Tlehhema'aá ya/Abuuse 18:12 - Biblía Axweesantá Hhohho' ar Mungú 2004

¹² Ala qoomár Galio tawa ga/aawusmoó yaamaá Akaya, múk Yahudi sleémeero Paulo guri i haratláy ar muunuú wák, guri huúw ay geeraá doó kwasleema.

Ya/abtór hho' 1977

¹² Qoomár Galio tawa ga/awusmoó yaamaá Akaya, múk Yahudi sleémeero Paulo guri haratláy ar muunuú wák, guri huúw ay geerá doó kwasleema.

Tlehhema'aá ya/Abuuse 18:12 Iomraidhean Croise

Matayo 27:19

Nee Pilato iwa iwiít gawaá kitaangós kuduú kwasleema, hareerós hee nguri ya/áp, guri beér, «Kángw heesíng gan'amuú koóm mu i dahaar. Asma laarí xweeraawo aníng tina slahh'eemaamiís ar baraá tlata as inós.»

Yohana 19:13

Pilato axweesantí ngiwa axaás, Yesu ngway tsee/aá i huúw. Pilato iri iwiít gawaá kitángw sakwasleema, didár ta bay Tlaa/ár Tlambaraáhh (tsifrír Ebraniaro ka babay Gabata).

Tlehhema'aá ya/Abuuse 13:12

Ga/aawusmoodá' kangwdá' aa tleehharut nguwa ár, iri haratlintií'. Intsaahhatisár daanduú Aako gari sa waa/oo/amín.

Tlehhema'aá ya/Abuuse 13:50

Ala múk Yahudi /ameenadá' uren, tidá' Munguú ilaiwawaa/, nee múk urén oo gixsa, kina dukún, muu kuri harakeemiís, as Paulo nee Barnaba kiwa guusi. Paulo nee Barnaba kiri tsee/áy duúx baraá yaamuuín kudae.

Tlehhema'aá ya/Abuuse 13:7

Heewí i dinkwa nee ga/aawusmooko ta bay Sergio Paulo. Ga/aawusmoowí a heé fuqurángw koóm. Ga/aawusmoowí Barnaba nee Saulo giri ateét amoorós i aleeró, Ya/abtór Mungú ngiwa axaasár wa slai.

Tlehhema'aá ya/Abuuse 13:8

Ala Elima, qwaslaarmoodá' (gídaabár umuuwós an qwaslaarmo), inós tina tlaampa'aamisiyé' nee inooín. Asma inós gár i slai a ga/aawusmoodá' masók haratlintaaoodá' gan máy.

Tlehhema'aá ya/Abuuse 14:19

Mukko Yahudi niri hardáh, i Antiokiár daahh nee Ikonio. Mukwí boo/aay guri harakeemiís. Aluuwo inooín Paulo kuri tlaquút ar tlaa/e, kuri duuruxún ar yaamu ay tsee/aá gixsa. Inooín geeraawo ka xui aa qaroó gwaá'.

Tlehhema'aá ya/Abuuse 14:2

Ala múk Yahudi kudaá haratlinti'iiká múk xoordu guri dukún as hhae kiwa aahhi.

Tlehhema'aá ya/Abuuse 17:13

Ala múk Yahudi oo yaamaá Tesalonike kangw kuri axaás adór axweesantá Mungú Paulo ngira alki/iít baraá yaamaá Berearo sleeme. Tari tláy, tari amoodí hardáh, tlaahhi kari qaás, muu kuri amoqwaareés.

Tlehhema'aá ya/Abuuse 17:5

Múk Yahudi da/i guri ót. Múk kuri tawo wa/angwsíng wa sleemiís, kuri burumbuúr as boo/aay kuwa slay. Tlaahhi kari qaás baraá gixsár wa ale. Tari haratláy dír doó Yasoni, as Paulo nee Sila kiwa leelehhiiti nee kiwa huwi dír geeraá boo/oó muu.

Tlehhema'aá ya/Abuuse 18:11

Paulo iri baraadá' wa hoót kurkú wák nee slahheeraá lahhoó', Ya/abtór Mungú gari intsaahhatimís tla/angw'ín wa ale.

