Tlehhema'aá ya/Abuuse 18:21 - Biblía Axweesantá Hhohho' ar Mungú 2004

²¹ Paulo deelo gari dir'íní oó', giri báy, «Mungú bar ngaa slaá', aníng niqo malé kií/.» Iri Efesór wa tláy ar tla/ángw tlawi.

Ya/abtór hho' 1977

²¹ Paulo deelo gari dir'ín i oó', “Mungú bar ngaa slaá', aníng niqo malé kií/.” Iri tláy Efesór wa ale ar baraá tla/ángw tlawi.

Tlehhema'aá ya/Abuuse 18:21 Iomraidhean Croise

Matayo 26:39

Iri geerií kumiít gár niinawe, giti gari yaamúr óh, iri firín iri oó', «Baabuúeé', barnaxes i ya/aán, qoomaarír slahh'amu aníng i wa pa/. Ala ma tleehhaar ar adoodá' án ngir slaa', na tleehheek ar adoodá' kuúng ta sla'.»

Marko 6:46

Deelo ooaro ngiwa hhe'eés, iri firór áy gawaá tlooma.

Luka 9:61

Heeko hatlá' sleeme Yesu guri báy, «Aáko, án kuúng u eehár. Ala, kuúng ya/aám, múk dooeé' nguwa ala kángw báw.»

Tlehhema'aá ya/Abuuse 15:29

Ti harmagahhe' nee muruudá' sleémeero taa ilahhooár wa tsuú/ dír munguaá hatlá', nee tseere, nee fu'unaá makiito'ór taa af'óh, nee tsaatu'uuma. Birta harmagahhé' baraá muruuwihe, daqaní adór hhoo' aga tlehhé'. Deeloosé'. »

Tlehhema'aá ya/Abuuse 18:19

Tari hardáh ay gixsár Efeso, giri amoodá' i geexáy, inós iri dáh baraá doó saaliingw, tiri tlaampa'amisiyé' nee múk Yahudi.

Tlehhema'aá ya/Abuuse 18:20

Inós kuri firín as iwa hooti deelór hhaawakahe, ala inós aa ya/aniká.

Tlehhema'aá ya/Abuuse 18:24

Heeko wák oo Yahudi, umuuwós ku bay Apolo, nina hardáh ay Efeso. Inós a heé ta Aleksandriár wa laqwaál. Slám a heé sagalooár koóm baraá axweesanto, nee Gooír axweesantá Mungú ga ló'wa xuu'.

Tlehhema'aá ya/Abuuse 19:1

Qoomár Apolo iwa baraá Korintórií dirii'i, Paulo iri waaraáhh ar baraá yaamaá kaahaar, iri hardáh ay Efeso, amoodae tiri doogiyé' nee eeharuuserka,

Tlehhema'aá ya/Abuuse 19:17

Múk Yahudi sleémeero nee oo Yunani, kudá' baraá gixsár Efesór i diriiá' kaangwí kuri xuú'. Muu sleémeero iri ló'wa da'ayuút, nee umuú Aako Yesu iri ak xirfuút.

Tlehhema'aá ya/Abuuse 19:21

Alaá kaangwí sleémeero iwa tleehharuút, Paulo isa gari tsaát iwa waaraahhi ar Makedonia nee Akaya, nee iwa kumiiti ay Yerusalemu.» Iri oó', «Aníng bara amorqí hardáh, gár iwa hariím an Romár káw sleeme.»

Tlehhema'aá ya/Abuuse 20:16

Paulo gaa slaiiká iwa waaraahhi ar Efeso. Asma deelór yaariir mingiwa qwaareés yaamaá Asiárí wa aleeró. Asma inós i gaanslín. Gár aa slaá' masók in hardah Yerusalemu dír deeloodár Pentekoste ira xeeriiká.

Tlehhema'aá ya/Abuuse 21:14

Gurbu'utarén ngiwa sií', tari xasliitaán, tari ooaán, «Sla'aarír Aako i tleehharut.»

