Tlehhema'aá ya/Abuuse 17:5 - Biblía Axweesantá Hhohho' ar Mungú 2004

⁵ Múk Yahudi da/i guri ót. Múk kuri tawo wa/angwsíng wa sleemiís, kuri burumbuúr as boo/aay kuwa slay. Tlaahhi kari qaás baraá gixsár wa ale. Tari haratláy dír doó Yasoni, as Paulo nee Sila kiwa leelehhiiti nee kiwa huwi dír geeraá boo/oó muu.

Ya/abtór hho' 1977

⁵ Múk Yahudi da/i guri eér. Múk tawo oo gídaabár koomaaká kuri tawo wa/angwsíng wa ohín, kuri burumbuúr as boo/aay kuwa slay. Tlaahhi kari qaás baraá gixsár wa ale. Tari haratláy dír doó Yasoni, as Paulo nee Sila kiwa leelehhiiti nee kiwa huuwi dír geerá boo/oó muu.

Tlehhema'aá ya/Abuuse 17:5 Iomraidhean Croise

WARA'AMI 35:15

Qoomár aníng niwa slahhahhaá' inooín tana qwalaá/, tari burumburiít as tiwa niqin, múk ni xuaaká án i muux, tam heé gi har'ohiím i kaahh.

WARA'AMI 69:12

Muu baraá lohuwo aníng in tawo daanda axwees, nee múk oonituuse aníng in niqín ar daa'angw'ín.

AXWEESANOÓ SAGALOOA 14:30

Muuná burku amohhoó' slaqwa i mét, ala ilatleerír tlakw fadu gin tsutsu'ús.

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

Matayo 27:18

Asma inós gaa xuú' adór gár Yesu kungu sa duúx tar da/i.

Tlehhema'aá ya/Abuuse 13:45

Ala múk Yahudi boo/aydá' nguwa ár, da/i giri eér. Tari tlaampa'amisiyé', tari /ooslislín, axweesanaydá' Paulo aa káh kuri sií'.

Tlehhema'aá ya/Abuuse 14:19

Mukko Yahudi niri hardáh, i Antiokiár daahh nee Ikonio. Mukwí boo/aay guri harakeemiís. Aluuwo inooín Paulo kuri tlaquút ar tlaa/e, kuri duuruxún ar yaamu ay tsee/aá gixsa. Inooín geeraawo ka xui aa qaroó gwaá'.

Tlehhema'aá ya/Abuuse 14:2

Ala múk Yahudi kudaá haratlinti'iiká múk xoordu guri dukún as hhae kiwa aahhi.

Tlehhema'aá ya/Abuuse 17:13

Ala múk Yahudi oo yaamaá Tesalonike kangw kuri axaás adór axweesantá Mungú Paulo ngira alki/iít baraá yaamaá Berearo sleeme. Tari tláy, tari amoodí hardáh, tlaahhi kari qaás, muu kuri amoqwaareés.

Tlehhema'aá ya/Abuuse 17:6

Ala kiwa slayká, Yasoni kuri óh, nee hhae bahh'alé, kiri huúw dír geeraá múk urén oo gixsa, tari tsimaahhuús, ta kaahi, «Mukdá' yaamu gaa halelee' naa ayaawí hardáh sleeme,

Tlehhema'aá ya/Abuuse 17:7

nee Yasoni mukwí gwa dahi'ís baraá do'ós i alé. Inooín sleémeero muruú ta tlehhahhiti a kudá' nee hara'ayár waawutmoó múk Roma ti slaslawa'aaká. Asma inooín ta kaahi waawutmoó hatlá' i deer, ku bay a Yesu!»

Tlehhema'aá ya/Abuuse 17:9

Ala Yasoni nee mukós doohhisaro kiwa hhe'eés, kiri geemáy as tawa quutli.

Tlehhema'aá ya/Abuuse 18:12

Ala qoomár Galio tawa ga/aawusmoó yaamaá Akaya, múk Yahudi sleémeero Paulo guri i haratláy ar muunuú wák, guri huúw ay geeraá doó kwasleema.

Tlehhema'aá ya/Abuuse 19:40

Asma atén a baraá tsaxwá i diriiaán tiwa sakwasleemuuti as kaangwí laarí aa tleehharuut, asma tawa adór tlaahhi. Slám gár muruuwí sleémeero isa tleehharuút i káhh. Nee atén birta yaahaás dír kwasleemaro, gár tir aleekala/aan a koomanaaká.»

Tlehhema'aá ya/Abuuse 7:9

«Bariiseerén tidá' gur'e gari ohiín as Yosefu, kuri weeriís as kuwa huwi yaamaá Misri. Ala Mungú i dinkwa nee inós.

Rumi 16:21

Timoteo, kudá' nee aníng algadiyuusá', inós kuungá' nu intsihhiimiis. Nee Lukio nee Yasoni nee Sosipateri sleeme nu intsihhiimisiyá'. Inooín a múk tlahhay'eé'.

1 Korinto 3:3

Asma tam hamí kuungá' a hotaatiindá' ar adoodár múk Qeeruú koomaaká ir hotaatin. Asma baraahunge da/i i deer, nee kaangaani. Gaarí gár i laqaaqaan a kuungá' heeuumarhúng tidár tlakweema an eeharahadá'aáke, nee an hotaatiindá'aáke ar adoodá' múk baraaká' yaamu ir hotaatin?

2 korinto 11:26

Baraá aaiieé' awa yaariire tsaxwaá yaariir in wa /akumaamiít, tsaxwaá yau, nee tsaxwaá fisuuse, tsaxwa as múk xooror'eé', nee as múk xoordaá hatlá' sleeme, tsaxwaá baraá gixsadu nee tsaxwaá baraá darma, tsaxwaá baraá tlawi, tsaxwa as mukdá' káh inooín a hhae, ala laatí inooín a hhaeewooká.

Galatia 5:21

nee tloomatloong, nee oonitime, nee hheehha, nee muruú hatlá' oo nee kwí slaqamiimís sleeme. Adoodá' naa qaroó geerií oó' dirhúngií alé, ngin malé oó', niwa kah, múk adoorí /imaamiís, waawuti'iimár Mungú ga baloó aaliiká.

Galatia 5:26

Atén xirif muwa leelehhiitaán tam atén tiri kiloorén giirimiisaán nee tari tloomatloomaán.

1 Tesalonike 1:6

Nee adór atén tara hootaán, kuungá' kari eehadé'. Gawaá adoorihe tari eeharuusér Aako tleehhité'. Kuungá' slahha'amaayér yaariir ana sleeré'. Ala tam adoorihe axweesantadá' ana ilaoté' ar qwala/, tidá' Qeeruú hhoohhoó' oo Mungú naa haniís.

Yakobo 4:5

Laqaá kuungá' ka xua' Gooi in tawó axwésa, tidá' kah, «Mungú gura' gun ló'wa ohín as qeeruudá' aa baraarén i qaás.»

HAR'OHUUSE 9:4

Mukdá' parhheemaá mibeeraá faanqw awa muqslár peésa gari leéhh baraá doó munguúdá' ta bay Ba'al-beriti, kari haniís dír Abimeleki as ngiwa tlaxwi ar múk baraawaslén oo hhasloowaslén.