Tlehhema'aá ya/Abuuse 18:27

Inós iri waarahhamaá slaá' ar baraá tlawi ay yaamaá Akaya. Hhae nguri harakeesiyé', barwá ngiri gooiné' amór eeharuuse as kuwa dahi'isi. Inós iwa amoodá' i hardáh, mukdá' aa haratlintii', guri ló'wa alee/iimiís ar /uuruudá' Mungú aa inós i haniís.

Tlehhema'aá ya/Abuuse 19:21

Alaá kaangwí sleémeero iwa tleehharuút, Paulo isa gari tsaát iwa waaraahhi ar Makedonia nee Akaya, nee iwa kumiiti ay Yerusalemu.» Iri oó', «Aníng bara amorqí hardáh, gár iwa hariím an Romár káw sleeme.»

Tlehhema'aá ya/Abuuse 25:10

Paulo iri oó', «Aníng aga sihhiít geeraá kitángw sakwasleema oo waawutmoó múk Roma, nee diirí an dír hariim sakwasleemar'eene. Kuúng a ló'wa xú' adór aníng múk Yahudi gár nguwa sadakuús ir káhh.

Rumi 15:26

Asma múk kríshaanáy, kudá' oo baraá yaamaá Makedoníár i dirií', nee baraá yaamaá Akaya, inooín kaa slaá' ohme kawa ya/aawi as múk hhohhó' oo Mungú, kudá' liitlakwén, oo baraá Yerusalemúr i dirií', kuwa alee/iisi.

Rumi 16:5

Múk kríshaanáy kudá' baraá dooín wa saalaaliím intsihhiisaak sleeme. Epaineto, sla'aarusmooeé', intsihhiisaak. Inós baraá yaamaá Asiaro a heé Kristo gwa geerí ya/an.

1 Korinto 16:15

Nee slám hháe, kuungá' kángw múk doó Stefana u xuá' inooín taa giirín haratlintaaooro baraá yaamaá Akayaro. Nee slám inooín taa haniisiyé' múk hhohhó' oo Mungú nguwa sagadiyuusiya'.

2 korinto 1:1

Anuú Paulo barwaárí ngina gooiím dinkwa nee Timoteo hhiyaarén. Aníng a ya/abusmoó Kristo Yesu ar adoodá' Mungú aa slaá'. Barwaárí ngina amorhúngií gooiimaán, kuungaásingá' kríshaanáy, kuungaásingá' Mungú ugwa haratlintie' awa baraá yaamaá Korintór i diriia'. Barwaárí ngina dirhúngií gooiimaán, nee dír múk hhohhó' oo Mungú, kudá' sleémeero oo baraá yaamaá Akayár i dirií'.

2 korinto 11:10

Adoodá' looeemaá Kristo ir baraaeé' i dirii'iya', xirfuuwí ku baloó hingeesiiká dir'eene baraá yaamaá Akaya sleémeerowo.

2 korinto 11:26

Baraá aaiieé' awa yaariire tsaxwaá yaariir in wa /akumaamiít, tsaxwaá yau, nee tsaxwaá fisuuse, tsaxwa as múk xooror'eé', nee as múk xoordaá hatlá' sleeme, tsaxwaá baraá gixsadu nee tsaxwaá baraá darma, tsaxwaá baraá tlawi, tsaxwa as mukdá' káh inooín a hhae, ala laatí inooín a hhaeewooká.

2 korinto 9:2

Asma aníng a xuú' adór kuungá' muuná kur koondá' oo alee/isaywí kuwa hanisa'. Slám án kuungá' nuna xirfayeés dír geeraá múk yaamaá Makedoniár i alé gawaá kaangwihe, niwa oó', «Múk Akaya tina amohhe'eés alee/isaay haniisaro iimír kurkú /isá'.» Muunaáhúng kwisíng múk yaariír baraaine gwaa ilakaaharuú i qaás.

1 Tesalonike 2:14

Kuungá' hhaee'eé', gár kuungá' taa sleeré' a adór tidár múk kríshaanáy oo baraá yaamaá Yudeár i dirií' aa sláy, mukdá' Yesu Kristo gwa haratlintii'. Kuungá' slahh'eemisuú taa sleeré' dír xoororhúng ar kilá' wa ale, an adór slahh'eemisuú inooín taa sláy dír múk Yahudír wa ale.

1 Tesalonike 2:16

Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.

Yakobo 2:6

Ala kuungá' liitlakusmo una mureekesé'. Múk kuungá' nu slahh'eemiís nee nu huwahuúw baraá maraá kwasleema, a daqaareéroóke?