Tlehhema'aá ya/Abuuse 18:14 - Biblía Axweesantá Hhohho' ar Mungú 2004

¹⁴ ala Paulo qoomár iwa adoorí wa ilawatstá slai, Galio múk Yahudi guri báy, «Kuungaá múk Yahudi, heewí geera barnaxes gár tlaakw gana tleéhh, geera alók án kuungá' nu iiárií qaás.

Ya/abtór hho' 1977

¹⁴ Paulo qoomár iwa adoorír wa ilawatstá slai, Galio iri oó' dír múk Yahudi, “Kuungá' múk Yahudi, heewí geera barnaxes gár tlaakw gana tleéhh, geera alók án kuungá' nu iiár i qaás.

Tlehhema'aá ya/Abuuse 18:14 Iomraidhean Croise

Matayo 5:2

Giri iimu/ún intsaahhatimisuuwo, iri oó',

Marko 9:19

Yesu giri báy, «Kuungá' qartá haratlintaao wasl, án nee kuungá' ta al hotaatimaan ay xaylá? Nee nu hubaabiim ay xaylá? Garmaasíng amor'eé' huwaare'.»

Tlehhema'aá ya/Abuuse 13:10

iri oó', «Kuúng a garmoó Neetlaangw, nee slám a háts al/ayma sleémeerowo nee tlakweema. Kuúng a wakusmoó gan'amu sleémeero. Kuúng lohaá Aako awa naa ganaaiye' paslimisuwo mis baloó meeraaká?

Tlehhema'aá ya/Abuuse 13:18

Giri geerahaár kureeri mibeeri tsiyáhh, ngiwa baraá xaanxáy wa sage qiqtlin.

Tlehhema'aá ya/Abuuse 21:39

Paulo iri oó', «Aníng a heé Yahudi. Gixsár Tarso tina wa laqwaál, baraá yaamaá Kilikia, a yaamuloousmoó gixsár liitlakweeká. U fiririím, pa/aangw hanisang, oo nir ilawaats nee yaamuloouuseerí.»

Tlehhema'aá ya/Abuuse 25:11

Ala án bar ana dakuús, laqaá gár tlaakw ana tleéhh, ar aníng niwa hariim gwa'araro, gwa'ara a siasiaaká. Ala /aymuuwí iwa sakwasleemutiya' bar loeeká, heé aníng i dabaaín i qaás i kaahh. Kwasleemar'eé' i waarahh amór waawutmoó múk Roma.»

Tlehhema'aá ya/Abuuse 25:26

Nee aníng /aymuú kilá' daanduuwose ni amór waawutmoó i gooiim i kaahh. Gawaá adoorihe nguna geeraahúngí huúw, ak alé dír geeraawók, waawutmo Agrípa, as kahhó' bur kwa yaahamiís, án /aymuú daanduúuwose ni gooiim nguwa slaw.

Rumi 13:3

Asma kudá' waawuti'ii'imá', ta múk dae tlaaqiiká tawó alé as tlehhma'aá hho', ala a as tlehhma'aá tlakw. Xáy, kuúng a slá'a heé aleesleemuú koóm kuwa da'ayumitká? Gimáy, kuúng hhooeema na tleehheek, daqaní kuúng uri xirfayees.

2 korinto 11:1

Aníng qoomár bar dakti'iimar'eé' káh, alók geera án kuungá' in sa qiqtliindá'. Ar ló', án kuungá' i tsuwa sa qiqtliindá'.

2 korinto 11:4

Asma kuungá' umuúqo heewo oo naa hardah amorhúng un sa qiqtliindá', kudá' kángw Yesú hatlá' gu alki/iít. Yésuudá' inooín ta alki/iiti a kudá' atén taa alki/itaniiká. Slám kuungá' qeeruú hatlá' u ya/a/aandá'. Inós a Qeeruudá' hhoohhooeeká oo kuungá' taa ilaoté'. Nee slám kuungá' Ya/abtór hho' ar hatlá' an ilaoohiindá'. Ya/abtoorí a tidá' atén naa dirhúngií alki/itaniiká.

Ebrania 5:2

A gár ya/aam inós tawa heé tsatsa'aár dír mukdá' liitlakwene nee oo aa dakuus. Asma inósuú kilá' ku liitlaákw baraá muruú yaariire.