Tlehhema'aá ya/Abuuse 21:29

Inooín adoorí kana oó', asma Trofimo kuna ár, heé Efeso, nee Paulo ti koná' baraá gixsaro. Inooín geera ka xui Paulo heewí guna dahaás baraá Doó Mungú.

Rumi 1:10

Án Mungú un fiririím umuúqo daqto hardahamuú amorhúng nguwa aleeslaw barnaxes a sla'aarír Mungú.

Rumi 15:32

Adoorí bira hhooeér, bar Mungú ngaa slaá' aníng niqo hardáh amorhúng ar qwala/, niri hungu/uús ayaahúng.

1 Korinto 15:32

Baraá gixsár Efesowo ana slaáqw nee makaá xaraaslá'. Ala qoomaadae bar ana slaáqw as heeuumar'eé', gár geeraawo ni slaw a milá? Barnaxes múk aa qaatl i baloó waaslee/iiká, «Gimsé', an /ayiimaán nee an wahaamaán, asma matlo a qatlaán.»

1 Korinto 16:7

Asma aníng a sla'aaká nee kuungá' tiwa araan hamihe, qoomaarí niwa tawó waaraahh. Asma aníng harahhifo a koóm ar nee kuungá' tawa alhootaan deelór niinawe, Aako birnga slaá'.

1 Korinto 16:8

Ala aníng a meét baraá yaamaá Efeso ay qoomár Pentekoste.

1 Korinto 4:19

Ala aníng ni amorhúngií hardáh ar gaanslaay, bar Aako ngaa slaá'. Aníng binda hardáh, gár ni tsaahh, a axweesanoó mukdá' aa daar/uut kiloseeká, ala tam /uuruuín sleeme.

2 korinto 13:11

Hám daxta, hhaee'eé', alaáhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Munguúduú sla'aari nee oo wayduú hanmaamiís masók i dinkwa nee kuungá'.

Efeso 1:1

Anuú Paulo, Ya/abusmoó Yesu Kristo as sla'aarír Mungú, barwaárí ngina gooiím amór múk Mungú oo baraá Efeso, kudá' Yesu Kristo ngwa haratlinti'iye'.

DABE 16:1

«Deelór ur ar Pasaáka tleehhaak qoomár slahhángwdá' ta babay Abibu, as AAKOÓ MUNGÚ, Munguúhúng, asma slahhángw Abibu AAKOÓ MUNGÚ, Munguúhúng kuungá' qoomár xweeraawo nuna baraá yaamaá Misrír wa duúx.

Ebrania 6:3

Ala ta tihe, atén gár tiwa hariím an geerií kumitaán. Adoorí an tleehhaán, bar Mungú ngaa slaá'.

Yakobo 4:15

A tsiní geera bar kata', «Aako biringa slaá', a slafaán nee adoorí ngay tleehhaán, laqaá tí.»

1 Petro 3:17

Asma a tsiní burtu slahh'eemiis as tlehhema'aá hhohho', barnaxes a sla'aarír Mungú, ta tuwa slahh'eemisi as tlehhema'aá tlakw.

Geehhoeemaá 1:11

Afoorí ina beér, «Gár kuúng ta aan gooiimeek baraá kitaábií alé, nee daqaní kay ya/áp amór múk kríshaanoó baraá gixsadaá faanqw, awa Efeso, nee Smirna, nee Pergamo, nee Tiatira, nee Sarde, nee Filadelfia, nee Laodikea.»

Geehhoeemaá 2:1

«Kaangwí gooiimeek amór malaykamooduú múk kríshaanáy oo baraá Efesór i dirií', «Axweesantí dír i dahh an dír kudá' tsatse/uú faanqw gwa oh ar dakós oo doó /iyáy, kudá' hi'iimiít baraá tla/ángw kiteeridá' faanqw awa sahaábu awa tsaa'asór koomá'.