Tlehhema'aá ya/Abuuse 18:5 - Biblía Axweesantá Hhohho' ar Mungú 2004

⁵ Sila nee Timoteo tindiwa aweér Makedoniár wa ale, Paulo pa/aangw guri sláy oo axweesantá Mungú ngiwa alki/iiti umuúqo deelooro, múk Yahudi guri lamabu'ún adór Yesu tar Kristo.

Ya/abtór hho' 1977

⁵ Sila nee Timoteo tindiwa aweér Makedoniár wa ale, Paulo pa/aangw guri sláy oo axweesantá Mungú ngiwa alki/iiti umuúqo deelooro, múk Yahudi guri lamabu'ún gídaabá Yesu an Kristo.

Tlehhema'aá ya/Abuuse 18:5 Iomraidhean Croise

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

YEREMIA 6:11

Gawaá adoorihe buhhtaá AAKOÓ MUNGÚ baraeene naa hatsiyé' as inooín. Aníng ilaa/aro taa harslaaqaát.» AAKOÓ MUNGÚ iri báy, «Buhhta ku'uuseek gawaá na/iidaá baraá loohi, nee sleeme dír daqtá masoomba sleémeero, hhawaate nee /ameenaaro ki ar tláy, tam bariise nee bariisér aa diimadiindi.

ESEKIELI 3:14

Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

MIKA 3:8

Ala aníng a haáts /uuru nee aleesleemuwo, a haáts Qeeruú AAKOÓ MUNGUHE, a haáts sakwasleemár ganaa'a nee pihhaywo, as múk Yakobo nguwa dakuúsarínií oo', nee múk Israeli nguwa tlakweemaínií oo'.

Luka 12:50

Ala baatiísmo u sláw oo tir baatisi. Hamí aníng a baraá slahh'amuú yaariír i dirií' ay dír i boo/i.

Luka 16:28

Asma hhaee'eé' awa kooán i dayá', ngi gurbu'utá ay, asma inooín mindiwa hardihiyé' diirí slahh'amuú koom.›

Yohana 1:41

Andrea hhiyaawósuú kilá' kudá' ta bay Simon guri geerií ár, guri báy, «Atén Masihi una araán.» (Gídaabárós a Kristo.)

Yohana 10:24

Múk Yahudi Yesu kuri harweér tari oó', «Kuúng atén ti daawitamamis ay xaylá? Kuúng barnaxes a Kristo, atén ti xu'utisa hhe'es.»

Yohana 15:27

Kuungá' sleeme aníng i lamabu'uundá', asma iimír iimu/uungo kuungá' a dinkwa nee aníng.

Yohana 3:28

Kuungá' kilá' aníng ina lamabu'uundé' niwa oó', ‹Aníng a Kristowooká, ala án tina ya/aáw geeraawós wa ale.›

Tlehhema'aá ya/Abuuse 10:42

Yesu hara'aya ngina oó' ar muu kuwa Ya/abtór hhó' i alki/iitaan nee kuwa lamabu'uumaan, adór kwí tar kudá' taa hara'ayár i haniís nee Mungú, múk slaáf nee múk aa qatli nguwa sakwasleemuuti.

Tlehhema'aá ya/Abuuse 15:22

Aluuwo ya/abuuse nee bariise nee kríshaanáy sleémeero oo didií dirií', axweesani kari tsaát tawa kaahi, «Muu un tsawaaraán baraá tla/angwrén wa ale, kuri ya/aawaán nee Paulo nee Barnaba ay Antiokia.» Nee múk taa tsawaár a kwí: Yuda, kudá' ta bay Barsaba, nee Sila. Mukwí an geeraharuuse baraá hhaeewo.

Tlehhema'aá ya/Abuuse 16:1

Paulo iri hardáh dír gixsár Derbe nee Listra, nee didaádane eeharusmoó wák i deer, umuuwós ku bay Timoteo. Inós a garmoó /ameenirkar Yahudi ar Mungú gwa haratlinti'. Ala baabuúwós a heé Yunani.

Tlehhema'aá ya/Abuuse 16:12

Nee niwa didá' wa tlawaán, tari hardahaán ay gixsár Makedonia ar ta bay Filipi, an gixsár ur baraá ayaadae, slám an dír boómár múk Roma i diri'. Tari hootaán baraá gixsadá' wa ale deelór hhaawaakahe.

