyuús dinkwa nee aníng i kaahh, aqo har kuká' tám kilooín.