Tlehhema'aá ya/Abuuse 18:22 - Biblía Axweesantá Hhohho' ar Mungú 2004

²² Iri hardáh ay Kaisarea, iri tsa/án, múk kríshaanáy guri laaw'eesár áy. Aluuwo iri aweér ay Antiokia.

Ya/abtór hho' 1977

²² Iri hardáh ay Kaisaria, iri tsa/án, múk Kríshaanáy guri laaw'eesár áy. Aluuwo iri aweér ay Antiokia.

Tlehhema'aá ya/Abuuse 18:22 Iomraidhean Croise

Tlehhema'aá ya/Abuuse 10:1

De'emadaádae heeko i deer oo baraá gixsár Kaisarea. Umuuwós a Kornelio, geeraharusmoó slawtá ta bay, «Askaárír Italia.»

Tlehhema'aá ya/Abuuse 10:24

Nee bál tsár malé alé iri hardáh Kaisarea. Amoodae Kornelio gina daamarán, nee múk do'ós gwa burumbuúr nee mulqeerose.

Tlehhema'aá ya/Abuuse 11:11

Nee siiwadár kilae múk tám naxés aa sihhiít geeraá do'daádá' ta i diriiaan, oo tinda Kaisareár wa ya/aáw amor'eé'.

Tlehhema'aá ya/Abuuse 13:1

Baraá múk kríshaanáy kudá' baraá Antiokiár i diriia aaruuse i deer nee intsaahhatuuse. Inooín a Barnaba nee Simon kudá' ta bay Nigeri, nee Lukio, heé yaamaá Kirene, nee Manaeni, heé aa uray dír doó baabuú waawutmo Heróde wa ale, nee Saulo.

Tlehhema'aá ya/Abuuse 14:26

Tawa didá' wa tláy tari waaraáhh baraá tláwtár alé ay Antiokia. Diirí an didár múk kríshaanáy inooín ngiwa aleefirín /uuruú Mungú ku slay as gadiyeérí kawa tleehhi, tí hám taa hhe'eés.

Tlehhema'aá ya/Abuuse 15:23

Barwá kari gooín kari ya/aáw ar mukdá'. Barwaádá' gár i kat a tí, «Intsihhiisarí amór i dahh a amór ya/abuuse nee bariise. Kana gooín amór hhaeerén kudá' awa xoordaá hatlá', awa baraá Antiokiár i diriiá', nee Siria nee Kilikia.

Tlehhema'aá ya/Abuuse 15:30

Mukwí kuri ya/aáw, tari aweér ay Antiokia. Tawa hardáh, múk alqaati sleémeero kuri burumbuúr, barwaádá' kari haniís.

Tlehhema'aá ya/Abuuse 15:35

Paulo nee Barnaba tari hoót Antiokiár wa ale. Ya/abtór hho' ar Aako kari intsaahhatimís nee kari alki/iít dinkwa nee múk hatlá' oo yaariír.

Tlehhema'aá ya/Abuuse 15:4

Qoomár tawa hardáh Yerusalemu, kiri dahi'ís nee kríshaanáy nee ya/abuuse nee bariise. Nee muruudá' sleémeero Mungú aa tleéhh ar inooín, kuri alki/iít.

Tlehhema'aá ya/Abuuse 23:23

Aluuwo geeraharuusér tsár ar askaári gari ateét gari báy, «Askaárír tsiire tsár amohhe'eesaak as iwa Kaisareár keer, nee ar farsúr hi'iimiit, nee slám askaarír lawlaá koom tsiire tsár. Askaárisíng ti amohhe'es iwa tleer looár tám ar xweeraawo.»

Tlehhema'aá ya/Abuuse 25:1

Festo iwa baraá ga/awusi'iimár i dáh, deelo tám iwa waaráhh iri Kaisareár wa tsa/án ay Yerusalemu.

Tlehhema'aá ya/Abuuse 25:9

Ala Festo múk Yahudi nguwa ilaá hhó' i tlehhituú wa slai, Paulo guri báy, «Yerusalemu a keéra as tuwa dír geeraeé' wa sakwasleemuuti asma kaangwí?»

Tlehhema'aá ya/Abuuse 8:40

Ala Filipo kuri malé ár baraá gixsár Asótór wa ale, qoomár iwa waaraahhi Ya/abtór hho' gari alki/iít baraá gixsadu sleémeerowo, tam garwa hardáh ay Kaisarea.