Tlehhema'aá ya/Abuuse 18:24 - Biblía Axweesantá Hhohho' ar Mungú 2004

²⁴ Heeko wák oo Yahudi, umuuwós ku bay Apolo, nina hardáh ay Efeso. Inós a heé ta Aleksandriár wa laqwaál. Slám a heé sagalooár koóm baraá axweesanto, nee Gooír axweesantá Mungú ga ló'wa xuu'.

Ya/abtór hho' 1977

²⁴ Heeko wák oo Yahudi, umuuwós ku babay Apolo, nina hardáh ay Efeso. Inós a heé ta Iskanderiár wa laqwaál. Slám a heé sagalooár koóm baraá axweesanto, nee Gooír axweesantá Mungú ga ló'wa xuu'.

Tlehhema'aá ya/Abuuse 18:24 Iomraidhean Croise

ESRA 7:12

«Anuú Artashasta waawutmoó waawitá, amór kunguú Esra oo kaahamusmo nee goousmoó dabér AAKOÓ MUNGUÚ doori, laawaaywók.

ESRA 7:6

Esrawí nina Babulonír wa tláy. Inós a goousmoó xu'utír koóm daanduú hara'ayár Munguhe tidá' AAKOÓ MUNGÚ, Munguú Israeli aa haniís dír Mose. Inós kuri alee/iís nee waawutmo umuúqo gár i slai, asma AAKOÓ MUNGÚ, Munguúwós i dinkwa nee inós.

TI'INAANGW 4:10

Mose AAKOÓ MUNGÚ guri bay, «AAKOÓ MUNGÚ, iimír aange aníng axweesani a aleeslawaaká, tam alaá anuú sagadiyusmoowók nee kuúng tawa axweesaán, asma aníng ti inslahheeká axwesanto, tsifrangw'eé' ku iiloó'.»

ISAYA 3:3

geeraharusmoó slaqwara oo múk mibeeri kooán, heé taa uráy haniís, nee hara'ayusmoowo, nee da/alusmoó fuqurángw koóm, nee qwaslaarmoó tsuuqár baala.

Matayo 13:52

Yesu giri báy, «Gawaá adoorihe umuúqo intsaahhatusmoó hara'ayár Mosewo, oo sagalooár waawuti'iimár doori ga koóm, a slaqás nee heé do' loó', oo baraá daqaari'iimarose muruú /abén nee oo qarene gu hanmiís.»

Luka 24:19

Giri yaahaás, «Ahaá, a muruú adoomá oo aa tleehharuut?» Kuri báy, «Kángw Yesú Nasareti. Inós a aarusmo. Inós i aleesleemuú kón baraá tlehhemi'iiwo nee baraá axweesanto, dír geeraá Munguhe, nee dír muu sleémeerowo.

Tlehhema'aá ya/Abuuse 18:19

Tari hardáh ay gixsár Efeso, giri amoodá' i geexáy, inós iri dáh baraá doó saaliingw, tiri tlaampa'amisiyé' nee múk Yahudi.

Tlehhema'aá ya/Abuuse 18:21

Paulo deelo gari dir'íní oó', giri báy, «Mungú bar ngaa slaá', aníng niqo malé kií/.» Iri Efesór wa tláy ar tla/ángw tlawi.

Tlehhema'aá ya/Abuuse 18:28

Asma inós múk Yahudi guna ló'wa ar ba/a hhe'eés geeraá muu sleémeero wa ale, ngiwa laqaqan ar Gooír axweesantá Mungú adór Yesu tar Kristo.

Tlehhema'aá ya/Abuuse 19:1

Qoomár Apolo iwa baraá Korintórií dirii'i, Paulo iri waaraáhh ar baraá yaamaá kaahaar, iri hardáh ay Efeso, amoodae tiri doogiyé' nee eeharuuserka,

Tlehhema'aá ya/Abuuse 27:6

Didaádae geeraharusmoó askaari miringamo nguri sláy oo Aleksandriár daáhh. Miringamoodá' i Italiár káy. Atén tiri gawaadií tsa/aás

Tlehhema'aá ya/Abuuse 6:9

Mukko i deer, oo ta bay múk doó saaliingw oo tinda gweér baraá lawaali'iimaro nee oo múk Kirene, nee oo múk Aleksandria nee oo mukdá' oo Kilikia nee Asia. Mukuú doó saaliingwí bahh'alé iri daqáy amór Stefano, as tiwa tlaampaa'amisiya' nee inós.

Tlehhema'aá ya/Abuuse 7:22

Mose kuri intsaahhatimís sagalooár múk Misri sleémeerowo. Tari heé ilakaahaár baraá axweesanto nee baraá tlehhemi'iwo.

1 Korinto 1:12

Gár án ni kah a tí, «Baraahunge heeko i kaahi, ‹Aníng a heé Paulo.› Kuqá' i kaahi, ‹Aníng a heé Apolo.› Nee oo hatlá' i kaahi, ‹Aníng a heé Kefa.› Nee kuqá' i kaahi, ‹Aníng a heé Kristo.› »

1 Korinto 16:12

Ala daanduú hhiyaarén Apolowo, aníng inós una ló'wa harhheehhe'eés, as niwa amorhúng kay dinkwa nee hhaeedaá hatlá'. Ala inós gaa slaiiká niwa daqay hamihe. Ala pa/aangw burngwa sláy, ni amorhúngií hardah.

1 Korinto 4:6

Hháe, diirihe aníng nee Apolo a slaqsaay dirhunge. Adoorí ana tleéhh as kuungá' kaangwí kuwa dirén wa intsahha', «Adoodá' Gooi i kat ma mawaara'.» Hee dirhunge miwa daar/án as daanduú intsaahhatusmooko oo hatlá' guri waaqaaqaa'.

2 korinto 10:10

Asma kuungá' daqtakaaro a kata', «Paulo baraá barwaduuwose a heé xaraásl nee oo /uuruú koóm. Ala inós bar i dinkwa nee atén, inós a heé da'ayusmo, nee slám axweesantós gár i koon i káhh.»

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

Tito 3:13

Sena, kudá' hara'aya gaa soomuus, nee Apolo alee/iiseek ar ilakaaharu baraá aaii'ine, matawa gaa /aarúy.