Tlehhema'aá ya/Abuuse 16:9

Paulo xweeraawo iigu'utu guri ár. Heé yaamaá Makedonia guna ár, i sihhimiit, i Paúló babay, «Waaraahháng amór yaamaá Makedonia, atén ti alee/isár eer.»

Tlehhema'aá ya/Abuuse 17:3

Axweesantá Mungú gari dir'ín i gwa/atimís nee gari alki/iít adór Kristo gár kuwa hariím aqo kun slahh'eemiis, nee niri waslee/ baraá múk aa qaátl wa ale. Iri oó', «Yésuuwí kaangós án ni alki/iit, inós an Kristo.»

Tlehhema'aá ya/Abuuse 18:28

Asma inós múk Yahudi guna ló'wa ar ba/a hhe'eés geeraá muu sleémeero wa ale, ngiwa laqaqan ar Gooír axweesantá Mungú adór Yesu tar Kristo.

Tlehhema'aá ya/Abuuse 2:36

«Gawaá adoorihe kuungá' múk Israeli, kángw kilá' wa xuaak, adór Yésuuwí kuungá' taa kikié' Mungú ngura qaás tawa Aako nee Kristo.»

Tlehhema'aá ya/Abuuse 20:21

Án múk Yahudi nee Yunaniro una ló'wa gurbuú' tlakweemaaín kiwa hhu'u'n dír Mungú i hhu'u'un, nee Aakoorén Yesu Kristo kuwa haratlintii'i.

Tlehhema'aá ya/Abuuse 20:23

Ala Qeeruú hhoohhoó' oo Mungú aníng i ádbabáy umuúqo gixsaro adór tseegamo nee slahh'amaaye aníng ir daamaraná'.

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 4:20

Asma atén muruudá' taa araán nee kudá' taa axaasaán, kuwa mawaan axweesanto u aleeslawanaaká.»

Tlehhema'aá ya/Abuuse 9:22

Saulo ina kumiít ar pihh'uuma axweesantá Mungú alki/ituuwo, múk Yahudi oo Damaskórí dirií', gurir baá/, ngiwa laqaqan adór, ‹Yesu tar Kristo.›

2 korinto 1:19

Asma Garmoó Mungú, Kristo Yesu, kudá' kangós atén naa dirhúngií alki/itaán, aníng nee Silwano nee Timoteo, a gídaabáheeká inós an «Eeít» nee «Aasla'áy». Ala umuú daqto gár baraawós a «Eeít».

2 korinto 11:9

Qoomár aníng niwa amorhúng i dirii', tam gaa ngiwa slaá', aníng heé naa daawitimís dirhunge i kaahh. Asma hhaeedá' Makedoniár dahhá', muruudá'sleémeero aníng naa slaá' nguna huwiyé'. Aníng ana ló'wa ilakaahareés as kuungá' munduwa diitsakwár ar áw. Nee slám aníng an adoodár kumaamiít.

2 korinto 5:14

Asma sla'aarír Kristo atén tin harakeemís, asma atén aga tsaahhaán adór heé wák ira gwaá' as muu sleémeero, gawaá adoorihe muu sleémeero ina qaátl.

Filipi 1:23

Aníng a baraá waatsaraárí dirií'. Aníng a ló'wa slaá' niwa tlaw, niwa hotángw aw amór Kristo, asma adoorí a tsiní kángw kilá' wa ale.

1 Tesalonike 3:2

Hhiyaarén Timoteo kuri ya/aawaán. Inós a sagadiyusmoó wák oo Mungú dinkwa nee atén baraá gadiyér Ya/abtór hho' ar Kristo kawa alki/iitaan. Inós atén nguna ya/aawaán as kuungá' nuwa gurkwa/asi nee haratlintaaorhúng ngiwa gawdeesi,

1 Tesalonike 3:6

Ala Timoteo niwa amorhúng wa wayaá', kángw hhó' oo haratlintaaorhúng nguri huúw, nee oo sla'aarirhúng. Atén tina ádbáy adór kuungá' atén tir ló'wa inslasleerá' umuúqo daqto, nee ti artá wa sla'á' adoorír atén kuungá' nur artá wa sla'aan.

1 Petro 5:12

Án barwaárí naa amorhúng i gooiimi a Silwano ina alee/iís. Inós a hhiyoó ló'wa inkihhím. Barwaárí ngina gooiím as kuungá' nuwa gurbuu' nee nuwa lamabu'uum gídaabá gaarí a gurtleemuú ló' oo Mungú. Gawaá adoorihe sihhtano hhe'eesé' baraá gurtleemuuwihe.