Tlehhema'aá ya/Abuuse 18:28 - Biblía Axweesantá Hhohho' ar Mungú 2004

²⁸ Asma inós múk Yahudi guna ló'wa ar ba/a hhe'eés geeraá muu sleémeero wa ale, ngiwa laqaqan ar Gooír axweesantá Mungú adór Yesu tar Kristo.

Ya/abtór hho' 1977

²⁸ Asma inós múk Yahudi guna ló'wa ar ba/a hhe'eés geerá muu sleémeero wa ale, ngiwa laqaqan ar Gooír axweesantá Mungú ar gídaabá Yesu an Kristo.

Tlehhema'aá ya/Abuuse 18:28 Iomraidhean Croise

Luka 1:80

Na/aydá' iri uráy, /uuruuwós iri doogín oo qeeru. Iri baraá darmuú wa hoót ay baalaadá' iwa amór múk Israelírí ti'iít.

Luka 24:27

Yesu muruudá' sleémeero Gooi i kat daanduuwose guri dir'ín i xu'utimís, guri iimír kitaaba'aá Mosé wa iimu/ún ay aaruuse sleémeero.

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Yohana 5:39

Kuungá' tidá' taa gooín baraá Gooiro a mak tsee/ariindá', asma kawa xua', kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

Tlehhema'aá ya/Abuuse 17:3

Axweesantá Mungú gari dir'ín i gwa/atimís nee gari alki/iít adór Kristo gár kuwa hariím aqo kun slahh'eemiis, nee niri waslee/ baraá múk aa qaátl wa ale. Iri oó', «Yésuuwí kaangós án ni alki/iit, inós an Kristo.»

Tlehhema'aá ya/Abuuse 18:25

Heewí kwaa intsaahhatimís loohír Aakoowo, slám muunaáwós i hamiis. Iri iimu/ún axweesanto nee intsaahhatimisuuwo ar adór qoom daanduú Yesuwo. Ala inós baatiísmoó aa xuú' a kuduú Yohane kilós.

Tlehhema'aá ya/Abuuse 18:5

Sila nee Timoteo tindiwa aweér Makedoniár wa ale, Paulo pa/aangw guri sláy oo axweesantá Mungú ngiwa alki/iiti umuúqo deelooro, múk Yahudi guri lamabu'ún adór Yesu tar Kristo.

Tlehhema'aá ya/Abuuse 8:35

Filipo Ya/abtór hho' ar Yesu gari iimu/ún dirósí alki/ituuwo. Dír ngiwa iimu/ún a dír axweesantadaádá' heedaádá' aa soomuús.

Tlehhema'aá ya/Abuuse 9:22

Saulo ina kumiít ar pihh'uuma axweesantá Mungú alki/ituuwo, múk Yahudi oo Damaskórí dirií', gurir baá/, ngiwa laqaqan adór, ‹Yesu tar Kristo.›